கடந்த ஞாயிற்றுக் கிழமை நாட்டின் பல்வேறு பகுதிகளில் இடம்பெற்ற வெடிப்புச் சம்பவங்களில் உயிரிழந்தவர்களின் எண்ணிக்கை 359 ஆக உயர்வடைந்துள்ளதாக பொலிஸ் ஊடகப் பேச்சாளர் ருவன் குணசேகர கூறியுள்ளார்.  காயமடைந்த மேலும் பலர் வைத்தியசாலைகளில் சிகிச்சை பெற்று வருவதாகவும் அவர் மேலும் தெரிவித்துள்ளார்.

எதிர்வரும் 24 மணித்தியாலயங்களுக்குள் நாட்டின் பாதுகாப்பு படைகளின் தலைமைத்துவத்தில் மாற்றம் ஏற்படும் என எதிர்ப்பார்ப்பதாக ஜனாதிபதி மைத்திரிபால சிறிசேன தெரிவித்துள்ளார்.  இலங்கையில் இடம்பெற்ற வெடிப்பு சம்பவங்களை அடுத்து ஜனாதிபதி மக்களுக்காக உரையாற்றும் போதே அவர் இவ்வாறு தெரிவித்துள்ளார். 

கந்தான – கட்டுவாபிடிய தேவாலயத்தில் இடம்பெற்ற தீவிரவாத தாக்குதலில் உயிரிழ்ந்தவர்களின் இறுதி சடங்கு இன்று தேவாலய மயானத்தில் இடம்பெறுகின்றது.

இலங்கையை உலுக்கிய பயங்கரவாத குண்டுத்தாக்குதல்களில் கொல்லப்பட்டவர்களுக்கு யாழ்.பல்கலைகழக மாணவர்கள் அஞ்சலி செலுத்தினர். யாழ். பல்கலை வளாகத்தில் இன்று (22) திங்கட்கிழமை மதியம் 12 மணியளவில் மெழுகுவர்த்தி ஏற்றி மலரஞ்சலி செலுத்தி அஞ்சலி செலுத்தினர்.