Monday, November 5th, 2018

 

மார்செயில் இடிந்து விழுந்த கட்டடங்கள் – இருவர் படுகாயம்!

பிரான்சின் மார்செயில் இன்று(திங்கட்கிழமை) இரண்டு கட்டடங்கள் இடிந்து நொருங்கியுள்ளன. இந்த தகவலை Bouches-du-Rhone அதிகாரிகள் உறுதிப்படுத்தியுள்ளனர். மார்செயின் நகரின் rue d’Aubagne வீதியில் உள்ள கட்டிடங்களே இவ்வாறு இடிந்து நொருங்கியுள்ளதாக தெரிவிக்கப்படுகின்றது. இரண்டு கட்டிடங்கள் உடைந்த நிலையில் மூன்றாவது கட்டிடமும் ஆபத்தான நிலையில் இருப்பதாக குறிப்பிடப்படுகின்றது. இதன்போது இருவர் படுகாயமடைந்துள்ளதாகவும் அந்நாட்டு ஊடகங்கள் செய்தி வெளியிட்டுள்ளன. அத்துடன், தீயணைப்பு படையினர் தற்போது குறித்த பகுதியில் மீட்பு நடவடிக்கையில் ஈடுபட்டுள்ளதாகவும் குறிப்பிடப்படுகின்றது.


ஜனநாயகத்தை இல்லாதொழிக்க எடுக்கப்படும் முயற்சிகளை தடுத்து நிறுத்துவோம் – இரா.சம்பந்தன்

நாட்டிலும் நாடாளுமன்றிலும், ஜனநாயகத்தை இல்லாதொழிக்க எடுக்கப்படும் முயற்சிகளை தடுத்து நிறுத்துவோம் என எதிர்க்கட்சித் தலைவர் இரா.சம்பந்தன் குறிப்பிட்டுள்ளார். மக்கள் விடுதலை முன்னணியுடன் கொழும்பில் இன்று(திங்கட்கிழமை) இடம்பெற்ற சந்திப்பினையடுத்து ஊடகங்களுக்கு கருத்து தெரிவிக்கையில் இவ்வாறு குறிப்பிட்டுள்ளார். பிரதான எதிர்கட்சியான தமிழ்த் தேசியக் கூட்டமைப்பிற்கும், மக்கள் விடுதலை முன்னணிக்கும் இடையில் இன்று விசேட சந்திப்பொன்று இடம்பெற்றுள்ளது. இதில், கூட்டமைப்பின் தலைவர் சம்பந்தர் மற்றும் எம்.ஏ.சுமந்திரன் கலந்து கொண்டிருந்ததுடன், மக்கள் விடுதலை முன்னணியின் சார்பில் தலைவர் அனுகுமார திஸாநாயக்க, பிமல் ரத்நாணயக்க, லால் காந்த ஆகியோரும் கலந்து கொண்டிருந்தனர். எதிர்க்கட்சித் தலைவர் இல்லத்தில் நடைபெற்ற இந்த சந்திப்பில், அரசியலமைப்பு பிரச்சினை, ஜனநாயகத்தை நிலைநாட்டுவது உள்ளிட்ட பல விடயங்கள் குறித்து கலந்துரையாடப்பட்டுள்ளது.


விரைவில் மக்கள் சந்திப்பு! ஆயத்தமாகும் பிரேமலதா விஜயகாந்த்!

நிர்வாகிகளுடனான சந்திப்பு நிறைவடைந்த பிறகு மக்களை நேரில் சந்திக்கும் சுற்றுப்பயணம் மேற்கொள்ள தே.மு.தி.க பொருளாளர் பிரேமலதா விஜயகாந்த் தெரிவித்துள்ளார். நிர்வாகிகளுடனான சந்திப்பு நிறைவடைந்த பிறகு மக்களை நேரில் சந்திக்கும் சுற்றுப்பயணம் மேற்கொள்ள தே.மு.தி.க பொருளாளர் பிரேமலதா விஜயகாந்த் தெரிவித்துள்ளார். தே.மு.தி.க தலைவர் விஜயகாந்த் உடல் நிலை பாதிக்கப்பட்டுள்ள நிலையில் அக்கட்சியின் பொருளாளராக பிரேமலதா நியமிக்கப்பட்டார். இதனை தொடர்ந்து கட்சியை வலுப்படுத்தும் நடவடிக்கையில் பிரேமலதா தொடங்கினார். மாவட்டச் செயலாளர்கள் கூட்டம், கட்சியின் இன்னும் பிற அணி நிர்வாகிகள் கூட்டம் என கடந்த 15 நாட்களாக அவர் சுறுசுறுப்பாக இயங்கி வருகிறார். தற்போது மாவட்ட நிர்வாகிகள் அனைவரையும் சந்திக்கும் பணியை பிரேமலதா தொடங்கியுள்ளார். அதாவது மாவட்டச் செயலாளர், நகரச் செயலாளர், பேரூராட்சி செயலாளர் என ஒரு மாவட்டத்தில் உள்ள கட்சி நிர்வாகிகள் அனைவரையும் வரவழைத்து அவர்களுடன் பிரேமலதா ஆலோசனை மேற்கொண்டுமேலும் படிக்க…


