Main Menu

வட கொரியா மிகப்பெரிய இராணுவ அணிவகுப்பை நடத்தியதாக தென் கொரியா தகவல்!

கொரியா ஆளும் தொழிலாளர் கட்சி ஸ்தாபிக்கப்பட்ட 75ஆவது ஆண்டு நிறைவைக் குறிக்கும் வகையில், வடகொரியா மகத்தான இராணுவ அணிவகுப்பை நடத்தியுள்ளதாக தெரிகின்றது.

வடகொரிய தலைவர் கிம் ஜோங் உன் இந்த ஆண்டு வெளியிடுவதாக உறுதியளித்த புதிய மூலோபாய ஆயுதங்களைக் காண உலகநாடுகளே எதிர்பார்த்துக் காத்திருக்கும் நிலையில், வட கொரியா ஒரு பெரிய அளவிலான இராணுவ அணிவகுப்பை நடத்தியுள்ளதாக தென்கொரியா தகவல் வெளியிட்டுள்ளது.

யோன்ஹாப் செய்தி நிறுவனம் வெளியிட்டுள்ள அறிக்கையில், ‘அதிக எண்ணிக்கையிலான உபகரணங்கள் மற்றும் பணியாளர்களை அணிதிரட்டுவதன் மூலம் விடியற்காலையில் கிம் இல்-சங் சதுக்கத்தில் வட கொரியா ஒரு இராணுவ அணிவகுப்பை நடத்தியதற்கான அறிகுறிகள் கண்டறியப்பட்டுள்ளன’ என சுருக்கமான அறிக்கையை மேற்கோளிட்டு தெற்கின் கூட்டுத் தலைவர்கள் கூறியுள்ளனர்.

தென் கொரிய மற்றும் அமெரிக்க உளவுத்துறை அதிகாரிகள் இதனை ஆய்வு செய்து வருகின்றனர். இது முக்கிய நிகழ்வாக இருக்கக்கூடும் என அந்த அறிக்கையில் மேலும் தெரிவிக்கப்பட்டுள்ளது.

முன்னதாக, வட கொரிய விவகாரங்களைக் கையாளும் தென் கொரியாவின் ஒருங்கிணைப்பு அமைச்சகத்தின் அதிகாரி ஒருவர், பியோங்யாங்கில் நகர்வுகளை அரசாங்கம் கண்காணித்து வருவதாகக் கூறினார். ஆனால் எந்தவொரு அணிவகுப்பையும் அரசு ஊடகங்களில் ஒளிபரப்பவில்லை.

பல வாரங்களாக, வணிக செயற்கைக்கோள் படங்கள் ஆயிரக்கணக்கான வட கொரிய வீரர்கள் அணிவகுத்துச் செல்வதைக் காட்டியுள்ளன, தென் கொரிய அதிகாரிகள் ஒரு புதிய கண்டம் விட்டு கண்டம் பாயும் ஏவுகணையை (ஐசிபிஎம்) அல்லது ஒரு புதிய நீர்மூழ்கிக் கப்பல் ஏவுகணை ஏவுகணையை (எஸ்.எல்.பி.எம்) அறிமுகப்படுத்த இந்த அணிவகுப்பைப் ஏற்பாடு செய்திருக்கலாம் என அதிகாரிகள் சந்தேகிக்கின்றனர்.