மன்னார் மறைமாவட்ட ஆயர்
இராஜப்பு ஜோசப் ஆண்டகையின் மறைவு
ஒட்டு மொத்த தமிழினத்திற்கும்
ஒரு பேரிழப்பே
மக்களின் உரிமைக் குரலாக
மக்களின் பிரதிநிதியாக
மக்களுக்காகவே வாழ்ந்த
பேராயரை இழந்து தவிக்கிறதே
தமிழ்கூறும் நல்லுலகம் !

இனமத மொழி கடந்து
மக்களின் நலனுக்காய்
பாரபட்சமின்றி பணியாற்றி
இன அழிப்பிற்கு நீதி கோரி
சர்வதேசத்திடம் அறைகூவல் விடுத்த
ஆண்டகையை நினைவிற் கொள்கிறோம் !

தமிழ்த் தேசீயம்
சிறந்த வழிகாட்டியை இழந்து
தவிக்கிறதே இன்று
அடக்குமுறைக்கு எதிராக
ஓங்கிக் குரல் கொடுத்து
இனப்படுகொலையின் சாட்சியமாய் வாழ்ந்த
ஆண்டகை மறைந்தார் என்ற செய்தி
மனதை நெருட வைக்கிறதே !

மக்களின் நீதிமான்
மனிதநேயப் பண்பாளன்
கடவுளின் சாட்சி
கருணையின் ஊற்று
இரக்கத்தின் காவலன்
இனத்தின் விருட்சம்
இன்று எம்மை விட்டுப் பிரிந்த்ததே !

தமிழர் தேசத்திற்கும்
தமிழ்த் தேசீயத்திற்கும்
ஓங்கிக் குரல் கொடுத்த
ஆண்டகையின் இழப்பு
அளவிட முடியாத பேரிழப்பே
ஆண்டகையின் ஆத்மா சாந்தியடையட்டும் !