ஸ்டாலின் – டி.டி.வி.தினகரன் ரகசிய சந்திப்பு ? மதுரையில் பரபரப்பு

மதுரையில் உள்ள பிரபல ஓட்டல் ஒன்றில் திமுக தலைவர் மு.க.ஸ்டாலினும், அமமுக துணைப் பொதுச் செய்லாளர் டி.டி.வி.தினகரனும் ரசசியமான சந்தித்துப் பேசியதாக வெளியான தகவல் குறித்து தினகரன் விளக்கம் அளித்துள்ளார். தற்போது தமிழகத்தில் நடைபெற்று வரும் எடப்பாடி பழனிசாமி தலைமையிலான அரசை எப்படியாவது கவிழ்த்து விட வேண்டும் என கடுமையாக முயற்சி செய்து வருகிறார். இதே போல் மைனாரிட்டி அரசாக உள்ள எடப்பாடியை அகற்ற வேண்டும் என ஸ்டாலினும் பேசி வருகிறார். ஆனால் மோடி அரசால் எடப்பாடி அரசு காப்பாற்றப்பட்டு வருவதாக அரசியல் நோக்கர்கள் கருதுகின்றனர். இந்நிலையில் தான் தமிகத்தில் 20 தொகுதிகளுக்கு இடைத் தேர்தல் நடைபெறவுள்ளது. இந்த தேர்தலில் அதிமுக 12 தொகுதிகளில் அதிமுக ஜெயித்தால்தான் ஆட்சியைத் தக்க வைத்துக் கொள்ள முடியும். இப்படி ஒரு இக்கட்டான சூழ்நிலையில் ஸ்டாலினும், தினகரனும் ரகசியமாக கூட்டணி அமைத்துக்மேலும் படிக்க…


அதிமுக தலைவராகிறார் பிரபல நடிகர் !! மேலிடம் எடுத்த முடிவால் அதிர்ந்து போயுள்ள இபிஎஸ் – ஓபிஎஸ்

தமிழகத்தில் அதிமுகவை முழுமையாக தனது கட்டுப்பாட்டில் கொண்டு வரும் முயற்சியில் கிட்டத்தட்ட வெற்றி பெற்றுள்ள பாஜக, அடுத்து கட்சியின் தலைவராக ரஜினியை நியமித்து எதிர்வரும் நாடாளுமனறத் தேர்தலை சந்திக்க உள்ளதாக தகவல்கள் வெளியாகியுள்ளன. இதற்காக அனைத்து நடவடிக்கைகளும் முடிந்துவிட்ட நிலையில், ரஜினியின் சம்மதத்திற்காக மட்டுமே காத்துக் கொண்டிருப்பதாக தகவல்கள் றெக்க கட்டி பறக்கிறது. எதைத் தின்றால் பித்தம் தெளியும் என்ற நினைப்புடன் செயல்பட்டு வரும் பாஜக எப்படியாவது மீண்டும் மத்திய அரசில் உட்கார்ந்துவிட வேண்டும் என்ற முனைப்பில் உள்ளது. அதற்காக என்ன வேண்டுமானாலும் செய்ய அக்கட்சி தயாராக உள்ளது. மேலும் பாஜகவின் கண்கள் கடந்த சில ஆண்டுகளாகவே தமிழகத்தின் மீது உள்ளது. அவர்களுக்கு ஏற்ற மாதிரி ஜெயலலிதா மறைந்துவிட்டதால், அதிமுகவை தற்போது முழுவதுமாக தனது பிடிக்குள் கொண்டுவந்துவிட்டது பாஜக. இந்நிலையில்தான் அடுத்த ஆண்டு நாடாளுமன்றத் தேர்தல் நடைபெறவுள்ளதுமேலும் படிக்க…


