SNCF நிறுவனத்தின் தொடருந்துகளில் குறைந்த கட்டணத்தில் பயணிக்க பயன்படுத்தப்படும் ‘சலுகை அட்டை’ (la carte Avantage) விலை இன்று முதல் அதிகரிக்கிறது.

இன்று ஓகஸ்ட் 29 ஆம் திகதியில் இருந்து இந்த அட்டைகளின் விலை €10 யூரோக்களால் அதிகரிக்கப்படுகிறது. ஆண்டுதோறும் தொடருந்துகளில் பயணிக்கும் பயணிகள் தங்களது பயண தூரத்தை கணக்கிட்டு இந்த சலுகை அட்டைகளை பயன்படுத்துகிறார்கள். ஒன்றரை மணிநேரங்கள் பயணிப்பவர்கள் பயன்படுத்தும் €39 யூரோக்கள் பெறுமதியுள்ள குறித்த அட்டை இன்று முதல் €49 யூரோக்களாக அதிகரிக்கிறது.

ஒன்றரை மணிநேரத்தில் இருந்து 3 மணிநேரம் வரை பயணிப்பவர்களுக்கான €59 யூரோக்கள் பெறுமதியுடைய குறித்த பயண அட்டை இன்று முதல் €69 யூரோக்களாக அதிகரிக்கிறது.

மூன்று மணிநேரத்துக்கு மேல் பயணிப்பவர்களுக்கான €79 யூரோக்கள் பெறுமதியான அட்டை €89 யூரோக்களாக அதிகரிக்கப்படுகிறது.

அதேவேளை, இந்த கட்டண அதிகரிப்பு பயணிகளிடையே பெரும் ஏமாற்றத்தை ஏற்படுத்தியுள்ளது. இந்த la carte Avantage அட்டையை பயன்படுத்தி பரிசில் இருந்து ரென் (Paris-Rennes) நகருக்கு பயணிப்பதற்கு கட்டணமாக €90 யூரோக்கள் கட்டணம் செலுத்தவேண்டும். அது இல்லை என்றால் €98 யூரோக்கள் செலுத்த வேண்டும். விலை அதிகரிப்பினால் பெரிய அளவில் பயணிகள் இலாபம் அடையவில்லை என விமர்சித்துள்ளார்கள்.