Monday, January 21st, 2019

 

இராணுவத்தினர் மீது பாரிய குற்றச்சாட்டுக்கள் இருந்தால் தண்டனை உறுதி – பாதுகாப்புச் செயலாளர்

பாரிய குற்றச்சாட்டுக்களில் ஈடுபட்ட இராணுவத்தினர் தொடர்பிலான தகவல்கள் இருந்தால், அதனை வழங்குமாறு பாதுகாப்புச் செயலாளர் ஹேமசிறி பெர்ணான்டோ புலம்பெயர் அமைப்புக்களிடம் கோரிக்கை விடுத்துள்ளார். கொழும்பில் இன்று (திங்கட்கிழமை) இடம்பெற்ற நிகழ்வொன்றில் கலந்து கொண்டு கருத்துத் தெரிவித்தபோதே அவர் இதனைக் குறிப்பிட்டுள்ளார். இது தொடர்பாக அவர் மேலும் குறிப்பிடுகையில், “இந்த நாட்டில் நிறைய பேர் இராணுவம் என்பதை தவறான அர்த்தத்துடன் பயன்படுத்திக் கொண்டிருக்கிறார்கள். இராணுவ வீரர் ஒருவர், இராணுவத்திலிருந்து விலகி ஒருவரை கொலை செய்தால் அவரை நாம் இராணுவ வீரர் என்று கூறமுடியாது. அவர் ஒரு கொலைக்குற்றவாளியாகவே அடையாளப்படுத்தப்படுவார். அவருக்கு சட்டத்திட்டத்துக்கு இணங்க, கொலைக் குற்றத்துக்கான தண்டனை வழங்கப்பட்டே ஆகவேண்டும். அந்தவகையில், இன்னும் இரண்டு வாரங்களில் கடுமையான குற்றங்களில் ஈடுபட்ட இராணுவத்தினருக்கு எதிராக நாம் வழக்குத் தாக்கல் செய்ய நடவடிக்கை எடுத்துள்ளோம். இதனால், இனிமேல் புலம்பெயர் அமைப்பினர் இராணுவத்துக்குமேலும் படிக்க…


அகதிகள் பிரித்தானியாவுக்குள் நுழைவதைத் தடுப்பதற்காக சுவர் எழுப்பும் பிரான்ஸ்

பிரான்ஸ் அதிகாரிகள், லாரிகளில் ஏறி பிரித்தானியாவுக்குள் நுழையும் அகதிகளைத் தடுப்பதற்காக, கலாயிஸ் பகுதியில் 10 அடி உயர தடுப்புச் சுவர் ஒன்றை எழுப்பியுள்ளனர். அப்பகுதியில் உள்ள பெட்ரோல் நிலையத்திற்கருகில் இந்த தடுப்புச் சுவர் எழுப்பப்பட்டுள்ளது. அந்த பெட்ரோல் நிலையத்திற்கு பெட்ரோல் நிரப்ப வரும் லொறிகளைதான், அகதிகளை கடத்துவோர், சட்ட விரோதமாக அகதிகளைக் கடத்த பயன்படுத்துகின்றனர். தற்போது கலாயிஸ் பகுதியில் சுமார் 600 அகதிகள் ஆங்கிலக் கால்வாயைக் கடப்பதற்காக காத்திருக்கிறார்கள். ஆனால் இந்த எண்ணிக்கை, கலாயிஸ் பகுதியில் அமைக்கப்பட்டிருந்த சட்ட விரோத அகதிகள் முகாம்களை அரசு கலைத்ததிலிருந்து வெகுவாக குறைந்துள்ளதாக அரசு தெரிவித்துள்ளது. முன்பு சுமார் 8000 அகதிகள் கலாயிஸ் பகுதியிலிருந்து பிரித்தானியாவுக்குள் நுழைவதற்காக முகாமிட்டிருந்தது குறிப்பிடத்தக்கது.


அமெரிக்க ஜனாதிபதித் தேர்தலில் களமிறங்கும் கமலாதேவி ஹாரிஸ்!