அவுஸ்திரேலியாவின் சிட்னியில் ஏற்பட்ட பாரிய தீ

அவுஸ்திரேலியாவின் சிட்னியில் ஏற்பட்ட பாரிய தீப்பரவல் சம்பவத்தில் பல வர்த்தக நிலையங்களும் தொழிற்சாலை கட்டிடம் ஒன்றும் தீக்கிரையானதாக தகவல்கள் தெரிவிக்கின்றன. சனிக்கிழமை  காலை இடம்பெற்ற இச்சம்பவத்தில் உயிர்ச் சேதங்களோ, காயங்களோ ஏற்பட்டதாக தகவல்கள் வெளியாகவில்லை. சுமார் 100 தீயணைப்பு படை வீரர்கள் தீயணைப்பு பணிகளில் ஈடுபட்டுள்ளனர். தீயின் காரணமாக தொழிற்சாலை கட்டிடங்களுக்குள் உள்ள போத்தல்களும், பிற பொருட்களும் வெடித்துச் சிதறுவதாக சம்பவத்தை நேரில் பார்த்தவர்கள் கூறியுள்ளனர். https://www.heraldsun.com.au/9a615bf2-5fc0-438f-b55d-9d60e4b74b53


ஐக்கிய தேசிய கட்சியின் இரண்டு முக்கியஸ்தர்கள் கைது!

ஐக்கிய தேசிய கட்சியின் இரண்டு முக்கியஸ்தர்கள் சற்றுமுன்னர் கைது செய்யப்பட்டுள்ளனர். ஐக்கிய தேசிய கட்சியின் நாடாளுமன்ற உறுப்பினர்களான பாலித்த தெவரப்பெரும மற்றும் கேஷ விதானகே ஆகியோரே சற்றுமுன்னர் அலரி மாளிகைக்கு அருகில் வைத்து கைது செய்யப்பட்டுள்ளதாக தெரிவிக்கப்படுகின்றது. மேஜர் அஜித் பிரசன்ன மீது தாக்குதல் மேற்கொண்டார்கள் என்ற குற்றச்சாட்டின் பேரிலேயே இவர்கள் கைது செய்யப்பட்டுள்ளனர். இந்தநிலையில் கைது செய்யப்பட்டுள்ள இருவரையும் நீதிமன்றத்தில் முன்னிலைப்படுத்துவதற்குரிய நடவடிக்கைகள் முன்னெடுக்கப்பட்டுள்ளதாக கூறப்படுகின்றது.


ஏறத்தாழ ஓராண்டு சிறைவாசத்துக்கு பின் சவுதி இளவரசர் காலித் பின் தலால் விடுதலை

ஏறத்தாழ ஓராண்டு சிறைவாசத்துக்கு பின் சவுதி இளவரசர் காலித் பின் தலால் விடுதலை செய்யப்பட்டுள்ளதாக தகவல்கள் கூறுகின்றன. சவுதி அரேபியாவில் கடந்த ஆண்டு நவம்பர் மாதம், மன்னர் சல்மான் ஊழலை தடுப்பதற்காக பட்டத்து இளவரசர் முகமது பின் சல்மான் தலைமையில் சிறப்பு குழு ஒன்றை அமைத்தார். அந்தக் குழுவுக்கு ஊழல் தடுப்பு வழக்குகளில் விசாரணை நடத்தவும், கைது வாரண்டுகள் பிறப்பிக்கவும், பயண தடை விதிக்கவும், நிதி பரிமாற்றங்களை தடுக்கவும், வங்கி கணக்குகளை முடக்கவும் அதிகாரம் வழங்கப்பட்டுள்ளது. அந்த குழு உடனடியாக அங்கு பல இளவரசர்களை கைது செய்து சிறையில் அடைத்தது. அப்படி சிறையில் அடைக்கப்பட்ட இளவரசர்களில் ஒருவர், காலித் பின் தலால். இவர் மன்னர் சல்மானின் நெருங்கிய உறவினர் ஆவார். இவர் சிறையில் அடைக்கப்பட்டு ஏறத்தாழ ஓராண்டு ஆன நிலையில் இப்போது விடுதலை செய்யப்பட்டு விட்டார். இவரதுமேலும் படிக்க…


ஸ்கார்பரோவில் நள்ளிரவு இடம்பெற்ற துப்பாக்கிச் சூடு – ஒருவர் படுகாயம்!

