Wednesday, April 19th, 2017

 

ஜேர்மனி நாட்டில் கார் மீது ரயில் மோதி விபத்து, பெண்கள் உள்பட 3 பேர் பலி!

ஜேர்மனி நாட்டில் தண்டவாளத்தை கடக்க முயன்ற கார் மீது ரயில் மோதி விபத்துக்குள்ளானதில் பெண்கள் உள்பட 3 பேர் பலியாகியுள்ள சம்பவம் அதிர்ச்சியை ஏற்படுத்தியுள்ளது. ஜேர்மனியில் உள்ள துரிங்கியா மாகாணத்தில் தான் இந்த துயரச் சம்பவம் நிகழ்ந்துள்ளது. நேற்று பிற்பகல் நேரத்தில் சரக்கு ரயில் ஒன்று அதிவேக பயணத்தில் ஈடுப்பட்டுருந்தது. அதே நேரம் சாலை வழியாக ஒரு காரும் பயணம் செய்துக்கொண்டு இருந்துள்ளது. இந்நிலையில், Lohma பகுதிக்கு அருகில் வந்தபோது கார் திடீரென தண்டவாளத்தை கடக்க முயன்றுள்ளது. அப்போது, அசுர வேகத்தில் வந்த ரயில் கார் மீது பயங்கரமாக மோதி சுமார் 200 மீற்றர் வரை இழுத்துச்சென்றுள்ளது. இக்காட்சியை கண்டு அதிர்ச்சி அடைந்த ரயில் ஓட்டுனர் சிறிது தூர பயணத்திற்கு பின்னர் ரயிலை நிறுத்தியுள்ளார். விபத்துக் குறித்து தகவல் கிடைக்கப்பெற்றதும் ஹெலிகொப்டர் வரவழைக்கப்பட்டது. ஆனால், காரில் பயணம்மேலும் படிக்க…


Dusseldorf விமான நிலையத்தில் பயணி ஒருவரால் கடத்தி வரப்பட்ட தங்க கிரீடம்!

ஜேர்மனி நாட்டில் உள்ள விமான நிலையத்தில் பயணி ஒருவர் தங்க கிரீடத்தை எடுத்துச் செல்ல முயன்றுள்ள சம்பவம் பரபரப்பை ஏற்படுத்தியுள்ளது. ஜேர்மனியில் உள்ள Dusseldorf விமான நிலையத்திற்கு சில தினங்களுக்கு முன்னர் ஈரான் நாட்டை சேர்ந்த 43 வயதான பயணி சென்றுள்ளார். பயணியிடம் சந்தேகத்திற்குரிய நடவடிக்கை காணப்பட்டதால் அவரை தடுத்து நிறுத்தி பொலிசார் சோதனை செய்துள்ளார். அப்போது, ஒரு பெட்டியில் 18 காரட் தங்க கிரீடம் ஒன்று கண்டுபிடிக்கப்பட்டது. இதன் எடை 126 கிராம் ஆகும். மேலும், ஒரு பெட்டியில் 600 சிகரெட்டுகளும் இருந்துள்ளதை கண்டு பொலிசார் அதிர்ச்சியில் ஆழ்ந்துள்ளனர். இது குறித்து பயணியிடம் விசாரணை செய்தபோது ‘இந்த தங்க கிரீடம் ஆப்கானிஸ்தான் நாட்டில் இருந்து வரவழைக்கப்பட்டது என்றும், பெல்ஜியம் நாட்டில் நடைபெறவுள்ள திருமண நிகழ்ச்சியில் மணமகனுக்கு இதனை பரிசாக கொடுக்க கொண்டு செல்வதாக’ கூறியுள்ளார். ஆனால்,மேலும் படிக்க…


சுவிஸில் குரான் புத்தகத்திற்கு தடை?