அமெரிக்காவில் அடுத்தாண்டு நடைபெறவுள்ள ஜனாதிபதி தேர்தலில் களமிறங்கப் போவதாக அமெரிக்கா வாழ் தமிழ் பெண்ணான கமலாதேவி ஹாரிஸ் அதிகாரபூர்வமாக அறிவித்துள்ளார். அமெரிக்க ஜனாதிபதித் தேர்தல் 2020ஆம் ஆண்டு வருகிறது. இத் தேர்தலில் தான் களமிறங்கவுள்ளதாக அவர் அதிகாரபூர்வமாக அறிவித்துள்ளார். கமலாதேவி ஹாரிஸ் சென்னையை சேர்ந்தவர். தனது சிறு வயதில் சென்னையில் உள்ள பெசன்ட் நகரில் வசித்திருந்தார். இவரது தாய் சியாமளா தமிழ்ப் பெண். தந்தை ஜமைக்கா நாட்டை சேர்ந்தவர். தனது இளமைப் பருவத்தை நெருங்கும்போது தன் குடும்பத்துடன் அமெரிக்காவிற்கு குடிபெயர்ந்தார். தற்போது கலிபோர்னியாவில் கமலா தன் குடும்பத்தினருடன் வசித்து வருகிறார். அமெரிக்காவில், அட்டர்னி ஜெனரல் மற்றும் துணை அட்டர்னி ஜெனரல் பதவியை வகித்து வரும் இவர், இருபத்தெட்டு ஆண்டுகளுக்கு முன்பிருந்தே அரசியலில் தீவிரமாக களமிறங்கினார். ஜனநாயக கட்சியைச் சேர்ந்த இவர், இரண்டு ஆண்டுகளுக்கு முந்தைய செனட்டர் தேர்தலில்மேலும் படிக்க…


பிரித்தானிய நீதிமன்றம் பிரிகேடியர் பிரியங்கவிற்கு பிடியாணை உத்தரவு!

பிரிகேடியர் பிரியங்க பெர்னான்டோவை கைது செய்யுமாறு பிரித்தானிய நீதிமன்றம் பிடியாணை உத்தரவு பிறப்பித்துள்ளது. இராணுவத்தின் 59 ஆவது படையணியின் முன்னாள் முக்கிய தளபதிகளில் ஒருவரான பிரிகேடியர் பெர்னான்டோ, பிரித்தானிய தலைநகர் லண்டனிலுள்ள இலங்கை உயர்ஸ்தானிகர் அலுவலகத்திற்கு எதிரில் வைத்து புலம்பெயர் தமிழர்களின் கழுத்தைஅறுப்பதாக சைகைமூலம் அச்சுறுத்தல் விடுத்திருந்தார். இலங்கையின் 70 ஆவது சுதந்திரத்தினத்தை முன்னிட்டு 2018ஆம் ஆண்டு பெப்ரவரி 4 ஆம் திகதி லண்டனிலுள்ள உயர் ஸ்தானிகர் அலுவலகத்தில் கொண்டாடப்பட்ட போது, அங்கு ஆர்ப்பாட்டத்தில் ஈடுபட்ட புலம்பெயர் தமிழர்களுக்கு கொலை அச்சுறுத்தல் விடுத்ததாக தெரிவித்து லண்டன் தூதரகத்தின்முன்னாள் பாதுகாப்பு அதிகாரி பிரியங்க பெர்னான்டோ மீது 2018 ஆம் ஆண்டுபெப்ரவரி 6 ஆம் திகதி வழக்குத் தொடரப்பட்டிருந்தது. இந்த வழக்கை இன்று பிரித்தானிய தலைநகர் லண்டனிலுள்ள வெஸ்ட் மினிஸ்டர் நீதவான் நீதிமன்றில் விசாரணைக்கு எடுத்துக்கொண்ட நீதவான் இந்த அதிரடித்மேலும் படிக்க…


