Wednesday, September 12th, 2018

 

அதிநவீன அம்சங்களுடன் 2018 ஐபோன் மாடல்கள் அறிமுகம் – விலை மற்றும் விற்பனை விவரங்கள்

ஆப்பிள் நிறுவனத்தின் 2018 ஐபோன் மாடல்கள் அறிமுகம் செய்யப்பட்டுள்ளன. இவற்றின் விலை மற்றும் விற்பனை சார்ந்த முழு விவரங்களை தொடர்ந்து பார்ப்போம். ஆப்பிள் நிறுவனத்தின் அதிகம் எதிர்பார்க்கப்பட்ட 2018 ஐபோன் மாடல்கள் ஆப்பிள் நிறுவனத்தின் ஸ்டீவ் ஜாப்ஸ் அரங்கில் நடைபெற்ற விழாவில் அறிமுகம் செய்யப்பட்டது. ஐபோன் XS, ஐபோன் XS மேக்ஸ் மற்றும் ஐபோன் XR என அழைக்கப்படும் மூன்று மாடல்களில் பல்வேறு புதிய அம்சங்களுடன், ஆப்பிள் சாதனங்களில் முதல் முறை அம்சங்களும் வழங்கப்பட்டுள்ளது. ஐபோன் XS மற்றும் ஐபோன் XS மேக்ஸ் மாடல்களில் முறையே 5.8 இன்ச் மற்றும் 6.5 இன்ச் 458PPI சூப்பர் ரெட்டினா HDR டிஸ்ப்ளேக்கள் வழங்கப்பட்டுள்ளது. இந்த டிஸ்ப்ளே டால்பி விஷன், ஹெச்.டி.ஆர். 19 மற்றும் 120Hz டச்-சென்சிங் சப்போர்ட் கொண்டுள்ளது. இரண்டு மாடல்களிலும் ஃபேஸ் ஐடி தொழில்நுட்பம் வழங்கப்பட்டுள்ளது. இத்துடன்மேலும் படிக்க…


உலகில் முதல் முறையாக இ.சி.ஜி. வசதி கொண்ட ஆப்பிள் வாட்ச் 4 – விலை மற்றும் முழு அம்சங்கள்

ஆப்பிள் நிறுவனத்தின் 2018 விழாவில் அறிமுகம் செய்யப்பட்ட சாதனங்கள், அவற்றின் விலை மற்றும் விற்பனை விவரங்களை தொடர்ந்து பார்ப்போம். ஆப்பிள் நிறுவனத்தின் 2018 ஐபோன் வெளியீட்டு விழா அந்நிறுவனத்தின் ஸ்டீவ் ஜாப்ஸ் அரங்கில் நடைபெற்றது. இவ்விழாவில் ஆப்பிள் நிறுவனத்தின் அதிகம் எதிர்பார்க்கப்பட்ட சாதனங்கள் அறிமுகம் செய்யப்பட்டது. அவ்வாறு பல்வேறு புதிய அம்சங்களுடன், தலைசிறந்த வடிவமைப்பு கொண்ட புதிய வாட்ச் சீரிஸ் 4 அறிமுகமாகி இருக்கிறது. ஸ்டீவ் ஜாப்ஸ் அரங்கில் நடைபெற்ற விழாவில் முற்றிலும் புதிய வடிவமைப்பு மற்றும் மேம்படுத்தப்பட்ட அம்சங்களுடன் புதிய எஸ்4 சிப்செட், இ.சி.ஜி. பரிசோதனை செய்யும் வசதிகளை புதிய வாட்ச் கொண்டுள்ளது. புதிய வாட்ச் பற்றிய முழு விவரங்களை தொடர்ந்து பார்ப்போம். ஆப்பிள் வாட்ச் சீரிஸ் 4: ஆப்பிள் வாட்ச் சீரிஸ் 4 மாடலில் முற்றிலும் புதிய வடிவமைப்பு மற்றும் மேம்படுத்தப்பட்ட அம்சங்கள் வழங்கப்பட்டுள்ளது.மேலும் படிக்க…


சீனாவில் மக்கள் கூட்டத்தில் கார் மோதி, கத்திக்குத்து தாக்குதல் நடத்தியதில் 9 பேர் பலி

சீனாவில் மக்கள் கூட்டத்தில் காரை மோதச் செய்ததுடன் கத்தியால் குத்தி 9 பேரை கொன்ற கொடூர குற்றவாளியை போலீசார் கைது செய்தனர். சீன நாட்டின் ஹூனான் மாகாணத்தில் மக்கள் அதிகம் கூடியிருந்த பகுதியில் நேற்று ஒரு கார் வேகமாக வந்தது. அந்த கார் மக்கள் கூட்டத்தின் மீது மோதியதில் பலர் படுகாயம் அடைந்தனர். அதைத்தொடர்ந்து, காரில் இருந்து இறங்கிய ஒருவர் அங்கிருந்த மக்கள் மீது கத்தியால் சரமாரியாக குத்தி தாக்குதல் நடத்தினார். இதில் 9 பேர் சம்பவ இடத்திலேயே பரிதாபமாக பலியாகினர். மேலும், 46 பேர் படுகாயம் அடைந்தனர். அந்த பகுதியில் இருந்த போலீசார் அந்த நபரை சுற்றி வளைத்துப் பிடித்து விசாரித்தனர். விசாரணையில் அவர் யாங் ஜான்யுன் (54) என்றும், பல்வேறு குற்ற வழக்குகளில் பலமுறை சிறை சென்ற குற்றவாளி என்பதும் தெரியவந்தது. தொடர்ந்து, அவரிடம்மேலும் படிக்க…


“நேரில் சென்று சந்திக்க தயாராக இருந்தேன் – பிரபாகரன் இணங்கவில்லை”

