தமிழகத்​தில் தவெக அரசு பதவி​யேற்ற பிறகு, முதல்வர் விஜய் தலை​மை​யில் முதல் அமைச்​சர​வைக் கூட்​டம் சென்னை தலை​மைச் செயல​கத்​தில் இன்று நடை​பெறுகிறது.

தமிழக சட்​டப்​பேர​வைத் தேர்​தலில் வெற்றி பெற்ற தவெக, கூட்டணிக் கட்​சிகளின் ஆதர​வுடன் ஆட்சி அமைத்​துள்​ளது. முதல்வ​ராக அக்​கட்​சித் தலை​வர் விஜய் கடந்த மே 10-ம் தேதி பதவி​யேற்​றுக் கொண்​டார். ஆட்சி அமைக்க ஆதரவு அளித்த கூட்ட​ணிக் கட்​சிகளுக்​கும் அமைச்​சர் பதவி வழங்​கப்​பட்​டுள்​ளது.

அமைச்​சர​வை​யில் முதல்​வர் விஜய் உட்பட மொத்​தம் 35 அமைச்சர்​கள் இடம்​பெற்​றுள்​ளனர். அனை​வருக்​கும் துறை​கள் ஒதுக்கப்பட்​டன. மாநிலம் முழு​வதும் வளர்ச்​சிப் பணி​கள், நலத் திட்​டங்​களை கண்​காணித்து விரைந்து செயல்​படுத்​தும் வகையில், மாவட்ட வாரி​யாக பொறுப்பு அமைச்​சர்​கள் 3-ம் தேதி நியமனம் செய்​யப்​பட்​டனர்.

தமிழகத்​தில் புதி​தாக தொழில் தொடங்க உள்ள நிறு​வனங்​களுக்கு அனு​மதி அளிக்க இந்​தக் கூட்​டத்​தில் ஒப்​புதல் பெறப்​படும். சில தேர்​தல் வாக்​குறு​தி​களை செயல்​படுத்த அமைச்​சரவை ஒப்​புதல் அளிக்​கும் என்​றும் தகவல்​கள் வெளி​யாகி உள்​ளன. இதுத​விர, பட்​ஜெட் தாக்​கல் செய்​வது, அதில் இடம்​பெற வேண்​டிய சிறப்பு அம்​சங்​கள், ஆளுநர் உரை​யில் இடம்​பெற வேண்​டிய கருத்​துகள் உள்​ளிட்​டவை குறித்​தும் விரி​வாக ஆலோ​சிக்​கப்பட உள்​ளது.