போதைப்பொருள் சார்ந்த குற்றங்களை அறிவிக்க விசேட இலக்கம்

போதைப்பொருள் தொடர்பான குற்றங்கள் குறித்து தகவல்களை வழங்குவதற்காக அறிமுகப்படுத்திய 1984 என்ற கட்டணமற்ற தொலைபேசி எண் உத்தியோகபூர்வமாக பிரகடனப்படுத்தப்பட்டுள்ளது. தேசிய போதைப்பொருள் ஒழிப்பு பாடசாலை வாரத்தை முன்னிட்டு ஜனாதிபதி மைத்திரிபால சிறிசேன முல்லைத்தீவிற்கு விஜயம் செய்துள்ளார். அங்கு பல விசேட நிகழ்வுகள் இடம்பெறவுள்ள நிலையில், குறித்த இலக்கம் பிரகடனப்படுத்தப்பட்டுள்ளது. போதைப்பொருளற்ற நாட்டை உருவாக்கும் ஜனாதிபதியின் எண்ணக்கருவின் கீழ் இந்த நடவடிக்கை முன்னெடுக்கப்பட்டுள்ளது. ஜனாதிபதி மைத்திரி முல்லைத்தீவிற்கு விஜயம் தேசிய போதைப்பொருள் ஒழிப்பு பாடசாலை வாரம், ஜனாதிபதி தலைமையில் இன்று (திங்கட்கிழமை) ஆரம்பமாகவுள்ளது. இதன் அங்குரார்ப்பண நிகழ்வு முல்லைத்தீவு முள்ளியவளை வித்தியானந்தா மகா வித்தியாலயத்தில் ஆரம்பமாகவுள்ளது. ஜனாதிபதி மைத்திரிபால சிறிசேன தலைமையில் ஆரம்பமாகும் இந்நிகழ்வு, எதிர்வரும் 28ஆம் திகதிவரை இடம்பெறவுள்ளது. போதைப்பொருள் தொடர்பான குற்றங்கள் குறித்து தகவல்களை வழங்குவதற்காக அறிமுகப்படுத்திய 1984 என்ற கட்டணமற்ற தொலைபேசி எண்ணை ஜனாதிபதிமேலும் படிக்க…


சசிகலாவுக்கு சலுகைகளை செய்து கொடுத்த சிறை அதிகாரிகள் மீது நடவடிக்கை எடுக்கலாம் – முன்னாள் டி.ஐ.ஜி. ரூபா

சசிகலாவுக்கு தண்டனையை நீடிக்க முடியாது என்றும் அவருக்கு சலுகைகளை செய்து கொடுத்த சிறை அதிகாரிகள் மீது நடவடிக்கை எடுக்கலாம் என்றும் சிறைத்துறை முன்னாள் டி.ஐ.ஜி. ரூபா கூறியுள்ளார். கர்நாடக சிறையில் சசிகலாவுக்கு சலுகைகள் வழங்கப்பட்டது உண்மை என்று ஓய்வு பெற்ற ஐ.ஏ.எஸ். அதிகாரி வினய்குமார் தலைமையிலான குழு நடத்திய விசாரணையில் தெரியவந்து உள்ளது. இதுகுறித்து சிறை துறை டி.ஐ.ஜி. ஆக இருந்த ரூபாவிடம் கேட்டபோது அவர் கூறியதாவது:- ஓய்வு பெற்ற ஐ.ஏ.எஸ். அதிகாரி வினய்குமார் தலைமையிலான உயர்நிலை விசாரணை குழு அறிக்கை தாக்கல் செய்து ஒரு ஆண்டுக்கு மேல் ஆகி விட்டது. இந்த அறிக்கையில் என்ன இருக்கிறது என்று அறிய சட்ட போராட்டம் நடத்த வேண்டி இருந்தது. 2 முறை தகவல் அறியும் சட்டத்தில் அறிக்கை குறித்து கேட்டபோதெல்லாம் பதில் தர மறுக்கப்பட்டது. பின்னர் 3-வது முறையாகமேலும் படிக்க…