விடுதலை புலிகளின் தலைவரை கிளிநொச்சிக்கு சென்று சந்திப்பதற்கு தான் தயாராக இருந்த போதிலும் அதற்கு அவர் இணக்கம் தெரிவிக்கவில்லை என்று முன்னாள் ஜனாதிபதி மஹிந்த ராஜபக்ஷ தெரிவித்துள்ளார். இந்தியாவின் டில்லியில் இடம்பெற்ற நேர்காணல் ஒன்றின் போதே அவர் இவ்வாறு தெரிவித்துள்ளார். இங்கு அவர் மேலும் கருத்துத் தெரிவிக்கையில், நான் ஆட்சிக்கு வந்த காலத்தில் விடுதலை புலிகளின் தலைவர் வேலுபிள்ளை பிரபாகரனுக்கு சமாதானத் தூதுவர்களை அனுப்பியிருந்தேன். அத்துடன் விடுதலை புலிகளின் தலைவர் கொழும்பிற்கு வரவேண்டிய அவசியமில்லை என்றும் நானே கிளிநொச்சிக்கு வந்து அவரை சந்திப்பதற்கு தயாராக இருப்பதாக தெரிவித்திருந்த போதிலும் அதற்கு அவர் இணக்கம் தெரிவிக்கவில்லை  என்றார்.


சீனா – ஜப்பான் தலைவர்கள் சந்திப்பு!

சீன ஜனாதிபதி ஸீ ஜின்பிங் மற்றும் ஜப்பான் பிரதமர் ஸின்சோ அபேக்கு இடையில் இன்று (புதன்கிழமை) முக்கிய சந்திப்பொன்று இடம்பெற்றுள்ளது. கிழக்குப் பொருளாதார மாநாட்டின் பக்க அமர்வாக அமைந்த இந்தக் கலந்துரையாடல், ரஷ்யாவின் விளாடிவொஸ்டோக் நகரத்தில் இடம்பெற்றுள்ளது. குறித்த சந்திப்பின் போது இரு நாடுகளுக்கிடையிலான இருதரப்பு வர்த்தக நடவடிக்கையினைத் தொடர்வது பற்றிய கவனஞ்செலுத்தப்பட்டதாக சீன ஊடகம் தெரிவித்துள்ளது. எதிர்வரும் ஒக்டோபர் மாதமளவில் சீனாவிற்கு உத்தியோகபூர்வ விஜயத்தினை மேற்கொள்ளத் தீர்மானித்துள்ளதாக ஜப்பான் பிரதமர் ஷின்சோ அபே இந்த சந்திப்பின்போது அறிவித்துள்ளார். மேலும், வடகொரியாவின் அணுவாயுத பரிசோதனையை கைவிடும் விவகாரத்தில் மட்டுமன்றி சர்வதேச சமாதனம் மற்றும் நல்லுறவிற்கு பங்களிப்பு வழங்குவதில் சீனா மற்றும் ஜப்பான் தலைவர்களின் பொறுப்பு தொடர்பிலும் குறித்த சந்திப்பின் போது கலந்துரையாடப்பட்டதாக ஊடகங்கள் தெரிவித்துள்ளன. ஆசியாவில் வர்த்தக ரீதியான இரு போட்டியாளர்களும் இணைந்து செயற்படுவது மிகவும் வரவேற்கத்தக்கதென பலர்மேலும் படிக்க…


மன்னார் அகழ்வுப் பணிகளின் உத்தியோகப்பூர்வ தகவல்களை வெளியிட தீர்மானம்!

மன்னாரில் தொடர்ந்து முன்னெடுக்கப்பட்டு வரும் அகழ்வுப் பணிகளின் உத்தியோகப்பூர்வ தகவல்களை வெளியிட தீர்மானிக்கப்பட்டுள்ளது. குறித்த தகவல்களை நீதவான் நீதிமன்றத்தினூடாக வெளியிடத் தீர்மானித்துள்ளதாக விசேட சட்ட வைத்திய நிபுணர் டபிள்யூ.ஆர்.ஏ.எஸ். ராஜபக்ஷ தெரிவித்துள்ளார். மன்னாரில் கண்டுபிடிக்கப்பட்ட மனித எலும்புக்கூடுகளை அடையாளப்படுத்தும் பணிகள் தற்போது பல்வேறு கட்டங்களாக இடம்பெற்று வருகின்றன. விசேட சட்டவைத்திய அதிகாரியின் தலைமையில் இன்று (புதன்கிழமை) 69 ஆவது நாளாக குறித்த வளாகத்தில் அகழ்வு பணிகள் இடம்பெற்றது. இந்நிலையில், இன்றுவரை குறித்தப் பகுதியில் 126 மனித எச்சங்கள் கண்டுபிடிக்கப்பட்டுள்ளதாகத் குறிப்பிடப்பட்டுள்ளது. இவை, தற்போது பொதி செய்யப்பட்டு நீதிமன்ற பாதுகாப்பில் வைக்கப்பட்டுள்ளதாகவும் தெரிவிக்கப்பட்டுள்ளது. மேலும், குறித்த புதைகுழி பகுதியானது மழை மற்றும் வேகமான காற்று காரணமாக பாதிப்பு ஏற்படாத வகையில் பாதுகாப்புக் காரணங்களுக்காக, ஒரு பகுதி மூடப்பட்ட நிலையில் வைக்கப்பட்டுள்ளமையும் குறிப்பிடத்தக்கது.


தமிழர்களுக்கு நீதியை நிலைநாட்ட நல்லாட்சி தயாரில்லை: சுரேஷ் பிரேமச்சந்திரன்

நல்லாட்சி அரசாங்கத்தில், தமிழ் மக்களுக்கான குறைந்தபட்ட நீதியேனும் நிலைநாட்டப்படாது என, ஈழ மக்கள் புரட்சிகர விடுதலை முன்னணியின் தலைவர் சுரேஸ் பிரேமச்சந்திரன் தெரிவித்துள்ளார். யாழ்ப்பாணத்தில் இன்று (புதன்கிழமை) நடைபெற்ற ஊடகவியலாளர் சந்திப்பில் கலந்துக் கொண்டு கருத்து தெரிவிக்கையிலேயே அவர் இவ்வாறு குறிப்பிட்டார். அங்கு தொடர்ந்து தெரிவித்த அவர், ”அரசாங்கம் இராணுவத்தை காப்பாற்றும் செயற்பாட்டிலேயே மும்முரமாக ஈடுபட்டு வருகிறது. எனவே, எந்தவொரு காலக்கட்டத்திலும் விசாரணைகள் என்பது நடத்தப்படவும் மாட்டாது. பாதிக்கப்பட்ட தமிழ் மக்களுக்கான நீதியும் கிடைக்காது” எனத் தெரிவித்தார்.