சுவிட்சர்லாந்து நாட்டில் இஸ்லாமியர்களின் புனித நூலான குரானிற்கு தடை விதிக்க வேண்டும் என சுவிஸ் மக்கள் கட்சி விடுத்துள்ள கோரிக்கைக்கு கடும் கண்டனம் எழுந்துள்ளது. சுவிஸ் நாட்டின் தேசிய கவுன்சிலரும் சுவிஸ் மக்கள் கட்சியின்(SVP) நாடாளுமன்ற உறுப்பினருமான Walter Wobman என்பவர் தான் இந்த சர்ச்சைக்குரிய கோரிக்கையை விடுத்துள்ளார். இது குறித்து அவர் பத்திரிகைக்கு அளித்துள்ள பேட்டியில், ‘சுவிஸ் நாட்டின் கலாச்சாரம் மற்றும் அரசியலமைப்பு சட்டங்களுக்கு எதிராக உள்ள குரான் புத்தகத்தை தடை செய்ய வேண்டும். இந்த நடவடிக்கையின் மூலம் சுவிஸ் மக்களிடையே நல்லிணக்கத்தை ஏற்படுத்த முடியும்’ எனக் கோரிக்கை விடுத்துள்ளார். ஆனால், சுவிஸ் மக்கள் கட்சியை சேர்ந்த நாடாளுமன்ற உறுப்பினரின் இக்கோரிக்கைக்கு கடும் எதிர்ப்புகள் கிளம்பியுள்ளன. சுவிஸ் தேசிய கவுன்சிலரான Yannick Buttet இக்கோரிக்கையை எதிர்த்து கருத்தை வெளியிட்டுள்ளார். ‘குரான் புத்தகத்தை சில ஐ.எஸ் தீவிரவாதிகள்மேலும் படிக்க…


பல கோடி மதிப்புள்ள ரோலக்ஸ், ஒமேகா கடிகாரங்கள் கொள்ளை!

சுவிட்சர்லாந்து நாட்டில் உள்ள கடை ஒன்றில் நுழைந்து கோடிக்கணக்கான மதிப்புள்ள கடிகாரங்களை கொள்ளையடித்து சென்ற மர்ம நபர்களை பொலிசார் தீவிரமாக தேடி வருகின்றனர். சுவிஸில் உள்ள சூரிச் நகரில் விலையுயர்ந்த கடிகாரங்களை விற்பனை செய்யும் வணிக வளாகம் ஒன்று இயங்கி வருகிறது. இந்த வளாகத்தில் உள்ள கடை ஒன்றில் நேற்று இரவு நேரத்தில் மர்ம நபர்கள் சிலர் நுழைந்துள்ளனர். பின்னர், கடைக்குள் இருந்த பாதுகாப்பு கண்ணாடிகளை உடைத்த அவர்கள் எண்ணற்ற கடிகாரங்களை அள்ளிச்சென்றுள்ளனர். கொள்ளைப்போனவற்றில் ரோலக்ஸ், ஒமேகா உள்ளிட்ட விலையுயர்ந்த கடிகாரங்கள் எனவும், இவற்றின் மதிப்பு 3,00,000 சுவிஸ் பிராங்க் எனவும் உரிமையாளர்கள் பொலிசாரிடம் புகார் அளித்துள்ளனர். புகாரை பெற்ற பொலிசார் கடையில் சோதனை செய்துள்ளனர். அப்போது அங்கு வைக்கப்பட்டிருந்த கண்காணிப்பு கமெராக்களில் மர்ம நபர்களின் உருவங்கள் பதிந்துள்ளன. மேலும், கொள்ளையடித்த பின்னர் அவர்கள் ஏதாவது ஒருமேலும் படிக்க…


அருணாச்சலப் பிரதேசத்திற்கு தெற்கு திபெத் என பெயர் சூட்டிய சீனா-அதிர்ச்சியில் இந்தியா!

இந்தியா- சீனா இடையிலான எல்லைப் பிரச்னையில் அடுத்தக்கட்டமாக, அருணாச்சலப் பிரதேசம் உள்ளிட்ட இந்திய பகுதிகளுக்கு, தெற்கு திபெத் என அந்நாடு பெயர் சூட்டியுள்ளது. திபெத் நாட்டை ஆக்கிரமிப்பு செய்த சீனா, அதனை தங்களது ஒருபகுதி என அறிவித்தது. இதையடுத்து, திபெத்தின் தலைவர் எனக் கருதப்படும் தலாய் லாமா உள்ளிட்ட பலர் இந்தியாவில் அரசியல் அடைக்கலம் புகுந்தனர். இதற்குப் பழிவாங்கும் வகையில், இந்தியா மீது 1962ம் ஆண்டு சீனா போர் தொடுத்தது. இந்த கதை நடந்து, 50 ஆண்டுகளுக்கும் மேலான நிலையில், சீனா தொடர்ந்து தனது அடாவடித்தனத்தை இடைவிடாமல் மேற்கொண்டுவருகிறது. திபெத்தையும் கடந்து, இந்தியாவின் வடகிழக்கு மாநிலமான அருணாச்சலப் பிரதேசம் மற்றும் சில பகுதிகளை தனக்குச் சொந்தம் கொண்டாடுவதை, சமீபகாலமாக சீனா வழக்கமாகக் கொண்டுள்ளது. இந்த பகுதிகளில் சீன பாதுகாப்புப் படையினர் அவ்வப்போது எல்லை தாண்டி ஊடுருவதும் தொடர்கதையாகமேலும் படிக்க…