முதல்முறையாக காலிறுதிக்கு முன்னேறினார் டேனியல் கொலின்ஸ்

அவுஸ்ரேலிய பகிரங்க டென்னிஸ் தொடரின் நான்காம் சுற்றுப் போட்டிகள் மெல்பேர்னில் நடைபெற்று வருகின்றன. இதில் இரண்டாம் நிலை வீராங்கனையான ஜேர்மனியின் ஏஞ்சலி கேர்பர் அதிர்ச்சி தோல்வியடைந்து காலிறுதி வாய்ப்பினை இழந்தார். அந்தவகையில், தரவைரிசையல் 35 ஆவது நிலையிலுள்ள அமெரிக்க வீராங்கனை டேனியல் கொலின்ஸ் (Danielle Collins) ஏஞ்சலி கேர்பரை வீழ்த்தி காலியுறுதிக்கு முன்னேறினார். இப்போட்டியில், டேனியல் கொலின்ஸ் 6-0, 6-2 என்ற நேர் செட்களில் வெற்றி பெற்று காலியுறுதிக்கு முன்னேறினார். டேனியல் கொலின்ஸ் கிராண்டஸ்லாம் போட்டித் தொடரில், காலிறுதிச் சுற்றுக்கு முன்னேறிய முதலாவது சந்தர்ப்பம் இதுவாகும்.


பிரான்ஸ் தீ விபத்து: உள்துறை அமைச்சர் இரங்கல்

பிரான்ஸ் விடுதியில் ஏற்பட்ட தீ விபத்தில் சிக்கி உயிரிழந்தவர்களின் குடும்பத்தினருக்கு பிரான்ஸ் உள்துறை அமைச்சர் ஆழ்ந்த இரங்கல்களை வெளிப்படுத்தியுள்ளார். அத்துடன், காயமடைந்தவர்கள் விரைவில் குணமடைய பிரார்த்திப்பதுடன், தீயை கட்டுப்படுத்த போராடிய தீயணைப்பு வீரர்களுக்கு பாராட்டு தெரிவிப்பதாகவும் குறிப்பிட்டுள்ளார். குறித்த தீ அனர்த்தத்தை தொடர்ந்து அவர் வெளியிட்டுள்ள டுவிட்டர் பதிவிலேயே இவ்வாறு குறிப்பிட்டுள்ளார். பிரான்ஸ் கொர்ஷ்வெல் (Courchevel) பகுதியிலுள்ள விடுதி கட்டிடமொன்றில் நேற்று (ஞாயிற்றுக்கிழமை) ஏற்பட்ட தீ விபத்தில் இருவர் உயிரிழந்ததுடன், 25 பேர் படுகாயமடைந்தனர். அவர்களில் நால்வரின் நிலை கவலைக்கிடமாக இருப்பதாக தெரிவிக்கப்படுகிறது. தீ விபத்தையடுத்து உயிர் தப்புவதற்காக மாடியிலிருந்து பாய்ந்தவர்களே பெரும்பாலும் காயமடைந்திருப்பதாக உள்ளூர் அரச அதிகாரி ஒருவர் குறிப்பிட்டுள்ளார். மூன்று மாடிகள் கொண்ட கட்டிடத்தின் மூன்றாவது தளத்தில் ஏற்பட்ட தீயை சுமார் 70 தீயணைப்பு வீரர்கள் போராடி கட்டுப்படுத்தியுள்ளனர். வெளிநாட்டவர்கள் உள்ளிட்ட சுமார் 60 விடுதிமேலும் படிக்க…