வாகரை பிரதேசம் தமிழர்களிடமிருந்து பறிபோகும் நிலையேற்படும்!- மக்கள் கவலை

மட்டக்களப்பு மாவட்டத்தின் வாகரை பிரதேசம் தமிழர்களிடம் இருந்து பறிபோகும் நிலையேற்படும் என மக்கள் கவலை வெளியிட்டுள்ளனர். தமது பகுதிகளில் உள்ள அரச காணிகளை பிற சமூகத்திற்கு தாரைவார்க்கும் செயற்பாடுகளை பிரதேச செயலகத்தில் உள்ளவர்கள் மேற்கொள்வதாக சுட்டிக்காட்டியே மக்கள் இவ்வாறு குறிப்பிட்டுள்ளனர். இதேவேளை, வாகரை பிரதேச செயலாளர் பிரிவிற்குட்பட்ட மாங்கேணி கிராமம் பாரிய அனர்த்தங்களை எதிர்நோக்கும் அபாயத்திற்கு உள்ளாகியுள்ளதாகவும் மக்கள் விசனம் தெரிவித்துள்ளனர். குறித்த கிராமத்தின் வெள்ளநீர் வழிந்தோடும் பகுதி அடைக்கப்பட்டுள்ள நிலையிலேயே மக்கள் இவ்வாறு அச்சம் வெளியிட்டுள்ளனர். மழை காலங்களில் மாங்கேணி பிரதேசத்தில் வெள்ளம் ஏற்படும் போதிலும், அது பிரதான வீதியூடாகவுள்ள கால்வாய் ஊடாக கடலுக்கு செல்வதனால் ஓரளவு வெள்ள அபாயம் தடுக்கப்பட்டது. ஆனால் கடந்த சில மாதங்களாக குறித்த பகுதியை சிலர் தங்களது நிலம் என அடைத்துள்ளதனால் மழை காலத்தில் பாரிய நெருக்கடியை மக்கள் எதிர்கொள்ளமேலும் படிக்க…


மீள்குடியேற்ற கொள்கைக்கு என்ன நடந்தது – சத்தியலிங்கம் கேள்வி

முதலமைச்சரிடம் இரண்டு வருடங்களுக்கு முன்னர் கையளிக்கப்பட்ட வட மாகாணத்திற்கான மீள்குடியேற்றக்கொள்கைக்கு என்ன நடந்தது என மாகாண சபை உறுப்பினர் பா.சத்தியலிங்கம் கேள்வி எழுப்பியுள்ளார். நேற்றைய தினம்(செவ்வாய்கிழமை) இடம்பெற்ற வடமாகாண சபை அமர்விலேயே அவர் இவ்வாறு கேள்வியெழுப்பினார். இதன்போது அங்கு தொடர்ந்தும் உரையாற்றிய அவர், ‘நான் வட மாகாண சபையின் சுகாதார அமைச்சராக பொறுப்பில் இருந்தபோது புனர்வாழ்வு அமைச்சு குறிப்பிட்ட சில காலம் எனது அமைச்சின் கீழ் செயற்பட்ட வேளை வடக்கு மாகாண சபையின் ‘போருக்கு பின்னரான குடிமக்களின் புனர்வாழ்வு செயற்பாடுகளிற்கான கொள்கை வழிகாட்டல்’ ஆவணமொன்று தயாரிக்கப்பட்டது. இந்த ஆவணமானது 2016ம் ஆண்டு வைகாசி மாதம் 22ம் திகதி பூரணப்படுத்தப்பட்டு அமைச்சர் வாரியத்தின் அனுமதிக்காக என்னால் சமர்பிக்கப்பட்டபோதும், ஆவணம் தொடர்பில் மேலும் ஆராய வேண்டியுள்ளதால் பின்னர் அனுமதிக்காக சமர்ப்பிப்பதாக முதலமைச்சரினால் அறிவிக்கப்பட்டது. எனினும் துரதிஸ்டவசமாக 02 வருடங்கள் கடந்துள்ளமேலும் படிக்க…


அறிவிப்பாளர் திலகம் A.S ராஜா அவர்கள் விருது வழங்கி கௌரவிப்பு

பாரீஸ் பன்னாட்டு உயர் கல்வி நிறுவனம் 08/09/2018 – 09/09/2018 (சனி, ஞாயிறு)  ஆகிய தினங்களில் நடாத்திய 3 வது ஐரோப்பியத் தமிழ் ஆய்வியல் மாநாட்டிற்கு, TRT தமிழ் ஒலி தனது ஊடகப் பணியை செவ்வனே வழங்கி இருந்தமை குறிப்பிடத்தக்கது. மேற்படி இரண்டு நாள் அமர்வுகளும் மிகவும் சிறப்பான முறையில் நடைபெற்றன. இந்த நிகழ்வில் பல பல்துறை கலைஞர்கள் மதிப்பளிக்கப்பட்டார்கள். எமது TRT தமிழ் ஒலி வானொலியில் அன்றிலிருந்து இன்று வரை எம்முடன் பணியாற்றும் மூத்த அறிவிப்பாளர், அறிவிப்பாளர் திலகம் A.S ராஜா (திரு.அ.சிறீஸ்கந்தராஜா) அவர்கள் “காந்தக்குரலோன்” என்னும் பட்டம் வழங்கி கௌரவிக்கப்பட்டுள்ளார். உண்மையில் இந்த விருதானது அவரின் சேவைக்கும் கடமை உணர்வுக்கும் கிடைத்த ஒரு வெகுமதியாக கருதி, நாம் மகிழ்வுறுகிறோம் . மேலும் அவர் தொடர்ந்தும் பல விருதுகளை வெல்ல வாழ்த்தும் இந்த வேளையில், இந்தமேலும் படிக்க…


