கடந்த உயிர்த்த ஞாயிறன்று நடத்தப்பட்ட தாக்குதலின் பின்னர், முதன் முறையாக வழிபாட்டுக்காக கொச்சிக்கடை புனித அந்தோனியார் ஆலயம் இன்று மீண்டும் திறக்கப்பட்டது. எனினும் பொது மக்கள் உள்ளே செல்ல அனுமதிக்கப்படவில்லை. வீதியில் நின்றவாறு அந்தோனியாரை மக்கள் வழிபட்டனர்.

புத்தளம் கற்பிட்டி பொலிஸ் பிரிவுக்குட்பட்ட  நாச்சிகல்லிய பிரதேசத்திலிருந்து அரபி எழுத்துக்களில் எழுதப்பட்டிருந்த 500 சுவரொட்டிகள்  பொலிஸாரால் இன்றுகண்டு பிடிக்கப்பட்டுள்ளன. குறித்த பகுதியில் முன்னெடுக்கப்பட்ட சோதனை நடவடிக்கைகளின் போதே சுவரொட்டிகள்கண்டுபிடிக்கப்பட்டன என்று பொலிஸார் தெரிவித்தனர்.

வதந்திகளை நம்பாது நாட்டின் அமைதியை நிலை நாட்ட பொதுமக்கள் வழங்கும் ஒத்துழைப்பை வரவேற்பதாக வெகுஜன ஊடகத்துறை அமைச்சரும் பாதுகாப்பு இராஜாங்க அமைச்சருமான றுவான் விஜயவர்த்தன தெரிவித்துள்ளார். நாட்டில் அமைதியைப்பேணுவதற்கு பொதுமக்கள் பாதுகாப்புத்தரப்பினருக்கு சிறந்தஒத்துழைப்பை வழங்கிவருகின்றார்கள். இதுகுறித்துதாம்பொதுமக்களுக்குநன்றிதெரிவிப்பதாகவும்பாதுகாப்புராஜாங்கஅமைச்சர் தெரிவித்தார்.

தேசிய தௌஹீட் ஜமாத் மற்றும் ஜமாத்தி மில்லத்து இப்ராஹீம் ஆகிய அமைப்புக்கள் இலங்கையில் தடை செய்யப்பட்ட அமைப்புகளாக பிரகடனப்படுத்தப்பட்டுள்ளன. அண்மையில் இடம்பெற்ற தாக்குதல்களை அடுத்து இந்த முடிவு எடுக்கப்பட்டதாக ஜனாதிபதியின் ஊடகப்பிரிவு தெரிவித்துள்ளது.

இலங்கையின் சுற்றுலாத்துறையை வழமைக்கு கொண்ட வர தேவையான ஒத்துழைப்புக்கள் வழங்கப்படும் என்று சர்வதேச சுற்றுலா அமைப்பு அறிவித்துள்ளது. இலங்கையில் அண்மைக்காலத்தில் சுற்றுலாத்துறையின் மூலம் உயர்ந்தபட்ச முன்னேற்றத்தை அடைந்திருந்தது. இதனால் இலங்கையின் சுற்றுலாத்துறைக்கு ஒத்துழைப்பு வழங்கப்படும் என்று அமைப்பு தெரிவித்திருக்கிறது.