ஸ்கார்பரோ பகுதியில் நள்ளிரவில் இடம்பெற்ற துப்பாக்கிச் சூட்டு சம்பவத்தில் ஆண் ஒருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளார். பிஞ்ச் அவென்யூ மற்றும் பிர்ச்மவுன் சாலைக்கு அருகிலுள்ள கிளெண்டுவர் சர்க்யூட் பகுதியில் நேற்று (ஞாயிற்றுக்கிழமை) அதிகாலை 2 மணியளவில் குறித்த சம்பவம் இடம்பெற்றுள்ளது. குறித்த பகுதியில் உள்ள குடியிருப்பிற்கு வெளியே ஒருவர் சண்டை போவுவதாக பொலிஸாருக்கு தகவல் கிடைத்தது. இந்நிலையில் பொலிஸார் அங்கு சென்றபோது ஆண் ஒருவர் துப்பாக்கிச் சூட்டுக்கு இலக்காகி காயமடைந்த நிலையில் இருப்பதை கண்ட அவர்கள், அவரை மீட்டு வைத்தியசாலையில் அனுமதித்தனர். இருப்பினும் துப்பாக்கிச் சூட்டை நடத்தியவர் தொடர்பில் எவ்வித தகவல்களும் வெளியாகாத நிலையில் மேலதிக விசாரணைகளை மேற்கொண்டு வருகின்றனர்.


பிரான்ஸ் கவிஞர் போவ்டெல்யாரின் தற்கொலை கடிதம் 2 லட்சம் யூரோவுக்கு ஏலம்!

பிரான்ஸைச் சேர்ந்த பெருங்கவிஞர் ஒருவரின் தற்கொலைக் கடிதம் ஒன்று சுமார் 2 லட்சம் யூரோக்களுக்கு ஏலம் எடுக்கப்பட்டுள்ளமையானது அனைவரையும் பெரும் ஆச்சரியத்திற்கு உள்ளாக்கியுள்ளது. பத்தொன்பதாம் நூற்றாண்டை சேர்ந்த பெருங்கவிஞன் சார்லஸ் போவ்டெல்யாரின் தற்கொலை கடிதம் சுமார் €234,000 யூரோக்களுக்கு (£204,000; $267,000) ஏலத்தில் எடுக்கப்பட்டது. அவர் தனது தற்கொலைக் கடிதத்தை தன் காதலி ஜீன் டுவலுக்கு எழுதியிருந்தார். 1845 ஆம் ஆண்டு ஜூன் 30 ஆம் திகதி இந்த கடிதம் எழுதப்பட்டிருந்தது.   அந்த கடிதம் எழுதப்பட்டபோது அவருக்கு 24 வயதாகும். கடிதம் எழுதப்பட்ட அதே தினத்தில் தற்கொலைக்கு முயன்றவர் பின்னர் பிழைத்துக் கொண்டார். தான் ஏன் தற்கொலை செய்து கொள்ள போகிறார் என்பதை அந்தக் கடிதத்தில் விளக்கி இருந்த அவர், “இந்த கடிதம் உனக்கு கிடைக்கும் போது, நான் மரணித்து இருப்பேன்” என்று குறிப்பிட்டிருந்தார். பரம்பரைமேலும் படிக்க…


எதிர்ப்புகளை கடந்து அமுலுக்கு வருகிறது ஈரான் மீதான பாரிய பொருளாதார தடை!