சிறார்கள் வீடுகளில் அடித்து துன்புறுத்தப்படுவது சட்டவிரோதம் மற்றும் மனநலத்திற்கு பாதிப்பு – புதிய ஆய்வு

வீடுகளில் பெற்றோர் மற்றும் பாதுகாவலர்களால் அடித்து துன்புறுத்தப்படுவது குழந்தைகளின் மனநலத்திற்கு தீங்கு விளைவிக்கும் மற்றும் தடை செய்யப்பட வேண்டிய விடயம் என்று, பாடசாலை உளவியலாளர்கள் தெரிவித்துள்ளனர். உடல் ரீதியான தண்டனைகள் சட்டவிரோதமானது மற்றும் தடை செய்யப்பட வேண்டும் என்று கல்விசார் உளவியலாளர்கள் சங்கம் புதிய பிரேரணை தயாரித்துள்ளது. குறித்த பிரேரணை பிரித்தானிய வர்த்தக சங்க காங்கிரஸ் மாநாட்டின் போது சமர்ப்பிக்கப்பட்டு சிறார்கள் மீதான வன்முறைகளை சுட்டிக்காட்டுவதற்கு தூண்டுதலாக அமையும் என்று அந்த சங்கம் குறிப்பிட்டுள்ளது. தற்போது, பாடசாலைகளில் உடல் ரீதியான தண்டனை தடைசெய்யப்பட்டாலும், பெற்றோர் அதை நியாயமாகக் கருதும் வரை குழந்தைக்கு தண்டனையை அல்லது உடல் ரீதியாக தண்டனையை வழங்க முடியும். ஆனால், தவறான வழிகளிலிருந்து சரியான விடயங்களை கற்றுக்கொள்வதற்கான பல சிறந்த வழிகள் உள்ளன என்று உளவியலாளர்கள் கூறுகின்றனர். ஏ.இ.பீ. தேசிய நிறைவேற்று சபையின் உறுப்பினர்மேலும் படிக்க…


பிரித்தானிய பெண்களுக்கு ஆயுள் குறைவு!

ஐரோப்பிய நாடுகளில் வசிக்கும் பெண்களில்,  ஏனைய ஐரோப்பிய நாடுகளின் பெண்களை விட பிரித்தானியாவில் வாழும் பெண்கள் குறைவான வாழ்நாளையே கொண்டுள்ளதாக இங்கிலாந்தின் பொது சுகாதார மதிப்பீட்டறிக்கை தெரிவித்துள்ளது. அதிலும் ஸ்பெயினில் வாழும் பெண்கள், சராசரியாக 86.3 வருடங்கள் வாழ்நாளாகக் கொண்ட அதேவேளை, பிரித்தானியப் பெண்கள் 83 வருடங்களைப் பெற்று பிரித்தானியா ஐரோப்பியக் கண்டத்தின் வாழ்நாள் பட்டியலில் 17ஆவதாக உள்ளது. பிரித்தானிய ஆண்களின் சராசரி வாழ்நாளானது 79.4 வருடங்களைக் கொண்டு ஐரோப்பிய நாடுகளுக்குள் 10ஆவது இடத்திலுள்ளது. The Global Burden of Disease study on premature death அறிக்கைக்கு இணங்க, பிரித்தானிய பெண்களுக்கு அதிகமாக மார்பக புற்றுநோய்கள் ஏற்பட்டு சரியான சிகிச்சைகளை பெறத் தவறுதல், அதிக உடல் எடை, அதனால் ஏற்படும் நீண்ட கால நோய்கள் என பல நோய்க்காரணிகள் ஏனைய ஐரோப்பிய நாடுகளை விட பிரித்தானியாமேலும் படிக்க…


லொஸ் ஏஞ்சல்ஸ் மருத்துவமனையில் துப்பாக்கிச் சூடு புரளி – சந்தேகநபர் கைது!

அமெரிக்க லொஸ் ஏஞ்சல்ஸ் பகுதியில் உள்ள மருத்துவமனை ஒன்றில் துப்பாக்கிதாரி ஒருவர் நுழைந்துவிட்டதாக வௌியான தகவலை அடுத்து பொலிஸார் அங்கிருந்த பொதுமக்களை வௌியேற்றியுள்ளனர். நேற்று (செவ்வாய்க்கிழமை) இடம்பெற்ற இச்சம்பவத்தில் யாருக்கும் பாதிப்பு ஏற்படவில்லை என்று தெரிவிக்கப்பட்டுள்ளது. இதன்போது சந்தேக்கத்திற்கிடமாக ஒருவர் கைது செய்யப்பட்டுள்ளார். பொலிஸார் தமக்கு கிடைத்த தகவலின்படி ஒவ்வொரு அறையாக தேடியுள்ளனர். இருந்தபோதும் துப்பாக்கிச்சூடு நடத்தப்பட்டமைக்கான எந்தவித தடயங்களும் கிடைக்கவில்லை. குறித்த மருத்துவமனை லொஸ் ஏஞ்சல்ஸிலிருந்து சில மைல்கள் தொலைவில் உள்ளது. இதன்போது உண்மையான குற்றவாளி யார் என்பது தொடர்பாக பொலிஸார் ஆராய்ந்து வருகின்றனர். உள்ளுர் தொலைக்காட்சியொன்று ஒளிபரப்பிய காணொளியில், மருத்துவமனைக் கட்டிடத்திலிருந்து சிலர் கைகளை உயர்த்தியவாறு வௌியேறுகின்றனர். பொலிஸார் அவர்களை வரிசையில் ஒழுங்குபடுத்தி அனுப்புவதுடன், தீயணைப்பு வாகனங்களும் மருத்துவமனையை சூழ தரித்துவைக்கப்பட்டுள்ளன.