அமெரிக்காவில் தேடப்படும் குற்றவாளியான இந்தியர்- துப்பு கொடுத்தால் 10 லட்சம் டாலர் பரிசு

அமெரிக்காவில் இந்தியர் ஒருவர் தேடப்படும் குற்றவாளியாக அறிவிக்கப்பட்டுள்ளார். மேலும் அவரை கைது செய்ய துப்பு கொடுத்தால் 10 லட்சம் அமெரிக்க டாலர்களை பரிசாக அளிக்கப்படும் என்று எப்.பி.ஐ அறிவித்துள்ளது. இந்தியர் ஒருவரை அமெரிக்காவில் தேடப்படும் குற்றவாளியாக அமெரிக்க காவல்துறை அமைப்பான பெடரல் பீரோ ஆஃப் இன்வெஸ்டிகேஷன் அறிவித்துள்ளது. அமெரிக்காவில் கடந்த 2015-ஆம் ஆண்டு ஏப்ரல் மாதம் 12-ல் பிரபலமான உணவு விடுதியின் சமையல் அறைக்குள் வைத்து தனது மனைவியை இந்தியர் ஒருவர் கொலை செய்த சம்பவம் அங்கு பெரும் பரபரப்பை ஏற்படுத்தியிருந்தது. அமெரிக்காவில் மேரிலேண்ட் மாநிலத்தின் அருண்டேல் மில்ஸ் போல்வார்ட் பகுதியில் ‘டங்கின் டோனட்ஸ்’ என்ற பிரபலமான உணவு விடுதி ஒன்றில் பணியாற்றி வந்த 26 வயதான பத்ரேஷ்குமார் சேட்டன்பாய் படேல் என்ற இளைஞர் தனது மனைவியான பாலக் பத்ரேஷ்குமார் படேலை கொலை செய்துவிட்டு தலைமறைவாகி உள்ளார்.மேலும் படிக்க…


ஐரோப்பிய கொடியை அகற்றுங்கள்! ஐரோப்பிய ஒன்றியத்துக்கு எதிரான என்னுடைய முதல் நடவடிக்கை இதுதான்!’-மரீன்-லூ-பென்

தொலைக்காட்சி ஒன்றுக்கு பேட்டி அளிக்கும் போது, பின்னணியில் தென்படும் ஐரோப்பிய கொடியை அகற்றக்கோரி ஜனாதிபதி வேட்பாளர் மரீன்-லூ-பென் கேட்டுள்ளார். தேர்தலுக்கு நான்கு நாட்கள் மாத்திரம் இருக்கும் நிலையில் இச்சம்பவம் பரபரப்பை ஏற்படுத்தியுள்ளது. தேசிய முன்னணி கட்சியின் ஜனாதிபதி வேட்பாளர் மரீன் லூ பென், நேற்றைய தினம் பிரெஞ்சு தொலைக்காட்சியான TF1 சேவைக்கு நேர்காணல் வழங்கச் சென்றிருந்தார். நேர்காணல் இடம்பெறும் இடத்தின் பின்னணியில் அமைக்கப்பட்டிருந்த ஐரோப்பிய ஒன்றியத்தின் கொடியை அகற்றும் படி கோரியுள்ளார். ‘நான் பிரான்ஸ் நாட்டின் ஜனாதிபதி வேட்பாளர். தவிர ஐரோப்பிய ஒன்றியத்தின் வேட்பாளர் இல்லை!’ என மிக கோபமாக தெரிவித்ததாக அறிய முடிகிறது. மரீன்-லூ- பென் இது குறித்து தொலைக்காட்சி நிர்வாகிகளிடம் தெரிவிக்கும் போது, ‘நான் பிரான்சின் ஜனாதிபதியாகத்தான் வர வேண்டுமே தவிர, ஐரோப்பிய ஒன்றியத்தின் தலைவராக இல்லை. ஐரோப்பிய ஒன்றியம் பிரான்சை இல்லாதொழிப்பதற்குரிய அனைத்துமேலும் படிக்க…


கைது செய்யப்பட்ட பயங்கரவாதிகள் – பிந்திக் கிடைத்த மேலதிக தகவல்கள்.