வரலாற்றில் என்றுமில்லாத அளவிற்கு ஈரான் மீதான அமெரிக்காவின் பொருளாதார தடை இன்று (திங்கட்கிழமை) முதல் அமுலுக்கு வருகின்றது. எண்ணெய்வளம் நிறைந்த நாடான ஈரானுக்கும் அமெரிக்காவிற்கும் இடையில் இடம்பெற்றுவரும் பனிப்போரின் உச்சகட்டமாக இந்நடவடிக்கை அமைந்துள்ளது. இத்தடை தொடர்பாக அமெரிக்க ஜனாதிபதி டொனால்ட் ட்ரம்ப் கடந்த வாரமே அறிவித்திருந்த நிலையில், அதற்கெதிராக ஈரானில் பாரிய ஆர்ப்பாட்டங்கள் முன்னெடுக்கப்பட்டு வந்தன. அவற்றை கடந்து இன்றுமுதல் குறித்த தடை அமுலுக்கு வரவுள்ளது. கடந்த 2015ஆம் ஆண்டு ஈரானுடன் மேற்கொள்ளப்பட்ட அணுசக்தி உடன்படிக்கையிலிருந்து விலகுவதாக அமெரிக்கா கடந்த மே மாதம் அறிவித்தது. அதன் பின்னர் இரு நாடுகளுக்கும் இடையில் விரசல் ஏற்பட்டு வந்தது. குறித்த ஒப்பந்தத்தின் பிரகாரமே, ஈரான் மீது ஏற்கனவே விதிக்கப்பட்ட தடைகளை அமெரிக்கா தளர்த்தியிருந்தது. இந்த ஒப்பந்தத்திலிருந்து அமெரிக்கா தற்போது விலகியுள்ள நிலையில், ஏற்கனவே விதிக்கப்பட்டிருந்த சகல தடைகளையும் மீள நடைமுறைப்படுத்தமேலும் படிக்க…


கியூப ஜனாதிபதி வடகொரியாவிற்கு விஜயம்

கியூப ஜனாதிபதி மிகுவல் டயஸ் கனெல் உள்ளடங்களான உயர்மட்டக் குழுவொன்று வடகொரியாவிற்கு விஜயம் செய்துள்ளது. நேற்று (ஞாயிற்றுக்கிழமை) வடகொரியாவிற்கு விஜயம் செய்த குறித்த உயர்மட்ட அதிகாரிகளை, வடகொரிய தலைவர் கிம் ஜொங் உன் வரவேற்றார். விமான நிலையத்தில் கியூப ஜனாதிபதிக்கும் அமைச்சர்களுக்கும் செங்கம்பள வரவேற்பளிக்கப்பட்டு இராணுவ அணிவகுப்பு மரியாதையும் வழங்கப்பட்டது. அதன் பின்னர் திறந்த வாகனங்களில் இருநாட்டுத் தலைவர்களும் கையசைத்தவாறும் கைகோர்த்தும் சென்றமை அனைவரையும் கவர்ந்தது. இதன்போது வீதியின் இரு மருங்கிலும் கூடியிருந்த மக்கள் ஆரவாரத்துடன் வரவேற்பளித்தனர். அணுவாயுதத்தால் உலகை மிரட்டி வந்த வடகொரியா, தற்போது உலக நாடுகளுடன் நட்புறவை பேணி வருகின்றமை இங்கு சுட்டிக்காட்டத்தக்கது. இதேவேளை, ரஷ்யாவிற்கு சென்றிருந்த கியூப ஜனாதிபதி, ரஷ்ய ஜனாதிபதி விளாடிமிர் புட்டினை கடந்த வெள்ளிக்கிழமை சந்தித்தார். வடகொரியா விஜயத்தின் பின்னர் சீனா, வியட்னாம் மற்றும் லாவோஸிற்கும் பயணிக்கவுள்ளமை குறிப்பிடத்தக்கது.


ஸ்டாலின் ஆக்கப்பூர்வமாக செயற்பட வேண்டும்: பிரேமலதா விஜேயகாந்த்

தமிழகத்தின் எதிர்க்கட்சித் தலைவர் மு.க.ஸ்டாலின் ஆக்கப்பூர்வமான செயற்பாடுகளில் ஈடுபடவேண்டுமென தே.மு.தி.க. பொருளாளரான பிரேமலதா விஜேயகாந்த் தெரிவித்தார். சென்னையில் நேற்று (ஞாயிற்றுக்கிழமை) நடைபெற்ற தே.மு.தி.க.வின் பொதுக்கூட்டத்தில் கலந்து கொண்டு உரையாற்றுகையிலேயே அவர் இதனை குறிப்பிட்டுள்ளார். அவர் மேலும் கூறுகையில், “தகுதி நீக்கம் செய்யப்பட்ட 18 நாடாளுமன்ற உறுப்பினர்களையும் அ.தி.மு.க விரைந்து இடைநீக்கம் செய்யவில்லை என்ற கேள்வியினை நான் எழுப்புகிறேன். மேலும் அவர்களின் மீதான வழக்கு நிலுவையில் உள்ளதாக சபாநாயகர் வெறுமனமே காரணம் கூறி வருகின்றார். அ.தி.மு.க தங்களுக்கு சாதகமாக செயற்படுவர்களை ஒருபோதும் வஞ்சிப்பதில்லை. ஆனால் அவர்களுக்கு மாறாக செயற்படுபவர்களை வஞ்சித்து வருகின்றது. அந்தவகையில் ஒன்றரை வருட காலமாக 18 தொகுதி மக்களே அ.தி.மு.க செயற்பாட்டால் பாதிக்கப்பட்டுள்ளனர். மக்களால் தெரிவு செய்யப்பட்டவர்களை முட்டாள்களாக நினைக்கின்ற அ.தி.மு.க ஆட்சி நிலவும் வரை தமிழகத்தில் எந்ததொரு முன்னேற்றமும் ஏற்பட போவதில்லை. இதேவேளை அ.தி.மு.க.வை எதிர்த்துமேலும் படிக்க…