லிபிய கடல் பகுதியில் படகு கவிழ்ந்த விபத்தில் 100 பேர் பலி

லிபிய கடல் பகுதியில் எதிர்பாராதவிதமாக படகு கவிழ்ந்து விபத்துக்குள்ளானதில் 100 அகதிகள் பரிதாபமாக பலியானார்கள். லிபிய கடல் பகுதியில் இருந்து சூடான், மாலி, நைஜீரியா, கேமரூன், கானா, லிபியா, அல்ஜீரியா, எகிப்து ஆகிய நாடுகளை சேர்ந்த அகதிகளை ஏற்றிக்கொண்டு 2 ரப்பர் படகுகள் ஐரோப்பிய நாடுகளுக்கு புறப்பட்டு சென்றன. அந்தப் படகுகளில் ஒன்று எதிர்பாராதவிதமாக கடலில் கவிழ்ந்து விபத்துக்கு உள்ளானது. இதில் 100 அகதிகள் பரிதாபமாக பலி ஆகினர். இந்த விபத்து குறித்து தகவல் அறிந்ததும் லிபிய கடலோரக் காவல் படையினர் மீட்பு பணியில் ஈடுபட்டனர். 276 பேர் உயிருடன் மீட்கப்பட்டனர். இந்த தகவலை எல்லைகள் இல்லாத மருத்துவர்கள் அமைப்பு வெளியிட்டு உள்ளது.


மனைவி இறுதி சடங்கில் பங்கேற்க பரோலில் வந்தார் பாக். முன்னாள் பிரதமர் நவாஸ் ஷரிப்

பாகிஸ்தான் முன்னாள் பிரதமர் ஷரிப்பின் மனைவி குல்சும் நவாசின் மரணம் அடைந்ததால், நீதிமன்ற அனுமதியுடன் அவரது கணவர் நவாஸ் ஷரிப் பரோலில் வந்தார். பாகிஸ்தான் நாட்டின் முன்னாள் பிரதமர் நவாஸ் ஷரிப் தற்போது அவென்பீல்டு ஊழல் வழக்கில் சிறையில் உள்ளார். இவருடன் இவரது மகள் மரியம் நவாஸ், மருமகன் சப்தார் ஆகியோரும் சிறைவாசம் அனுபவித்து வருகின்றனர். இவரது மனைவி குல்சூம் நவாஸ் உடல்நலக் குறைவால் நேற்று உயிரிழந்தார். 68 வயதான இவர், புற்றுநோயால் பாதிக்கப்பட்டு லண்டனில் சிகிச்சை பெற்று வந்தார். இவரது உடல்நலக் குறைவை காரணம் காட்டியே நவாஸ் ஷரிப்பும், மகள் மரியமும் ஊழல் வழக்குகளில் நீதிமன்றத்தில் ஆஜர் ஆகாமல் லண்டனில் இருந்து வந்தனர். இந்நிலையில், தனது மனைவியின் இறுதி சடங்கில் பங்கேற்க பரோல் கேட்டு விண்ணப்பித்திருந்தார் நவாஸ் ஷரிப். அவரது பரோல் மனுவை ஏற்றுக் கொண்டமேலும் படிக்க…


பெண்கள் ஒரு நாள் கிரிக்கெட்: இந்தியாவிடம் சுருண்டது இலங்கை

இந்தியா – இலங்கை பெண்கள் அணிகள் இடையிலான முதலாவது ஒரு நாள் போட்டியில் 9 விக்கெட் வித்தியாசத்தில் இந்தியா அபார வெற்றி பெற்றது. இலங்கைக்கு சென்றுள்ள இந்திய பெண்கள் கிரிக்கெட் அணி 3 ஒரு நாள் போட்டிகள் மற்றும் ஐந்து 20 ஓவர் போட்டிகளில் விளையாடுகிறது. இதில் ஒரு நாள் போட்டியின் முடிவுகள் பெண்கள் சாம்பியன்ஷிப்புக்கு கணக்கில் கொள்ளப்படும்.  இந்தியா – இலங்கை பெண்கள் அணிகள் இடையிலான முதலாவது ஒரு நாள் போட்டி காலேவில் நேற்று நடந்தது. முதலில் பேட் செய்த இலங்கை அணி 35.1 ஓவர்களில் 98 ரன்னில் சுருண்டது. அதிகபட்சமாக கேப்டன் சமாரி அட்டப்பட்டு 33 ரன்கள் எடுத்தார். இந்திய தரப்பில் மன்சி ஜோஷி 3 விக்கெட்டுகளும், கோஸ்வாமி, பூனம் யாதவ் தலா 2 விக்கெட்டுகளும் வீழ்த்தினர். தொடர்ந்து ஆடிய இந்தியா 19.5 ஓவர்களில்மேலும் படிக்க…


ஜப்பான் ஓபன் பேட்மிண்டன்: முதல் சுற்றில் சிந்து, பிரனாய் வெற்றி

ஜப்பான் ஓபன் பேட்மிண்டன் போட்டியின் முதல் சுற்று ஆட்டத்தில் இந்திய வீராங்கனை பி.வி.சிந்து, வீரர் பிரனாய் ஆகியோர் வெற்றி பெற்றனர். ஜப்பான் ஓபன் பேட்மிண்டன் போட்டி டோக்கியோவில் நேற்று தொடங்கியது. 16-ந் தேதி வரை நடைபெறும் இந்த போட்டியில் முன்னணி வீரர்-வீராங்கனைகள் கலந்து கொண்டுள்ளனர். இந்தியாவின் முன்னணி வீராங்கனையான சாய்னா நேவால் இந்த போட்டியில் பங்கேற்கவில்லை. தொடக்க நாளான நேற்று நடந்த பெண்கள் ஒற்றையர் பிரிவு முதல் சுற்று ஆட்டம் ஒன்றில் சமீபத்தில் இந்தோனேஷியாவில் நடந்த ஆசிய விளையாட்டு போட்டியில் வெள்ளிப்பதக்கம் வென்றவரும், உலக தரவரிசையில் 3-வது இடத்தில் இருப்பவருமான இந்திய வீராங்கனை பி.வி.சிந்து, 13-ம் நிலை வீராங்கனையான ஜப்பானின் சயகா தகஹாஷியை சந்தித்தார். 53 நிமிடம் அரங்கேறிய இந்த ஆட்டத்தில் பி.வி.சிந்து 21-17, 7-21, 21-13 என்ற செட் கணக்கில் சயகா தகஹாஷியை வீழ்த்தி 2-வதுமேலும் படிக்க…