ஆப்கான் மாகாண ஆளுநரின் வாகன தொடரணி மீது தாக்குதல்: எட்டு பேர் உயிரிழப்பு

ஆப்கானிஸ்தானின் தெற்கு லோகார் மாகாண ஆளுநர் பயணித்த வாகன தொடரணியை இலக்குவைத்து நடத்தப்பட்ட கார் குண்டு தாக்குதலில் எட்டு பேர் உயிரிழந்துள்ளனர். நேற்று (ஞாயிற்றுக்கிழமை) இடம்பெற்ற தாக்குதலில் எட்டு பாதுகாப்பு அதிகாரிகள் உயிரிழந்த நிலையில், ஆளுநர் எவ்வித பாதிப்புமின்றி உயிர்த்தப்பியுள்ளார். வெடிப்பொருட்கள் நிரப்பப்பட்ட காரொன்றை வெடிக்க வைத்து இத்தாக்குதல் நடத்தப்பட்டுள்ளதாக லோகார் மாகாண பொலிஸ் பேச்சாளர் குறிப்பிட்டார். இத்தாக்குதலுக்கு பொறுப்பேற்றுள்ளதாக தலிபான் பேச்சாளர் ஒருவர் அறிக்கையொன்றை வெளிப்படுத்தி உறுதிபடுத்தியுள்ளார். இத்தாக்குதலில் பெருந்தொகையான ஆப்கான் விசேட பாதுகாப்பு படையினர் கொல்லப்பட்டும், காயமடைந்தும் உள்ளதாக குறித்த அறிக்கையில் குறிப்பிடப்பட்டுள்ளது. தலைநகரின் மூலோபாய நுழைவாயிலாக விளங்கும் லோகார் மாகாணத்தில் தலிபான்கள் தீவிரமாக செயற்பட்டு வருவதால், குறித்த மாகாணம் அடிக்கடி தாக்குதலுக்கு இலக்காகி வருகின்றமை குறிப்பிடத்தக்கது.


சிரியாவிலுள்ள ஈரான் இலக்குகள் மீது இஸ்ரேல் வான் தாக்குதல்!

சிரியாவில் ஸ்தாபிக்கப்பட்டுள்ள ஈரானின் இலக்குகளை தொடர்ச்சியாக தாக்குவதற்கு ஆரம்பித்துவிட்டதாக இஸ்ரேல் ராணுவம் தெரிவித்துள்ளது. ஈரானிய புரட்சிப் படையின் சிறப்பு பிரிவான குட்ஸ் படைக்கு எதிராக தங்களின் தாக்குதல் நடவடிக்கை அமைந்ததாக இஸ்ரேல் பாதுகாப்பு படை பிரிவு (IDF) குறிப்பிட்டுள்ளது. இது குறித்து மேலதிகமாக எந்த தகவலையும் இஸ்ரேல் ராணுவம் வௌியிடவில்லை. நேற்றையதினம் (ஞாயிற்றுக்கிழமை) சிரியாவில் உள்ள கோலான் மலை பகுதியின் உச்சியில் உள்ள இலக்குகளில் இருந்து செலுத்தப்பட்ட ஒரு எறிகணையை தாங்கள் இடைமறித்ததாக இஸ்ரேல் பாதுகாப்பு படை பிரிவு தெரிவித்தது. இதேவேளையில், தமது நாட்டின் வான் பாதுகாப்பு பிரிவு இஸ்ரேலின் வான்வழி தாக்குதல் ஒன்றை முறியடித்துள்ளதாக சிரியாவின் அரசு ஊடகமான சனா குறிப்பிட்டுள்ளது. இந்தநிலையில், இன்று வெளியிடப்பட்ட டுவிட்டர் செய்தியில், ”சிரியா பிராந்தியத்தில் ஈரானை சேர்ந்த குட்ஸ் படைகளின் இலக்குகளை தாக்க ஆரம்பித்துவிட்டோம்” என்று தகவல் வெளியிட்டுள்ளது.மேலும் படிக்க…


