பிரேசிலின் மூத்த இடதுசாரி ஜனாதிபதியான லூயிஸ் இனாசியோ லுலா டா சில்வா, கடும் போட்டி நிலவிய தேர்தல் பிரச்சாரத்திற்குப் பின்னர் மீண்டும் நாட்டின் தலைவராக தேர்ந்தெடுக்கப்பட்டுள்ளார்.

அவர் தனது வலதுசாரி போட்டியாளரான பிளாவியோ போல்சோனாரோவை தோற்கடித்தார்.

எனினும், போல்சோனாரோ இதுவரை தனது தோல்வியை ஒப்புக்கொள்ளவில்லை.

அனைத்து வாக்குகளும் எண்ணப்பட்ட நிலையில், லுலா 51.79 சதவீத வாக்குகளையும், போல்சோனாரோ 48.21 சதவீத வாக்குகளையும் பெற்றுள்ளதாக பிரேசிலின் உயர் தேர்தல் நீதிமன்றம் அறிவித்துள்ளது.

ஆனால் போல்சோனாரோ தேர்தல் முடிவை அங்கீகரிக்க மறுத்துவிட்டார்.

வாக்குப்பதிவு நேரம் இரண்டு மணிநேரம் நீட்டிக்கப்பட்டதை விளக்க முடியாத ஒன்று என்று அவர் குறிப்பிட்டார்.

இருப்பினும், அவரது தேர்தல் குழுவும், அவரது போட்டியாளரின் குழுவுமே வாக்குச்சாவடிகளை கூடுதல் நேரம் திறந்து வைக்குமாறு கோரியிருந்தன என்பது குறிப்பிடத்தக்கது.

பிரேசிலியாவில் இருந்த தனது ஆதரவாளர்களிடம், தேர்தலை இரத்து செய்யக் கோரப்போவதாக அவர் தெரிவித்தார்.

இருப்பினும், இது லுலாவையும் அவரது ஆதரவாளர்களையும், அவர்கள் வரலாற்றுச் சிறப்புமிக்க வெற்றி மற்றும் எதிர்பாராத திருப்பம் என்று வர்ணிக்கும் இந்த வெற்றியைச் கொண்டாடுவதிலிருந்து தடுக்கவில்லை.

லுலாவைப் பொறுத்தவரை, இந்த வெற்றி அவரது அரசியல் வாழ்க்கையில் நிகழ்ந்த மற்றொரு மீள்வருகையாகும்.

இது போன்ற பல மீள்வருகைகள் அவரது வாழ்க்கையில் இடம்பெற்றுள்ளன.

80 வயதான அவர், ஊழல் குற்றச்சாட்டுகளுக்காக 2018 முதல் 2019 வரை சிறையில் அடைக்கப்பட்டிருந்தார்.

பிற்காலத்தில் அந்தக் குற்றச்சாட்டுகள் இரத்து செய்யப்பட, அதுவே அவர் 2022 தேர்தலில் ஜெய்ர் போல்சோனாரோவை வீழ்த்துவதற்கு வழிவகுத்தது.

இது லூலாவின் நான்காவது ஜனாதிபதி தேர்தல் வெற்றியாகும்; அவர் ஏற்கனவே ஜனவரி 2003 முதல் டிசம்பர் 2010 வரை இரண்டு பதவிக்காலங்கள் ஜனாதிபதியாக பணியாற்றியுள்ளார் என்பதும் குறிப்பிடத்தக்கது.