மிமிக்ரி கலைஞரை மணக்கிறார் பிரபல பின்னணி பாடகி வைக்கம் விஜயலட்சுமி

பிரபல பின்னணி பாடகியான வைக்கம் விஜயலட்சுமிக்கு மிமிக்ரி கலைஞர் அனூப்புக்கு திருமண நிச்சயதார்த்தம் நடந்து முடிந்துள்ள நிலையில், அடுத்த மாதம் திருமணம் நடைபெற இருக்கிறது. கண் பார்வை இல்லாவிட்டாலும், தனது வசீகர குரலால் ரசிகர்களை ஈர்த்தவர் வைக்கம் விஜயலட்சுமி. இவர் சிறந்த வீணை இசைக்கலைஞரும் ஆவார். கேரள மாநிலம் கொல்லம் அருகே உள்ள வைக்கம் பகுதியைச் சேர்ந்த இவருக்கு வயது 35 ஆகிறது. பார்வை குறைபாடு உள்ள விஜயலட்சுமி, தனது தனித்துவமான குரலுக்காகவும், பாடும் திறனுக்காகவும் பலராலும் போற்றப்படுபவர். மலையாளத்தில் ‘செல்லுலாய்டு’ படத்தின் மூலம் அறிமுகமாகி ‘பாகுபலி’, ‘வீரசிவாஜி’, ‘என்னமோ ஏதோ’ உள்ளிட்ட 30-க்கும் மேற்பட்ட படங்களில் பாடல்கள் பாடியுள்ளார். இவருக்கும், மிமிக்ரி கலைஞர் அனூப் என்பவருக்கும் திருமணம் நிச்சயிக்கப்பட்டு, இவர்கள் நிச்சயதார்த்தம் வைக்கத்தில் உள்ள விஜயலெட்சுமி வீட்டில் எளிமையாக நடைபெற்றது. இதில், நெருங்கிய உறவினர்கள் மட்டும்மேலும் படிக்க…


சோதனை குழாய் மூலம் குழந்தை பெற்றேன் – நடிகை ரேவதி

80-களில் தமிழ் சினிமாவில் முன்னணி நடிகையாக வலம் வந்த நடிகை ரேவதி, சோதனை குழாய் மூலம் குழந்தையை பெற்றெடுத்ததாக தெரிவித்துள்ளார். “5 வருடங்களுக்கு முன்பு சோதனை குழாய் மூலம் குழந்தை பெற்றேன்”, என்று நடிகை ரேவதி கூறினார். பாரதிராஜா இயக்கத்தில் ‘மண்வாசனை’ படத்தின் மூலம் தமிழ் திரையுலகுக்கு கதாநாயகியாக அறிமுகமானவர், ரேவதி. ‘கன்னிராசி’, ‘ஆண்பாவம்’, ‘மவுனராகம்’, ‘அரங்கேற்ற வேளை’, ‘ஒரு கைதியின் டைரி’ உள்பட பல படங்களில் கதாநாயகியாக நடித்தார். இவருக்கும் ஒளிப்பதிவாளரும், இயக்குநருமான சுரேஷ் மேனனுக்கும் காதல் மலர்ந்தது. இருவரும் பெற்றோர் சம்மதத்துடன் திருமணம் செய்து கொண்டனர். சுரேஷ் மேனனும், ரேவதியும் சேர்ந்து ‘புதியமுகம்’ என்ற படத்தை சொந்தமாக தயாரித்தனர். அதில் சுரேஷ்மேனன் கதாநாயகனாக நடித்தார். படம் வெற்றி பெறவில்லை. அதனைத் தொடர்ந்து இருவருக்கும் இடையே கருத்து வேறுபாடு ஏற்பட்டது. 2 பேரும் விவாகரத்து செய்துமேலும் படிக்க…


பாரதிதாசன் மகன் மன்னர் மன்னனுக்கு உடல்நலக்குறைவு – மருத்துவமனையில் அனுமதி

பாவேந்தர் பாரதிதாசனின் மகன் மன்னர் மன்னனுக்கு உடல்நலக் குறைவு ஏற்பட்டதையடுத்து மருத்துவமனையில் அனுமதிக்கப்பட்டுள்ளார். புரட்சிக் கவிஞர் பாரதிதாசனின் மகனும் தமிழறிஞருமான மன்னர் மன்னன் புதுச்சேரியில் வசித்து வருகிறார். 90 வயது நிரம்பிய இவர் முதுமை சார்ந்த நோய்களால் கடந்த சில மாதங்களாக அவதிப்பட்டு வந்தார். இன்று அவரது உடல்நிலையில் மேலும் பின்னடைவு ஏற்பட்டது. இதையடுத்து அவர் உடனடியாக புதுவை அரசு மருத்துவமனையில் அனுமதிக்கப்பட்டுள்ளார். அவருக்கு டாக்டர்கள் தீவிர சிகிச்சை அளித்து வருகின்றனர். தமிழறிஞரான மன்னர் மன்னன் பல்வேறு நூல்களை எழுதியுள்ளார். புதுவை வானொலியில் பணியாற்றிய காலத்தில், தமிழ் பண்பாட்டை பறைசாற்றும் பல புதுமையான நாடகங்களை வழங்கியிருக்கிறார். புதுவைத் தமிழ்ச்சங்கத்தின் தலைவராகவும் பணியாற்றியுள்ளார். அவரது தமிழ்ப்பணியை கவுரவிக்கும் வகையில் புதுவை அரசின் கலைமாமணி விருது, தமிழ்மாமணி விருது உள்ளிட்ட விருதுகள் வழங்கப்பட்டுள்ளன.