கொலை சதித்திட்டம்: நாலக டி சில்வாவின் விளக்கமறியல் நீடிப்பு

ஜனாதிபதி மைத்திரி உள்ளிட்ட முக்கிய பிரமுகர்களை கொலைசெய்ய சதித்திட்டம் தீட்டிய சந்தேகத்தின்பேரில் கைதுசெய்யப்பட்டுள்ள முன்னாள் பிரதி பொலிஸ்மா அதிபர் நாலக டி சில்வாவின் விளக்கமறியல் நீடிக்கப்பட்டுள்ளது. எதிர்வரும் 30ஆம் திகதிவரை அவரை தொடர்ந்தும் விளக்கமறியலில் வைக்குமாறு கொழும்பு கோட்டை நீதவான் நீதிமன்றம் இன்று (திங்கட்கிழமை) உத்தரவிட்டுள்ளது. ஜனாதிபதி மைத்திரி மற்றும் முன்னாள் பாதுகாப்புச் செயலாளர் கோட்டா உள்ளிட்ட பிரமுகர்களை கொலைசெய்ய சதித்திட்டம் தீட்டப்பட்டதில் நாலகவிற்கும் பங்குண்டு என ஊழல் எதிர்ப்பு செயற்பாட்டாளரான நாமல் குமார தகவல் வெளியிட்டிருந்தார். அதன் பின்னர் ஐந்து நாட்கள் தொடர் விசாரணைக்கு உட்படுத்தப்பட்டுவந்த நாலக டி சில்வா, கடந்த 2018ஆம் ஆண்டு நவம்பர் மாதம் 25ஆம் திகதி குற்றப்புலனாய்வு பிரிவினரால் கைதுசெய்யப்பட்டமை குறிப்பிடத்தக்கது.


போராட்டத்தில் ஈடுபடும் ஆசிரியர்களுக்கு சம்பளம் வழங்கப்பட மாட்டாது – அரசு எச்சரிக்கை

வேலைநிறுத்தப் போராட்டத்தில் ஈடுபடவுள்ள ஆசிரியர்களுக்கு, குறித்த நாளுக்கான சம்பளம் வழங்கப்படமாட்டாதென அரசு எச்சரிக்கை விடுத்துள்ளது. அதன்படி, வேலைநிறுத்த நாட்களில் மாவட்ட வாரியாக பணிக்கு சமூகமளிக்காத ஆசிரியர்களின் பட்டியலை தயாரிக்க முதன்மை கல்வி அதிகாரிகளுக்கு பாடசாலை கல்வித்துறை உத்தரவிட்டுள்ளது. ஊழியர்கள், ஆசிரியர்கள் கூட்டமைப்பான ஜாக்டோ-ஜியோ சார்பில், தமிழகம் முழுவதும் நாளை (செவ்வாய்க்கிழமை) முதல் காலவரையரையற்ற வேலைநிறுத்தப் போராட்டம் முன்னெடுக்கப்படவுள்ளது. அத்தோடு, 23 மற்றும் 24ஆம் திகதிகளில் மறியல் போராட்டமும், 25ஆம் திகதி மாவட்ட தலைநகரங்களில் மறியல் போராட்டமும் நடத்த திட்டமிட்டுள்ளனர். அத்தோடு, 26ஆம் திகதி குடியரசு தினத்தன்று அடுத்தக்கட்ட தீவிர போராட்டம் குறித்து சென்னையில் கூடி முடிவு செய்து அறிவிக்கவும் திட்டமிட்டுள்ளனர். அரசு ஊழியர் சங்கம், பட்டதாரி ஆசிரியர் சங்கம், தொடக்கப்பள்ளி ஆசிரியர் சங்கம், ஆரம்பப் பள்ளி ஆசிரியர் கூட்டணி, தமிழ் நாடு ஆசிரியர் கூட்டணி உள்ளிட்ட 150மேலும் படிக்க…


சிறைக்கைதிகள் மீதான தாக்குதல்: அடுத்தகட்ட நடவடிக்கை தயார்!

