தற்­போது ஸ்ரீலங்கா சுதந்­திர கட்­சியின் தீர்­மா­மானங்கள் எதிர்­பார்ப்பு மிக்­க­வை­யாக இருக்­கின்­றன. ஐக்­கிய தேசிய கட்­சி­யுடன் இணைந்து ஆட்­சி­ய­மைப்பது போன்று கடந்த காலங்­களில் நாம் எடுத்த தவ­றான தீர்­மா­னங்­களால் தான் அண்­மையில் பல சிக்­கல்­க­ளுக்கு முகங்­கொ­டுக்க நேர்ந்­தது. எனவே இனி எடுக்கும் தீர்­மா­னங்கள் அவ்­வா­றல்­லாமல் தீர்க்­க­மா­ன­வை­யாக  இருக்கும் என ஸ்ரீலங்கா சுதந்திரக் கட்சியின் உப தலைவர் நிமல் சிறி­பால டி சில்வா தெரிவித்தார்.

சுதந்­திர கட்­சிக்கு ஆட்­சி­ய­மைக்கக் கூடிய அதி­காரம் இல்­லா­விட்­டாலும் ஆட்­சி­யா­ளரைத் தெரிவு செய்யக் கூடிய பலம் இருக்­கி­றது. அத்­தோடு ஜனா­தி­பதி தேர்தல் காலம் நெருங்கிக் கொண்­டி­ருக்­கின்­ற­மையால் எமது முடிவு எதிர்­பார்ப்­பா­ன­தா­கவும் மிகுந்த முக்­கி­யத்­து­வ­மு­டை­ய­தா­கவும் அமைந்­துள்­ளது. ஒரு­போதும் ஆட்­சியைக் கைப்­பற்ற முடி­யாது என்று தெரிந்தும் ஜே.வி.பி தனித்து போட்­டி­யிடத் தீர்­மா­னித்­தது. இந்­நி­லையில் நாமும் தீர்க்­க­மா­ன­தொரு முடிவை எடுக்கவேண்­டிய இடத்தில் இருக்­கின்றோம். 

எந்த சந்­தர்ப்­பத்­திலும் எல்­லோரும் நினைப்­பவை நடக்கும் என்று எதிர்­பார்க்க முடி­யாது. எனவே பொது­ஜன பெர­முன – சுதந்­திர கட்சி கூட்­டணி தொடர்­பான பேச்­சு­வார்த்­தை­களின் போது இரு தரப்பும் முறை­யான விட்டுக் கொடுப்­புடன் செயற்­பட வேண்டும். எனினும் அந்த விட்டுக் கொடுப்­புக்கள் சுதந்­திர கட்­சியின் தனித்­துவ தன்­மையை பாதிக்கும் வகையில் இருக்கக் கூடாது. 

நாம் இனி­யொரு போதும் ரணில், சஜித், கரு மாத்­திரம் அல்ல ஐக்­கிய தேசிய கட்­சியில் யாருக்கும் ஆத­ர­வ­ளிக்கப் போவ­தில்லை. அதற்­கான தேவையும் எமக்குக் கிடை­யாது. மாறாக சுதந்­திர கட்­சியின் ஆத­ர­வா­ளர்கள் எதிர்­பார்க்கும் தீர்­மா­னத்­தையே நாம் எடுப்போம். அதனை இறுதி நேரத்தில் அறி­விப்போம். 

பொது­ஜன பெர­மு­னவின் போஷகர் பசில் ராபக்ஷ அண்­மையில் இடம்­பெற்ற பேச்­சு­வார்த்­தையின் போது அந்த கட்­சிக்கு சுதந்­திர கட்­சியின் ஆத­ரவு தேவைப்­ப­டு­கி­றது என்­பதை ஏற்றுக் கொண்டார். அதே போன்று எதிர்­கட்சி தலைவர் மஹிந்த ராஜ­ப­க்ஷவும் இதன் முக்­கி­யத்­து­வத்தை அறிந்­தி­ருப்பார் என்று எதிர்­பார்க்­கின்றோம். 

எனவே இறுதி வரையில் பொது­ஜன பெர­மு­ன­வு­ட­னான கூட்­ட­ணியை வெற்­றி­ய­டையச் செய்யும் வகை­யி­லேயே பேச்­சு­வார்த்­தை­களை முன்­னெ­டுப்போம். அதே வேளை கட்­சியின் தனித்­துவத் தன்­மையை காட்டிக் கொடுத்து அதனை முன்­னெ­டுக்க மாட்டோம் என்றார்.