நேற்றைய தினம் 24 மணிநேரத்தில் 554 பேர் மருத்துமனைகளிலும், 433 பேர் மூதாளர் இல்லங்களிலும் உயிரிழந்துள்ளதாக இன்று வெள்ளிக்கிழமை வெளியிடப்பட்ட சுகாதார அறிக்கையில் தெரிவிக்கப்பட்டள்ளது. இதுவரை மொத்தமாக 13 197 பேர் கொரோனா வைரஸ் தொற்றுக்கு இலக்காகி உயிரிழந்துள்ளனர். ( மருத்துமனைகளில் 8,598, மூதாளர் இல்லங்களில் 4,599)

கடந்த 24 மணிநேரத்தில் 4,343 பேருக்கு வைரஸ் தொற்று இனங்காணப்பட்டுள்ளதோடு, இவர்களில் 3 161 பேர் மருத்துமனைகளில் அனுமதிக்கப்பட்டுள்ளனர். மிகுதி 1 182 பேர் வீடுகளில் தனிமைப்படுத்தப்பட்டுள்ளனர்.

தற்போது 7004 பேர் தீவிர சிகிச்சபை;பிரவில் அனுமதிக்கப்பட்டுள்ளதாக தெரிவித்துள்ள சுகாதாரத்துறை, 34 வீதமானவர்கள் 60 வயதுக்கு உட்பட்;டவர்கள் என்றும், 98 பேர் 30வயதுக்கு உட்பட்டவர்கள் என தெரிவிக்கப்பட்டுள்ளது.

இதுவரை 90,676 பேர் வைரஸ் தொற்றுக்கு உள்ளாகியுள்ளதோடு, தற்போது  32,267 பேர் மருத்துமனைகளில் சிகிச்சைப் பெற்று வருகின்றனர்.