உத்தியோகபூர்வ விஜயம் மேற்கொண்டு சீன ஜனாதிபதி ஷி ஜின்பிங், வடகொரியாவை சென்றடைந்துள்ளார்.

ஷி ஜின்பிங் பியோங்யாங்கை வந்தடைந்துள்ளதாக, சீனாவின் உத்தியோகபூர்வ செய்தி நிறுவனமான சின்ஹவா செய்தி நிறுவனம் இதனை உறுதிப்படுத்தியுள்ளது.

பொருளாதார மற்றும் அரசியல் பலன்களை வழங்குவதற்கு ஈடாக, வடகொரியா மீதான சீனாவின் தனித்துவமான செல்வாக்கை மீண்டும் நிலைநாட்டும் நோக்கிலேயே இந்தப் பயணம் அமைந்துள்ளதாக தெரிவிக்கப்பட்டுள்ளது.

கடந்த ஏழு ஆண்டுகளில் வடகொரியாவிற்கு அவர் மேற்கொள்ளும் முதல் விஜயமான இந்த இரண்டு நாள் பயணத்தின் போது, ஜனாதிபதி ஷி ஜின்பிஙை, வடகொரிய ஜனாதிபதி கிம் ஜொங் உன்-னைச் சந்திக்கவுள்ளார்.

இந்த பயணத்திற்கான குறிப்பிட்ட நிகழ்ச்சி நிரல் எதுவும் குறிப்பிடப்படவில்லை.

அமெரிக்காவுடனான தனித்தனி மோதல்களை எதிர்கொள்ளும் வேளையில், தங்களின் பாரம்பரியக் கூட்டணியை முழுமையாக மீட்டெடுக்க இரண்டு நாடுகளும் முயற்சித்து வருவதால், இந்தச் சந்திப்பு இருதரப்பு உறவுகளிலும் பெரிய தாக்கங்களை ஏற்படுத்தும் என்று நிபுணர்கள் கணித்துள்ளனர்.