பிரான்ஸின் சில பகுதிகளில் போக்குவரத்தில் மாற்றம் செய்வதற்கு திட்டமிடப்பட்டுள்ளது.

இதற்கயை இன்று(திங்கட்கிழமை) இல்-து-பிரான்ஸ் மாகாணத்திற்குள் போக்குவரத்தில் மாற்றம் கொண்டுவரப்படவுள்ளதாக அறிவிக்கப்பட்டுள்ளது.

சுற்றுச்சூழல் மாசடைவை கட்டுப்படுத்தும் நோக்கில் இந்த திட்டம் கொண்டுவரப்படவுள்ளதாக தெரிவிக்கப்படுகின்றது.

Crit’Air ஒட்டிகளில் வகை 0, வகை 1, வகை 2 ஆகியவற்றை கொண்டுள்ள வாகனங்கள் மாத்திரமே பரிசிற்குள் மற்றும் அதன் புறநகர்களில் அனுமதிக்கப்படும் என அறிவிக்கப்பட்டுள்ளது.

Crit’Air ஒட்டிகளில் வகை 3, வகை 4 மற்றும் வகை 5 ஆகிய வாகனங்களுக்கு முற்றாக தடை விதிக்கப்பட்டுள்ளதோடு, இது தண்டனைக்குரிய குற்றமாகவும் கருதப்படும் எனவும் அறிவிக்கப்பட்டுள்ளது.

குறித்த கட்டுப்பாடு, Hauts-de-Seine, Val-de-Marne மற்றும் Seine-Saint-Denis ஆகிய மாவட்டங்களுக்கும் பொருந்தும் எனவும் தெரிவிக்கப்படுகின்றது.