கைதுசெய்யப்பட்ட இரு பயங்கரவாதிகளிடம் இருந்தும் 3 கிலோ TATP (மலைகளை வெடிக்க வைக்க பயன்படுத்தப்படும் மருந்து) வெடிபொருட்கள், இயந்திர துப்பாக்கிகள், கிரைனைட் குண்டுகள் என பல ஆபத்தான பொருட்கள் மீட்கப்பட்டுள்ளன. மார்செய்யின் 3 ஆம் வட்டாரத்தில் உள்ள மாணவர்களுக்கு வாடகைக்கு விடப்படும் அடுக்குமாடி குடியிருப்பு ஒன்றில் வீடு வாடகைக்கு எடுத்துள்ளனர். கடந்த ஏப்ரல் 1 ஆம் திகதியில் இருந்து இந்த வீட்டில் வசித்துள்ளனர். வீட்டை RAiD படையிமர் சோதனையிட்டதில், பிஸ்ட்டல் ரக இரு துப்பாக்கிகள், இஸ்லாமிய தேச பயங்கரவாதிகளின் கருப்பு கொடி, மூன்று கிலோ TATP வெடிமருந்து, கிரைனைட் குண்டுகள் மற்றும் இயந்திர துபாக்கிகளும் மீட்கப்பட்டுள்ளதாக, அர வழக்கறிஞர் François Molins தெரிவித்துள்ளார். தவிர பயங்கரவாதிகள் தங்கியிருந்த வீட்டின் சுவற்றில் மார்செய் நகரத்தின் வரைபடம் பெரிய அளவில் மாட்டப்பட்டிருந்தது எனவும் தெரிவித்துள்ளார். தவிர, வரைபடத்தின் பல வண்ணமேலும் படிக்க…


ஜனாதிபதி தேர்தலில் தாக்குதல் திட்டம்!! – யார் இந்த இரு பயங்கரவாதிகள்?

இடம்பெற இருக்கும் ஜனாதிபதி தேர்தலில் பயங்கரவாத தாக்குதல் ஒன்றை நடத்த திட்டமிட்டிருந்த இரு பயங்கரவாதிகள் நேற்று அதிரடியாக கைது செய்யப்பட்டிருந்தனர். அதைத் தொடர்ந்து பயங்கரவாதிகள் குறித்த விசாரணைகள் ஆரம்பித்துள்ளன. 23 வயதுடைய Clément Baur எனும் பயங்கரவாதியும், 29 வயதுடைய  Mahiedine Merabet எனும் பயங்கரவாதியுமே கைதுசெய்யப்பட்டவர்களாகும். இருவரும் காவல்துறையினரின் ‘S’ வலையமைப்புக்குள் தீவிரமாக கண்காணிக்கப்பட்டு வந்தவர்கள் ஆகும். கடந்த இரு வாரங்களில் இருவரது நடவடிக்கைகளில் பலத்த மாற்றம் தென்பட்டுள்ளது. அதைத் தொடர்ந்தே RAiD படையினர் சோதனை நடவடிக்கையில் ஈடுபட்டனர். தவிர, கடந்த ஏப்ரல் 4 ஆம் திகதி பயங்கரவாதி Mahiedine Merabet என்பவன் Roubaix நகரில் உள்ள காவல்துறையினருக்கு கடிதம் ஒன்றை அனுப்பியுள்ளான். அதில், ‘நான் என்னுடைய அடையாள அட்டையையும், வங்கி அட்டையையும் உங்களிடம் தருகிறேன். நான் இனிமேலும் வாழ்வதில் அர்த்தம் இல்லை. நான் தனியாகமேலும் படிக்க…


