16 வயதுக்குட்பட்ட சிறுவர்கள் சமூக ஊடகங்களைப் பயன்படுத்துவதைத் தடை செய்வதற்கான சட்டமூலம் ஒன்றை நாடாளுமன்றத்தில் தாக்கல் செய்யவிருப்பதாக நியூசிலாந்து பிரதமர் கிறிஸ்டோபர் லக்சன் திங்களன்று (24) தெரிவித்தார்.

இச்சட்டத்தை மீறும் நிறுவனங்களுக்கு அவற்றின் உலகளாவிய வருவாயில் 10% வரை அபராதம் விதிக்கவும் இதில் முன்மொழியப்பட்டுள்ளது.

இந்த சட்டமூலத்தின்படி, சமூக ஊடகத் தளங்கள், ஏற்கனவே உள்ள கணக்குத் தகவல்கள், முகத் தொழில்நுட்பம் மற்றும் டிஜிட்டல் அடையாள ஆவணங்கள் ஆகியவற்றைப் பயன்படுத்தி, பயனர்களின் வயதைச் சரிபார்க்க தகுந்த நடவடிக்கைகளை எடுக்க வேண்டும்.

எனினும், இந்த சட்டமூலம் நாடாளுமன்றத்தில் நிறைவேறத் தேவையான ஆதரவைப் பெறுமா என்பது உடனடியாகத் தெரியவில்லை.

ஏனெனில், லக்சனின் கூட்டணி கட்சிகளில் ஒன்றான ‘நியூசிலாந்து ஃபர்ஸ்ட்’ (New Zealand First) கட்சி இதற்கு ஆதரவளிக்கப்போவதில்லை என்று கூறியுள்ளது.

கடந்த டிசம்பர் மாதத்தில், 16 வயதுக்குட்பட்ட சிறுவர்களுக்கு சமூக ஊடகங்களைப் பயன்படுத்துவதைத் தடை செய்த உலகின் முதல் நாடாக அவுஸ்திரேலியா மாறியது.

இதன் மூலம் டிக்டொக் (TikTok), ஆல்பாபெட்டின் (Alphabet) யூடியூப் (YouTube) மற்றும் மெட்டாவின் (Meta) இன்ஸ்டாகிராம் (Instagram) மற்றும் ஃபேஸ்புக் (Facebook) போன்ற தளங்களில் அவர்கள் நுழைவது தடுக்கப்பட்டமையும் குறிப்பிடத்தக்கது.