மத்திய நைஜீரியாவின் குவாரா மாநிலத்தில் இடம்பெற்ற வீதி விபத்தில், 11பேர் உயிரிழந்ததோடு 15பேர் உயிரிழந்துள்ளனர்.

க்வாரா மாநிலத்தின் ஒனிபாகோ கிராமத்திற்கு அருகில் உள்ள ஒரு பரபரப்பான வீதியில் நேற்று (ஞாயிற்றுக்கிழமை) பிற்பகல் இந்த விபத்து நிகழ்ந்தது.

தவறான கணிப்பின் மூலம் இன்னொரு வாகனத்தை முந்தியதே இந்த விபத்துக்கு காரணம் என மத்திய வீதி பாதுகாப்புப் படையின் துறைத் தளபதி ஜொனாதன் ஓவாட் கூறினார்.

மீட்புக் குழு காயமடைந்தவர்களை உள்ளூர் மருத்துவமனைக்கு சிகிச்சைக்காக அழைத்துச் சென்றதாக ஓவோட் ஊடகங்களிடம் கூறினார்.

அதிக சுமை, மோசமான வீதி நிலைமைகள் மற்றும் பொறுப்பற்ற வாகனம் ஓட்டுதல் ஆகியவற்றால் ஏற்படும் கொடிய வீதி விபத்துகள் நைஜீரியாவில் அடிக்கடி பதிவாகின்றமை குறிப்பிடத்தக்கது.