இந்தியாவுடன் பாதுகாப்பு உறவுகளை மேம்படுத்த வேண்டும்-கனேடிய பாதுகாப்பு அமைச்சர்

பாதுகாப்பு உறவுகளை மேம்படுத்துதல் குறித்து கனேடிய பாதுகாப்பு அமைச்சர் ஹர்ஜித் சிங் சஜ்ஜன் மற்றும் இந்திய பாதுகாப்பு அமைச்சர் அருண் ஜெட்லி ஆகியோருக்கு இடையில் விவாதிக்கப்பட்டுள்ளது. இந்தியாவுக்கு விஜயம் மேற்கொண்டுள்ள கனேடிய பாதுகாப்பு அமைச்சர் நேற்று (செவ்வாய்க்கிழமை) புதுடெல்லியில் இந்திய பாதுகாப்பு அமைச்சரை சந்தித்து கலந்துரையாடினார். இதன்போது பாதுகாப்பை அதிகரித்தல் மற்றும் பாதுகாப்பு உறவுகளை மேம்படுத்துதல் குறித்து இருநாட்டு பாதுகாப்பு அமைச்சர்களுக்கு இடையிலும் விரிவாக கலந்துரையாடப்பட்டுள்ளது. இது குறித்து ஹர்ஜித் சிங் சஜ்ஜன் தெரிவிக்கையில், ‘ பரஸ்பர உறவுகளை ஏற்படுத்துதல் குறித்த சில நடவடிக்கைகளை நாம் ஏற்கனவே மேற்கொண்டுள்ளோம். எனினும் உறவுகளை மேம்படுத்த வேண்டும்’ என்று தெரிவித்துள்ளார்.


2019ஆம் ஆண்டு தேர்தலே எமது அடுத்த இலக்கு- துருக்கி பிரதமர்

துருக்கி ஜனாதிபதிக்கு நிறைவேற்று அதிகாரங்களை வழங்குவது குறித்த கருத்துக்கணிப்பில் எர்டோகன் வெற்றிபெற்றுள்ளதை தொடர்ந்து துருக்கி அரசாங்கத்தின் அடுத்த இலக்கு, எதிர்வரும் 2019ஆம் ஆண்டில் நடத்தப்படவுள்ள தேர்தலே என துருக்கி பிரதமர் பினாலி யில்டிரிம் தெரிவித்துள்ளார். மேற்குறித்த கருத்தை அவர் இன்று (புதன்கிழமை) துருக்கித் தலைநகர் அங்காராவில் நடைபெற்ற கூட்டமொன்றில் அவரது மனைவியுடன் கலந்துகொண்ட போதே தெரிவித்துள்ளார். குறித்த கூட்டத்தில் துருக்கி ஜனாதிபதி தையீப் எர்டோகனுக்கு ஆதரவு தெரிவிக்கும் வகையில் மக்கள் கூடியிருந்ததாகவும் அவர்கள் துருக்கியின் தேசியக் கொடியை அசைத்து எர்டோகனுக்கு ஆதரவு தெரிவித்ததாகவும் தெரிவிக்கப்பட்டுள்ளது. துருக்கியின் அரசியலமைப்பை மாற்றும் வகையில் எர்டோகனுக்கு நிறைவேற்று அதிகாரத்தை வழங்குவது குறித்து கடந்த ஞாயிற்றுக்கிழமை நடத்தப்பட்ட கருத்துக்கணிப்பின் போது சுமார் 25 மில்லியன் மக்கள்  எர்டோகனுக்கு நிறைவேற்று அதிகாரம் வழங்கப்பட வேண்டும் எனவும் 1.3 மில்லியன் மக்கள் எர்டோகனுக்கு அதிகாரம் வழங்கப்படக் கூடாது எனவும் வாக்களித்திருந்தமைமேலும் படிக்க…