பிரதி அமைச்சர் அசோக்க பிரியந்தவின் வீட்டிற்கு விசேட பாதுகாப்பு

சிலாபம் – நாத்தாண்டிய பகுதியிலுள்ள பிரதி அமைச்சர் அசோக்க பிரியந்தவின் வீட்டிற்கு விசேட பாதுகாப்பு வழங்கப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன. புத்தளம் மாவட்ட ஐக்கிய தேசியக் கட்சியின் நாடாளுமன்ற உறுப்பினர் அசோக்க பிரியந்த, புதிய அரசாங்கத்துடன் இணைந்துக் கொண்டு நேற்றைய தினம்(ஞாயிற்றுக்கிழமை) பிரதி அமைச்சு பொறுப்பொன்றை பெற்றுக் கொண்டிருந்தார். இந்த சத்திய பிரமாணத்தையடுத்து, நாத்தாண்டிய – மரத பகுதியிலுள்ள அசோக்க பிரியந்தவின் வீட்டிற்கு முன்பாக சிலர் ஒன்று திரண்டு, எதிர்ப்பு நடவடிக்கைகளில் ஈடுபட்டிருந்ததாக அங்கிருந்து கிடைக்கும் தகவல்கள் தெரிவிக்கின்றன. இவ்வாறு ஏற்பட்ட அமைதியின்மை அடுத்து, பிரதி அமைச்சர் அசோக்க பிரியந்தவின் வீட்டிற்கு விசேட பாதுகாப்பு வழங்கப்பட்டுள்ளதாக குறிப்பிடப்படுகின்றது. மாரவில பொலிஸ் நிலையத்தில் கடமையாற்றும் அதிகாரிகள் அடங்கிய குழுவொன்று, பாதுகாப்பு கடமைகளில் ஈடுபடுத்தப்பட்டுள்ளதாகவும் தெரிவிக்கப்படுகின்றது.


நெருக்கடியான அரசியல் சூழலால் அமெரிக்கா, ஜப்பான் உதவிகளை முடக்கும் – ரணில் எதிர்வுகூறல்

இலங்கையில் தற்போது நிலவும் நெருக்கடியான அரசியல் சூழ்நிலையை கருத்தில் கொண்டு அமெரிக்கா மற்றும் ஜப்பான் போன்ற நாடுகள் பில்லியன் கணக்கான அபிவிருத்தி நிதியுதவிகளை முடக்கும் என்று பதவியிறக்கப்பட்ட பிரதமர் ரணில் விக்கிரமசிங்க தெரிவித்துள்ளார். அவரது திடீர் பதவி நீக்கத்தின் பின்னர் இலங்கையில் ஜனநாயகத்தின் எதிர்காலம் தொடர்பில் சந்தேகம் எழுந்துள்ளதாக குறிப்பிட்டுள்ளார். ரொய்ட்டர்ஸ் செய்தியாளர்களுக்கு வழங்கிய பிரத்தியேக செவ்வியொன்றிலேயே அவர் இந்த கருத்துக்களை வௌியிட்டுள்ளார். அவர் மேலும் கூறுகையில், “ஜப்பான் சுமார் 500 மில்லியன் டொலர் நிதியுதவிகளை வழங்க திட்டமிருந்தது. குறித்த திட்ட நிதியுதவிகளை ஒத்திவைக்க வேண்டிய சூழ்நிலை ஏற்படும், அத்துடன், தேசிய நல்லிணக்க உடன்படிக்கைக்கு ஏற்றவகையில் செயற்படாத பட்சத்தில், இலங்கையின் ஏற்றுமதி தீர்வை சலுகைகளை ஐரோப்பிய ஒன்றியம் எச்சரிக்கையுடன் விலக்கிக் கொள்ள வாய்ப்புள்ளது” என்றும் குறிப்பிட்டார். கடந்த சில மாதங்களாக இலங்கை அரசியலில் நிலவிய அமைதியற்ற சூழ்நிலையைமேலும் படிக்க…


