காபூல் விமான நிலையத்திற்கு வெளியே நடந்த பயங்கரவாத தாக்குதலில், இரண்டு பிரித்தானிய ஆண்கள் மற்றும் பிரித்தானிய நாட்டவரின் குழந்தையொன்று உயிரிழந்துள்ளதாக என வெளியுறவு செயலாளர் டொமினிக் ராப் தெரிவித்துள்ளார்.

இதுகுறித்து அவர் மேலும் கூறுகையில், ‘பயங்கரவாத தாக்குதலில் இரண்டு பிரித்தானிய பிரஜைகள் மற்றும் மற்றொரு பிரித்தானிய நாட்டவரின் குழந்தை கொல்லப்பட்டதை அறிந்து நான் மிகவும் வருத்தமடைந்தேன், மேலும் இரண்டு பேர் காயமடைந்தனர்.

இவர்கள் அப்பாவி மக்கள், அவர்கள் தங்கள் அன்புக்குரியவர்களை பிரித்தானியாவிற்கு பாதுகாப்பிற்கு அழைத்து வர முயன்றபோது அவர்கள் கோழைத்தனமான பயங்கரவாதிகளால் கொல்லப்பட்டனர்.

வெறுக்கத்தக்க தாக்குதல் ஆப்கானிஸ்தானில் உள்ளவர்கள் எதிர்கொள்ளும் ஆபத்துகளை அடிக்கோடிட்டுக் காட்டுகிறது மற்றும் மக்களை வெளியேற்ற நாங்கள் எங்களால் முடிந்த அனைத்தையும் செய்கிறோம். அவர்களின் குடும்பங்களுக்கு தூதரக ஆதரவை வழங்குகிறோம்.

எங்களின உதவியை நாடுபவர்களுக்கு நாங்கள் முதுகைக் காட்ட மாட்டோம் மேலும் நாங்கள் ஒருபோதும் பயங்கரவாதிகளால் பயப்பட மாட்டோம்’ என கூறினார்.

பாதிக்கப்பட்ட மூன்று பேரும் மூன்று வௌ;வேறு குடும்பங்களைச் சேர்ந்தவர்கள். இந்த மாத தொடக்கத்தில் காபூல், தலிபான்களால் கையகப்படுத்தப்பட்டதைத் தொடர்ந்து ஆப்கானிஸ்தானிலிருந்து வெளியேறும் விமானத்தை அணுகுவதற்கு அனைவரும் விமான நிலையத்திற்கு வெளியே காத்திருந்தனர். இதன்போது இவர்கள் கொல்லப்பட்டனர்.