தெரேசா மேயின் முடிவு தவறானது: ஸ்கொட்லாந்து முதலமைச்சர்

திட்டமிடப்பட்ட திகதிக்கு முன்னதாக பொதுத் தேர்தல் நடத்தப்பட வேண்டும் எனும் தெரேசா மேயின் முடிவு தவறானது என ஸ்கொட்லாந்து முதலமைச்சர் நிக்கோலா ஸ்ரேர்ஜன் தெரிவித்துள்ளார். அத்துடன், தெரேசா மேயின் குறித்த தீர்மானம் சற்றும் எதிர்பாராத ஒன்று எனவும் அவர் தெரிவித்துள்ளார். பிரித்தானியாவின் முன்கூட்டிய பொதுத் தேர்தல் குறித்த அறிவிப்பை நேற்று (செவ்வாய்க்கிழமை) வெளியிட்ட தெரேசா மே, ஐரோப்பிய ஒன்றியத்திலிருந்து பிரித்தானியா விலகுகின்ற நிலையில், பிரித்தானியாவில் ஸ்திரத்தன்மையை ஏற்படுத்த பொதுத் தேர்தல் உதவி புரியும் என தெரிவித்திருந்தார். பிரித்தானிய சட்டத்திற்கு அமைய ஐந்து வருடங்களுக்கு ஒருமுறையே பொதுத் தேர்தல் நடத்தப்பட வேண்டும் எனவும் அத் தேர்தல் மே மாதத்தில் வரும் முதலாவது வியாழக்கிழமையன்று நடத்தப்பட வேண்டும் எனவும் தெரிவிக்கப்பட்டுள்ளது. அதனடிப்படையில் எதிர்வரும் 2020ஆம் ஆண்டே பிரித்தானிய பொதுத் தேர்தல் நடத்தப்பட வேண்டும் என முன்னதாக தீர்மானிக்கப்பட்டிருந்தமை குறிப்பிடத்தக்கது.


பிரதமர் மேயின் உறுதிமொழிகள் மீது நம்பிக்கை வைக்க இயலாது-கோர்பின்

பிரித்தானிய பிரதமர் தெரேசா மேயின் உறுதிமொழிகள் மீது நம்பிக்கை வைக்க இயலாது என தொழிற்கட்சித் தலைவர் ஜெரமி கோர்பின் தெரிவித்துள்ளார். எதிர்வரும் ஜூன் மாதம் 8ஆம் திகதி நடத்தப்படவுள்ள பொதுத் தேர்தல் தொடர்பில் இன்று (புதன்கிழமை) நாடாளுமன்றில் நடைபெற்று வரும் காரசாரமான விவாதத்தின் போதே கோர்பின் மேற்குறித்தவாறு தெரிவித்துள்ளார். பிரித்தானியாவின் டோரி உறுப்பினர்கள்  NHS  வைத்தியசாலை, வரவுசெலவுத்திட்ட பற்றாக்குறை, மற்றும் வரி முறைமை தொடர்பான விடயங்களில் மக்களை ஏமாற்றமடையச் செய்துள்ளதாகவும் கோர்பின் குற்றஞ்சாட்டியுள்ளார்.


43 நாட்களாக விடையேதுமின்றி தொடர்வதாக முல்லைத்தீவில் போராடிவரும் தாய்மார் கவலை

காணாமல் ஆக்கப்பட்டோரின் உறவுகள் ஒன்றிணைந்து முல்லைத்தீவு மாவட்ட செயலகத்துக்கு முன்பாக முன்னெடுத்துள்ள போராட்டம் இன்றுடன் 43நாட்களாக தொடர்கின்றது. முல்லைத்தீவு மாவட்ட செயலகம் முன்பாக கடந்த மாதம் 8ஆம் திகதி ஆரம்பிக்கப்பட்ட இந்த போரட்டம் இன்று வரையில் எந்தவித சாதகமான பதில்களும் அற்றநிலையில் தொடர்ந்து செல்கின்றது. இந்தநிலையில் தமது உறவுகள் தொடர்பில் எந்தவித பதில்களும் அற்றநிலையில் இன்றுடன் 43 நாட்களாக விடையேதும் இன்றி தமது போராட்டம் தொடர்ந்து செல்வதாக காணாமல் ஆக்கப்பட்டொரின் உறவுகளை கவலை தெரிவித்தனர். போராட்டத்தில் ஈடுபட்டு வருபவர்களை இன்றையதினம் தமிழ் தேசிய கூட்டமைப்பின் முன்;னாள் பாராளுமன்ற உறுப்பினர் சுரேஷ் பிரேமசந்திரன் மற்றும் வடக்கு மாகாணசபை உறுப்பினர் துரைராசா ரவிகரன் ஆகியோர் சந்தித்து கலந்துரையாடியிருந்தனர்.