மஹிந்தவிற்கு பிரதமர் ஆசனம் இல்லை – சபாநாயகர் திட்டவட்டமாக அறிவிப்பு

புதிய பிரதமர் மஹிந்த ராஜபக்ஷ நாடாளுமன்றத்தில் பெரும்பான்மையை நிரூபிக்கும் வரை அவருக்கு பிரதமர் ஆசனம் வழங்கப்படாது என்றும், புதிய அரசாங்க உறுப்பினர்கள் தொடர்ந்தும் எதிர்கட்சியிலேயே அமர வேண்டும் எனவும் இலங்கை ஜனநாயக சோசலிஷ குடியரசின் சபாநாயகர் கரு ஜயசூரிய தெரிவித்துள்ளார். கடுந்தொனியுடனான அறிக்கையொன்றை வெளியிட்டுள்ள சபாநாயகர் கரு ஜயசூரிய, பாராளுமன்றத்தில் மஹிந்த தரப்பினர் பெரும்பான்மையை நிரூபிக்கும் வரையில் மஹிந்த தலைமையிலான அரசாங்கத்தை அங்கீகரிக்கப்போவதில்லை என அறிவித்துள்ளார். ஒக்டோபர் -26ல் பாராளுமன்றத்தில் கட்சிகள் இருந்த நிலையையே ஏற்பதாக சபாநாயகர் கரு ஜயசூரிய கூறியிருப்பதானது ரணில் விக்கிரமசிங்கவையே இன்னமும் நாட்டின் சட்டபூர்வ பிரதமராகவும் அவரது அமைச்சரவையையே சட்டபூர்வமானதெனதும் ஏற்றுக்கொண்டுள்ளதை உறுதிசெய்கின்றது. அத்துடன் ஜனாதிபதி மைத்திரிபால சிறிசேன தனக்கு வழங்கிய வாக்குறுதிக்கு விரோதமாக செயற்பட்டுள்ளதாகவும் சபாநாயகர் கரு ஜயசூரிய தெரிவித்துள்ளார். நாடாளுமன்றத்தை எதிர்வரும் 5 ஆம் திகதி அல்லது 7 ஆம்மேலும் படிக்க…


தமிழ் தேசியக் கூட்டமைப்பிற்கும் ஜே.வி.பி.க்கும் இடையில் அவசர சந்திப்பு!

நாட்டில் ஏற்பட்டுள்ள அரசியல் குழப்பநிலைக்கு மத்தியில் தமிழ் தேசியக் கூட்டமைப்பை மக்கள் விடுதலை முன்னணி சந்திக்கவுள்ளது. கொழும்பில் இன்று (திங்கட்கிழமை) இச்சந்திப்பு இடம்பெறவுள்ளது. பிரதமர் பதவியில் ஏற்பட்டுள்ள மாற்றம் நாட்டில் அரசியல் குழப்பநிலைக்கு வித்திட்டுள்ளது. அதனைத் தொடர்ந்து, புதிய பிரதமருக்கு எதிராக நம்பிக்கையில்லா பிரேரணையை கொண்டுவர ஐ.தே.க. தீர்மானித்துள்ளது. இவ்விடயத்தில் நடுநிலை வகிக்கப்போவதாக மக்கள் விடுதலை முன்னணி ஏற்கனவே அறிவித்துவிட்டது. எனினும், ஐ.தே.க.வின் பிரேரணையை ஆதரிப்பதற்கு தமிழ் தேசியக் கூட்டமைப்பு தீர்மானித்துள்ளது. இதன் பின்னணியில் இடம்பெறவுள்ள இச்சந்திப்பு முக்கியத்துவம் வாய்ந்ததாக அமைந்துள்ளது. இதேவேளை, புதிய பிரதமர் மஹிந்த ராஜபக்ஷவிற்கு எதிராக ஐக்கிய தேசியக் கட்சியின் பிரேரணை எதிர்வரும் 14ஆம் திகதி நாடாளுமன்றில் சமர்ப்பிக்கப்படவுள்ளமை குறிப்பிடத்தக்கது.


