வெளிவிவகார, வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித்த ஹேரத், நியூயார்க்கில் உள்ள ஐக்கிய நாடுகள் பொதுச் சபையில் (UNGA) இன்று (28) இலங்கையின் தேசிய அறிக்கையைச் சமர்ப்பிக்கவுள்ளார்.

ஐக்கிய நாடுகள் பொதுச் சபையின் 81 ஆவது கூட்டத்தொடரில் பங்கேற்பதற்காகத் தான் நேற்று (27) நியூயோர்க் வந்தடைந்ததாக அமைச்சர் விஜித்த ஹேரத் எக்ஸ் தளத்தில் முன்னதாக பதிவிட்டிருந்தார்.

ஐக்கிய நாடுகள் சபையின் பொதுச் செயலாளர், வெளிவிவகார அமைச்சர்கள் மற்றும் ஐ.நா.வின் உயர்மட்ட அதிகாரிகளுடன் கலந்துரையாட ஆவலுடன் காத்திருப்பதாகவும் அவர் குறிப்பிட்டார்.

பொதுச் சபைக் கூட்டத்தொடரின் ஒரு பகுதியாக, வெளிநாட்டு அலுவல்கள் அமைச்சர் ஐக்கிய நாடுகள் சபையின் பொதுச் செயலாளர் அன்டோனியோ குட்டேரஸ், ஐக்கிய நாடுகள் சபையின் உயர் அதிகாரிகள் மற்றும் பல்வேறு நாடுகளின் வெளியுறவு அமைச்சர்கள் ஆகியோரைச் சந்தித்துப் பேசவுள்ளமையும் குறிப்பிடத்தக்கது.