தெலுங்கானா கோர விபத்து: உயிரிழப்புக்கள் 52ஆக அதிகரிப்பு

தெலுங்கானாவில் பேருந்து ஒன்று பள்ளத்தில் வீழ்ந்து விபத்திற்குள்ளானதில் உயிரிழந்தவர்களின் எண்ணிக்கை சற்று முன்னர் வரை 52 ஆக அதிகரித்துள்ளது. 32 பெண்கள், 15 ஆண்கள் மற்றும் 4 சிறுவர்கள் உயிரிழந்துள்ளதாகவும் 36 பேர் படுகாயமடைந்துள்ளதாகவும் அந்நாட்டு செய்திகள் தெரிவிக்கின்றன. விபத்து இடம்பெற்ற இடத்தில் மீட்பு நடவடிக்கைகள் தீவிரமாக முன்னெடுக்கப்பட்டு வருகின்றன. இந்த விபத்து குறித்து தெலுங்கானா முதலமைச்சர் கே.சந்திரசேகர் ராவ் அதிர்ச்சி தெரிவித்ததோடு, உயிரிழந்தவர்களுக்கு தனது இரங்கலையும் தெரிவித்தார். அத்துடன் காயமடைந்தவர்களுக்கு உடனடி மருத்துவ உதவிகளை வழங்குவதற்கு அதிகாரிகளுக்கு உத்தரவிட்டுள்ளதோடு, உயிரிழந்தவர்களின் குடும்பத்திற்கு தலா 5 லட்சம் ரூபா இழப்பீடு வழங்கவும் நடவடிக்கை எடுத்துள்ளதாக அறிவித்துள்ளமை குறிப்பிடத்தக்கது.


ஆட்சிக்கு வருவது உறுதி!- இந்தியாவில் மஹிந்த உறுதி

எதிர்வரும் 2019ஆம் ஆண்டுடன் தாம் மீண்டும் ஆட்சியை கைப்பற்றுவது உறுதி என, முன்னாள் ஜனாதிபதி மஹிந்த ராஜபக்ஷ தெரிவித்துள்ளார். இந்தியாவிற்கு விஜயம் மேற்கொண்டு முன்னாள் ஜனாதிபதி, அங்கு ஆங்கில ஊடகமொன்றுக்கு வழங்கிய செவ்வியிலேயே இவ்வாறு குறிப்பிட்டார். அங்கு தொடர்ந்து ஊடகவியலாளர்களின் கேள்விகளுக்கு பதிலளித்த அவர், இந்திய அரசாங்கத்துடன் பல காலமாக நீடித்திருந்த இறுக்கமான உறவை சுமூகமாக்குவதற்கதான நேரம் வந்துள்ளதாகவும், அதற்கான ஆரம்பமாக தனது இவ்விஜயம் அமைந்துள்ளதாகவும் குறிப்பிட்டார். தொடர்ந்து இலங்கையின் அரசியல் விவகாரங்களில் இந்தியாவின் தலையீடு குறித்த முன்னைய கருத்துக்கள் தொடர்பாக வருந்துகிறீர்களா என ஊடகவியலாளர்கள் வினவியதற்கு, தேர்தல் போன்ற ஒரு நாட்டின் உள்ளூர் விவகாரங்களில் வேறு நாடுகள் தலையிட கூடாது. எனது கருத்து இந்தியாவிற்கு மட்டுமல்ல, அனைத்து நாடுகளுக்கும் பொதுவான கருத்தாகும். ஆனால், நாம் கடந்த காலத்தை மறந்து முன்னோக்கிச் செல்வதற்கு நடவடிக்கை எடுக்க வேண்டும்மேலும் படிக்க…


எரிபொருள் விலை குறைப்பில் தலையிட தமிழக அரசிற்கு அதிகாரமில்லை: முதலமைச்சர்

எரிபொருள் விலை குறைப்பை மேற்கொள்ள மத்திய அரசாங்கமே நடவடிக்கை எடுக்க வேண்டும் என தமிழக முதலமைச்சர் எடப்பாடி பழனிசாமி தெரிவித்துள்ளார். பெற்றோல், டீசலின் விலைகள் தொடர்ந்து இன்றும் (புதன்கிழமை) அதிகரித்துள்ளது. எரிபொருள் விலை அதிகரிப்பு பொதுமக்களுக்கு பாரிய சுமையை ஏற்படுத்தியுள்ளது. இந்நிலையில், இது தொடர்பாக சேலத்தில் ஊடகவியலாளர்கள் எழுப்பிய கேள்விக்கு பதிலளிக்கையிலேயே தமிழக முதல்வர் இவ்வாறு குறிப்பிட்டார். அங்கு தொடர்ந்து தெரிவித்த அவர், ”பெற்றோல், டீசல் மீதான வரியை மத்திய அரசுதான் குறைக்க வேண்டும். அவர்கள் தான் விலையை உயர்த்திக் கொண்டே செல்கின்றனர். இன்றைக்கு தமிழகத்தில் ஒவ்வொரு துறையிலும் பல்வேறு பிரச்சினைகளை சந்தித்துக் கொண்டிருக்கிறோம். தேவையான நிதி ஆதாரத்தை பெருக்குவதுதான் மாநில அரசின் நிலை. அப்படி நிதியை பெருக்கினால்தான் திட்டத்தை நிறைவேற்ற முடியும். இருப்பினும் பெற்றோல், டீசல் விலை குறைப்பு குறித்து பரிசீலிக்கப்படும் எனத் தெரிவித்தார். பெற்றோல்மேலும் படிக்க…


மரண தண்டனையை தற்காலிகமாக நிறுத்துமாறு ஐரோப்பிய ஒன்றியம் வலியுறுத்தல்!