பெண்கள் நுழைந்தால் கோவில் நடையை மூடுவோம் – மேல்சாந்தி மீண்டும் எச்சரிக்கை

சபரிமலை கோவிலில் பெண்கள் நுழைந்தால் கோவிலை பூட்டி சாவியை ராஜகுடும்பத்திடம் ஒப்படைப்போம் என்று மேல்சாந்தி மீண்டும் எச்சரிக்கை விடுத்துள்ளார். சபரிமலை சுவாமி ஐயப்பன் கோவிலில் அனைத்து வயது பெண்களையும் சாமி தரிசனம் செய்ய அனுமதிக்கலாம் என்று சுப்ரீம் கோர்ட்டு உத்தரவுக்கு ஐயப்ப பக்தர்கள் இடையே எதிர்ப்பு கிளம்பி உள்ளது. ஐயப்ப பக்தர்கள், இந்து அமைப்பினர் கேரளாவில் பல்வேறு போராட்டங்களில் ஈடுபட்டனர். ஐப்பசி மாத பூஜைக்காக சபரிமலை கோவில் நடை திறந்தபோது 2 இளம்பெண் போலீஸ் பாதுகாப்புடன் சன்னிதானம் நோக்கி செல்ல முயன்றனர். பக்தர்களின் கடும் எதிர்ப்பால் அவர்கள் பாதி வழியிலேயே திருப்பி அனுப்பப்பட்டனர். மேலும் சபரிமலையில் பக்தர்களுக்கும் போலீசாருக்கும் மோதல் ஏற்பட்டதால் போலீசார் தடியடி நடத்தி ஐயப்ப பக்தர்களை விரட்டி அடித்தனர். இதனால் சபரிமலையில் பதட்டமான சூழ்நிலை உருவானது. அதே சமயம் சபரிமலை சன்னிதானத்தில் தந்திரிகள், கோவில்மேலும் படிக்க…


தமிழ்ப் பேரன்பர் வித்துவான் க. வேந்தனார் அவர்களின் நூற்றாண்டுப் பிறந்த தினம்

வித்துவான் வேந்தனார் அவர்களின் நூற்றாண்டுப் பிறந்த தினம் இன்றாகும். ஈழத்து வித்துவான்களில் அவரொரு மாறுபட்ட, சமுதாயப் பிரக்ஞை அதிகமுள்ள, முற்போக்கான வித்துவான். பாரதியின் வழிவந்த மரபுக் கவிஞராக அவர் தென்பட்டார். அவரது விடுதலைக் கவிதைகள், கவிதைகளில் தொனிக்கும் முற்போக்குக் கருத்துகளெல்லாம் அவற்றைத்தான் எடுத்தியம்பின. “பாடுகின்றோர் எல்லோருங் கவிஞ ரல்லர் பாட்டென்றாற் பண்டிதர்க்கே உரிமை யல்ல ஓடுகின்ற பெருவெள்ளப் பெருக்கே போல உணர்ச்சியிலே ஊற்றெழுந்த ஒளியால் ஓங்கி வாடுகின்ற மக்களினம் மாட்சி கொள்ள மறுமலர்ச்சிப் பெருவாழ்வை வழங்கு மாற்றல் கூடுகின்ற கொள்கையினால் எழுச்சி கொண்டு குமுறுகின்ற கோளரியே கவிஞ னாவான்” என்று அவர் பாடினார். அதற்கேற்ப குமுறுகின்ற கோளரியாக விளங்கிய கவிஞன் அவர். நூற்றாண்டு விழாவையொட்டி பிரான்ஸ் TRT தமிழ் ஒலி வானொலியில் இடம்பெற்ற சிறப்பு நிகழ்ச்சிகளின் தொகுப்பு அதிகாரத்திற்கஞ்சி, பிழைப்புக்காய் ஆக்கப்படும் கவிதைகளெல்லாம் அழிந்தே போகும் என்றுமேலும் படிக்க…


அரசியல் சமூக மேடை – 04/11/2018


© 2015: TRT Tamil Olli, All Rights Reserved
error: நீங்கள் பிரதி செய்வது தடை செய்யப்பட்டுள்ளது !