பிறந்தது ஆங்கிலப் புத்தாண்டு 2025
2025 புத்தாண்டு பிறந்துள்ளது. பிறந்துள்ள 2025 புத்தாண்டு அனைவருக்கும் சாந்தியும் சமாதானமும் நிறைந்ததாக ஆண்டாக அமைய வாழ்த்துகிறோம்.
புத்தாண்டை வரவேற்கும் முகமாக கொழும்பு உட்பட நாடளாவிய ரீதியில் பட்டாசுக்கள் கொளுத்தி பல்வேறு கொண்டாட்டங்கள் இடம்பெற்றதாக எமது செய்தியாளர்கள் தெரிவித்தனர்.
கொழும்பு துறைமுக நகரில் கவர்ச்சிகரமான வாணவேடிக்கைகள் இடம்பெற்றதுடன், தாமரை கோபுர வளாகத்தில் வண்ண விளக்குகளுடன் வானவேடிக்கை நிகழ்ச்சியும் இடம்பெற்றது.
நாடளாவிய ரீதியாக உள்ள மதஸ்தலங்களில் விசேட வழிபாடுகளும் நேற்றிரவு இடம்பெற்றன.
இதேவேளை, பசுபிக் பிராந்தியத்திலுள்ள கிரிபாட்டி தீவு, இலங்கை நேரப்படி நேற்று பிற்பகல் 3.30க்கு முதலாவதாக 2025 புத்தாண்டை வரவேற்றது.
கிரிபாட்டி மக்கள் புத்தாண்டை வரவேற்கும் வகையில் கொண்டாட்டங்களை ஏற்பாடு செய்திருந்ததாக சர்வதேச ஊடகங்கள் தெரிவிக்கின்றன.
கிரிபாட்டி தீவுக்கு பிறகு உலகின் முதல் நாடாக நியூசிலாந்து 2025 புத்தாண்டை வரவேற்றது.
இலங்கை நேரப்படி நேற்று மாலை 4.30 க்கு அந்த நாட்டில் புத்தாண்டு பிறந்தது. அதனையடுத்து அவுஸ்திரேலியா, ஜப்பான் மற்றும் தென்கொரியா உள்ளிட்ட நாடுகள் 2025 புத்தாண்டை வரவேற்றன.
தொடர்பான செய்திகள்
மாகாணசபைத் தேர்தல்கள்: தமிழ்த்தரப்புக்கள் ஒருமித்துப் பயணிக்க வேண்டும் – தமிழ்த்தேசியக் கட்சிகளின் சந்திப்பில் வலியுறுத்தல்
மாகாணசபைத்தேர்தல்களை உடனடியாக நடாத்துவதற்கு உரிய அழுத்தங்களை பிரயோகிக்கும் அதேவேளை,அத்தேர்தலை இலக்காகக்கொண்டு தமிழ்த்தரப்புக்கள் ஒன்றிணைந்து ஒற்றுமையுடன் பயணிக்கவேண்டும் என தமிழ்த்தேசிய அரசியல்மேலும் படிக்க…
தாமும் பாதிக்கப் பட்டதாகக் கூறும் ஜனாதிபதி நாம் நிராகரித்த பொறிமுறையையே பலப்படுத்துகிறார் ; வலிந்து காணாமல் ஆக்கப்பட்டோரின் உறவுகள் ஐ.நா அதிகாரிகளிடம் கடும் அதிருப்தி
வலிந்து காணாமலாக்கப்படல்களால் தாமும் பாதிக்கப்பட்டதாக ஜனாதிபதி அநுரகுமார திஸாநாயக்க கூறுகின்ற போதிலும், அவர் ஆட்சிபீடமேறியதன் பின்னர் எம்மை சந்தித்து எமதுமேலும் படிக்க…