டென்னிஸ் உலகின் ஜாம்பவானான Serena Williams, நீண்ட இடைவெளிக்குப் பின்னர் மீண்டும் களமிறங்கிய Wimbledon Championships தொடரில் முதல் சுற்றிலேயே தோல்வியை சந்தித்துள்ளார்.

44 வயதான அமெரிக்க வீராங்கனையான செரீனா வில்லியம்ஸ், விம்பிள்டன் மத்திய மைதானத்தில் நடைபெற்ற முதல் சுற்றுப் போட்டியில் அவுஸ்திரேலியாவின் Maya Joint-ஐ எதிர்கொண்டார்.

தன்னை விட 24 வயது இளைய வீராங்கனையான மாயா ஜொயின்ட்டிடம் செரீனா மூன்று செட்கள் கொண்ட கடும் போட்டியின் பின்னர் தோல்வியடைந்தார். போட்டியின் முடிவில் மாயா ஜொயின்ட் 6-3, 6-7, 6-3 என்ற செட் கணக்கில் வெற்றி பெற்று அடுத்த சுற்றுக்கு முன்னேறினார்.

ஏழு முறை விம்பிள்டன் சாம்பியனான செரீனா வில்லியம்ஸுக்கு இது 2022ஆம் ஆண்டு அமெரிக்க ஓபன் தொடருக்குப் பின்னர் நடைபெற்ற முதல் ஒற்றையர் போட்டியாகும். டென்னிஸ் விளையாட்டில் இருந்து விலகியிருந்த அவர், மீண்டும் தான் நீண்ட காலம் ஆதிக்கம் செலுத்திய களத்திற்கு திரும்பியிருந்தார்.

பல கிராண்ட்ஸ்லாம் பட்டங்களை வென்று சாதனை படைத்த செரீனாவின் மீள்வரவு உலகம் முழுவதும் டென்னிஸ் ரசிகர்களின் கவனத்தை ஈர்த்திருந்தது. எனினும், இளம் வீராங்கனையான மாயா ஜொயின்ட்டின் சிறப்பான ஆட்டம் காரணமாக அவரது மீள்வரவு வெற்றியுடன் அமையவில்லை.

செரீனாவின் இந்த தோல்வி ரசிகர்களுக்கு ஏமாற்றத்தை ஏற்படுத்தியுள்ள நிலையில், அவர் மீண்டும் போட்டிகளில் தொடர்வாரா என்பது குறித்து எதிர்பார்ப்பு அதிகரித்துள்ளது.