மீண்டும் மரண தண்டனையை நிறைவேற்றுவது தொடர்பான தீர்மானத்தை தற்காலிகமாக நிறுத்தி வைக்குமாறு ஐரோப்பிய ஒன்றியம், இலங்கை அரசாங்கத்தை கோரியுள்ளது. ஐரோப்பிய ஒன்றியம் சார்பில் நேற்று (செவ்வாய்க்கிழமை) ஐ.நா. மனித உரிமைகள் சபையில் உரையாற்றிய ஒஸ்ரியாவின் தூதுவரும் நிரந்தர வதிவிடப் பிரதிநிதியுமான எலிசபெத் ரிசி ஃபிசில்பெர்கர் (நுடளையடிநவா வுiஉhல-குளைளடடிநசபநச) இவ்வாறு குறிப்பிட்டார். மனித உரிமைகள் விடயத்தில் இலங்கையின் சில முன்னேற்றகரமான செயற்பாடுகளை வரவேற்கின்ற போதிலும், மேலும் பல விடயங்கள் நிறைவேற்றப்பட வேண்டியுள்ளது என்றும் சுட்டிக்காட்டினார். மேலும், நாட்டில் தேசிய நல்லிணக்கத்தை ஏற்படுத்துவது தொடர்பில் இலங்கை அரசாங்கம் ஐ.நா.விற்கு வழங்கிய வாக்குறுதியை நிறைவேற்றுவதனை உறுதி செய்வதற்கு ஐ.நா. சபையின் 39ஆவது கூட்டத்தொடரை ஒரு வாய்ப்பாக பயன்படுத்திக் கொள்ள வேண்டும் என்றும் குறிப்பிட்டார். அத்துடன், இலங்கையில் மரண தண்டனையை முழுமையான இல்லாதொழிக்கும் எண்ணப்பாட்டுடன், தற்போதைய மரண தண்டனை நிறைவேற்ற தீர்மானத்தை தற்காலிகமாகமேலும் படிக்க…


மனித உரிமை விடயத்தில் இலங்கைக்கு அக்கறையில்லை: ஐ.நா.

சம்பூர் மின் உற்பத்தி நிலையம் மற்றும் அம்பாந்தோட்டை துறைமுகம் போன்ற பிரம்மாண்ட உட்கட்டமைப்பு திட்டங்களை முன்னெடுப்பதற்கு முன்னதாக, மனித உரிமை மீறல் தொடர்பில் விரிவான மதிப்பீடுகளை மேற்கொள்ள இலங்கை ஒரு வலுவான சட்ட கட்டமைப்பை அமுல்படுத்துவது அவசியமென ஐ.நா. நிபுணர் ஒருவர் தெரிவித்துள்ளார். ஒன்பது நாட்கள் விஜயம் மேற்கொண்டு இலங்கை வந்திருந்த ஐ.நா.வின் சுயாதீன நிபுணர் ஜூவான் பப்லோ, தனது விஜயத்தின் இறுதியில் நேற்று (செவ்வாய்க்கிழமை) ஊடகங்களை சந்தித்தார். அதன்போது, இலங்கையின் மனித உரிமை விவகாரங்கள் தொடர்பில் கருத்துத் தெரிவித்தபோதே மேற்கண்டவாறு தெரிவித்தார். உட்கட்டமைப்பு திட்டங்களுக்கு இலங்கை அரசாங்கம் கொடுத்த முக்கியத்துவத்தை மனித உரிமை விடயத்திற்கு கொடுக்கவில்லை. மனித உரிமை விடயங்களை மதிப்பீடு செய்வதற்கான சட்ட ஒழுங்குமுறைகளை நிரூபிக்கவில்லையென அவர் மேலும் குறிப்பிட்டார். இந்நிலையில், உட்கட்டமைப்பு வசதிகளைவிட பொருளாதார சீர்திருத்த கொள்கைகள், மனித உரிமை விடயத்தில் ஏற்பட்டுள்ளமேலும் படிக்க…


துயிலுமில்லங்கள் தொடர்பில் முன்னாள் போராளிகள் வேண்டுகோள்!

இளைய தலைமுறையினரின் தலைமைப் பண்பை விருத்திசெய்யும் முகமாக மட்டக்களப்பு தரவை துயிலுமில்லத்தில் கிழக்கு பல்கலைக்கழக மாணவர்களினதும், கோப்பாயில் யாழ். பல்கலைக்கழக மாணவர்களினதும் பங்களிப்பு இருக்க வேண்டுமென முன்னாள் போராளிகள் வேண்டுகோள் விடுத்துள்ளனர். இந்தத் துயிலுமில்லங்களுக்கான செயற்பாட்டுக் குழுவை அமைக்கும்போது தமது வேண்டுகோளை கருத்திற்கொள்ளுமாறு மேலும் தெரிவித்தனர். மட்டக்களப்பைச் சேர்ந்த பாலிப்போடி சின்னத்துரை (யோகா), யாழ்ப்பாணத்தைச் சேர்ந்த முத்துக்குமார் மனோகர் (பசீர்காக்கா), திருகோணமலையைச் சேர்ந்த ஆத்மலிங்கம் ரவீந்திரா (ரூபன்) ஆகிய முன்னாள் மூத்த போராளிகள் ஒன்றிணைந்து மட்டக்களப்பில் நேற்று (செவ்வாய்க்கிழமை) ஊடகவியலாளர் சந்திப்பொன்றை நடத்தினர். இதன்போதே இந்த வேண்டுகோளை முன்வைத்தனர். அத்தோடு, கடந்த காலங்களில் மாவீரர் மாவீரர் தினங்களின்போது அரசியலும் காணப்பட்டதாக தெரிவித்த முன்னாள் போராளிகள் இனிவரும் காலத்தில் மாவீரரின் மனைவியோ பிள்ளைகளோ பொதுச்சுடரை ஏற்ற வேண்டும் என்ற கோரிக்கையையும் முன்வைத்தனர். தியாகி திலீபனின் நினைவுதினத்தன்று ஒருவர் தூக்குக்காவடிமேலும் படிக்க…


ஏழு தமிழர் விடுதலை: முட்டுக்கட்டை போடுவது சட்டமா, அரசியலா?


© 2015: TRT Tamil Olli, All Rights Reserved
error: நீங்கள் பிரதி செய்வது தடை செய்யப்பட்டுள்ளது !