அம்பாந்தோட்டை – அங்குணகொளபெலஸ்ஸ சிறைச்சாலையில் கைதிகள் மீது நடத்தப்பட்ட தாக்குதல் தொடர்பான அறிக்கை இன்று (திங்கட்கிழமை) சமர்ப்பிக்கப்படவுள்ளது. நீதி மற்றும் சிறைச்சாலைகள் மறுசீரமைப்பு அமைச்சர் தலதா அத்துகோரளவிடம் இந்த அறிக்கை சமர்ப்பிக்கப்படவுள்ளது. கடந்த வருடம் நவம்பர் மாதம் 22ஆம் திகதி கைதிகள் மீது நடத்தப்பட்ட தாக்குதல் தொடர்பான காணொளி வெளியாகி சர்ச்சைகளை ஏற்படுத்தியுள்ளது. இந்நிலையில், நீதி மற்றும் சிறைச்சாலைகள் அமைச்சர் தலதா அத்துகோரளவினால் இரண்டு குழுக்கள் நியமிக்கப்பட்டன. குறித்த குழுக்கள் அங்குணகொளபெலஸ்ஸ சிறைச்சாலைக்குச் சென்று விசாரணைகளை மேற்கொண்டிருந்தன. அவற்றில் சிறைச்சாலைகள் ஆணையாளர் துஷார உபுல்தெனியவால் நியமிக்கப்பட்ட குழுவின் அறிக்கையே இன்று சமர்ப்பிக்கப்படவுள்ளது.  இரண்டாவது அறிக்கையை எதிர்வரும் 25ஆம் திகதி சமர்ப்பிக்க எதிர்பார்க்கப்பட்டுள்ளது. சிறைக்கைதிகளை பொலிஸார் துரத்தி துரத்தி தாக்கி, அவர்களை முழந்தாளில் செல்லுமாறு பணிக்கும் வகையிலான காணொளி வைரலாகியுள்ளது. இதுகுறித்து ஏற்கனவே மனித உரிமைகள் ஆணைக்குழு விசாரணை நடத்தியிருந்ததோடு,மேலும் படிக்க…


இராணுவத்தின் வசமிருந்த மற்றுமொரு தொகுதி காணி விடுவிப்பு!

வடக்கில் இராணுவத்தின் கட்டுப்பாட்டிலுள்ள காணிகளில் ஒரு தொகுதி இன்று (திங்கட்கிழமை) விடுவிக்கப்படவுள்ளது. ஜனாதிபதி மைத்திரிபால சிறிசேன இன்று முல்லைத்தீவிற்கு விஜயம் செய்யவுள்ள நிலையில், இந்நிகழ்வு இடம்பெறவுள்ளது. குறிப்பாக கிளிநொச்சி மாவட்டத்தில் 972 ஏக்கர் அரச காணிகளும் முல்லைத்தீவு மாவட்டத்தில் 120 ஏக்கர் அரச காணிகளும் விடுவிக்கப்படவுள்ளன. அத்தோடு, யாழ்ப்பாணம் மற்றும் வன்னியில் 46.11 அரச காணிகளும் 63.77 தனியார் காணிகளும் விடுவிக்கப்படவுள்ளன. வடக்கு கிழக்கில் இன்னும் 14,000 ஏக்கர் காணிகள் படையினர் வசமுள்ளதாக தெரிவிக்கப்படுகிறது. அவற்றை விடுவிக்குமாறு தொடர்ச்சியாக போராட்டங்கள் முன்னெடுக்கப்பட்டு வருகின்றன. எனினும், சிறிது சிறிதாக அவற்றை விடுவிக்கும் இலங்கை இராணுவம், தேசிய பாதுகாப்பு கருதி சில காணிகளை தம்வசம் வைத்துள்ளதாக கூறிவருகின்றமை குறிப்பிடத்தக்கது.


நாதம் என் ஜீவனே – 15/01/2019

அனுசுயா ஆனந்தரூபன் (ஊடகவியலாளர் நடன ஆசிரியை)


நாதம் என் ஜீவனே – 01/01/2019

அறிவிப்பாளர் ரவி


நாதம் என் ஜீவனே – 25/12/2019

ஈழத்து பாடகர் அருள் தர்சன்


© 2015: TRT Tamil Olli, All Rights Reserved
error: நீங்கள் பிரதி செய்வது தடை செய்யப்பட்டுள்ளது !