சீனாவின் தற்போதைய பிரதமர் லீ கெகியாங்கின் பதவி காலம் நிறைவடைந்தது. இதையடுத்து புதிய பிரமராக லீ கியாங் தேர்வு செய்யப்பட்டு உள்ளார். இதற்கு சீனா பாராளுமன்றம் ஒப்புதல் வழங்கி உள்ளது. இந்த பதவி சீனாவின் 2-வது அதிகாரமிக்க பதவியாகும். இவர் சீனாவில் 3-வது முறையாக அதிபராக பதவி ஏற்றுள்ள ஜின்பிங்கிற்கு மிகவும் நெருக்கமானவர். அவரது நம்பிக்கைக்கு பாத்திரமாகவும் திகழ்ந்தார். லீ கியாங், ஜியாங் மாகாணத்தின் தலைமை ஊழியர்கள் அதிகாரியாக இருந்தவர். 2013-ம் ஆண்டு கவர்னராகவும் இருந்தார். இவரது காலத்தில் ஜியாங் மாகாணம் மிகப்பெரிய வளர்ச்சியை பெற்றது. செல்வ செழிப்பான மாகாணமாக மாறியது. மேலும் கொரோனா காலக்கட்டத்தில் அதனை கட்டுப்படுத்த இவர் மிகச்சிறப்பாக செயல்பட்டார் என்பது குறிப்பிடத்தக்கது.