வினோத போட்டி: நீண்ட நேரம் முத்தமிட்டு சொகுசு காரை பரிசாக வென்ற பெண்

அமெரிக்காவின் ஆஸ்டின் நகரில், வானொலி நிலையம் நடத்திய வினோதமான போட்டியில், காரை நீண்ட நேரம் முத்தமிட்ட பெண், புதிய காரை பரிசாக தட்டிச்சென்றார். அன்பின் வெளிப்பாடான முத்தம் விலைமதிப்பற்றது. எனவே, விலைமதிப்பற்ற முத்தத்தை மூலதனமாக வைத்து, கிஸ் எப்.எம். வானொலி நிலையம் வித்தியாசமான போட்டி ஒன்றை நடத்தியது. அமெரிக்காவின் டெக்சாஸ் மாநிலம், ஆஸ்டின் நகரின் பிரபலமான இந்த வானொலி நிலையம், ‘கிஸ் ஏ கியா’ என்ற பெயரில், பிரபல கியா கார் நிறுவனத்தின் புதிய தயாரிப்பான ‘கியா ஆப்டிமா’ காரை முத்தமிடும் போட்டிக்கு அழைப்பு விடுத்தது. இந்த போட்டியின் விதிமுறை என்னவென்றால், வாயை எடுக்காமல் காரை நீண்ட நேரம் முத்தமிட வேண்டும், அவ்வளவுதான். இதில் நீண்ட நேரம் முத்தமிடுபவருக்கு கார் பரிசாக வழங்கப்படும். சாப்பாடு, உதட்டுக்கு ஓய்வு, இயற்கை உபாதை உள்ளிட்ட அத்யாவசிய தேவைகளுக்காக ஒரு மணிமேலும் படிக்க…


பிரிட்டனில் ஜூன் 8-ம் தேதி பொதுத் தேர்தல்: பாராளுமன்றத்தில் தீர்மானம் நிறைவேற்றம்

பிரிட்டனில் முன்கூட்டியே, அதாவது ஜூன் 8-ம் தேதி பொதுத்தேர்தலை நடத்த அனுமதி அளிப்பது தொடர்பாக பாராளுமன்றத்தில் நடந்த வாக்கெடுப்பில் பிரதமர் தெரேசா மே வெற்றி பெற்றுள்ளார். பிரிட்டனில் கடந்த 2015-ம் ஆண்டு பொதுத் தேர்தல் நடைபெற்றது. தற்போதைய பாராளுமன்றத்தின் பதவிக் காலம் 2020ல் முடிவடைகிறது. ஆனால், பதவிக்காலம் முடியும் முன்னரே, அதாவது ஜூன் 8-ம் தேதி பொதுத்தேர்தலை நடத்த பிரதமர் தெரசா மே முடிவு செய்து நேற்று அறிவிப்பை வெளியிட்டார். நாட்டில் ஸ்திரத்தன்மையைக் கொண்டு வருவதற்கு முன்கூட்டியே தேர்தல் நடத்துவதுதான் ஒரே வழி என்பதால் இந்த முடிவுக்கு வந்ததாக கூறிய அவர், பொதுத் தேர்தலை ஜூன் 8-ம் தேதி நடத்த அனுமதி அளிக்கும் தீர்மானத்தை கொண்டு வரும்போது, அதை எதிர்க்கட்சிகள் ஆதரிக்க வேண்டும் என கேட்டுக்கொண்டார். அதன்படி, ஜூன் 8-ம் தேதி பொதுத்தேர்தலை நடத்த அனுமதி அளிக்கமேலும் படிக்க…


37-வது நாளாக டெல்லியில் நடைபெற்று வரும் விவசாயிகளின் போராட்டம் தற்காலிக நிறுத்தம்

டெல்லியில் 37-வது நாளாக நடைபெற்று வரும் தமிழக விவசாயிகளின் போராட்டம் தற்காலிகமாக நிறுத்தப்படுவதாக அய்யாக்கண்ணு தெரிவித்துள்ளார். விவசாயக் கடன் தள்ளுபடி உள்ளிட்ட பல்வேறு கோரிக்கைகளை வலியுறுத்தி தமிழக விவசாயிகள் 37-வது நாளாக டெல்லி ஜந்தர் மந்தரில் தொடர்ந்து போராட்டம் நடத்தி வருகின்றனர். தேசிய தென்னிந்திய நதிகள் இணைப்பு விவசாயிகள் சங்கத்தின் மாநில தலைவர் அய்யாக்கண்ணு தலைமையில் நடைபெற்று வரும் இந்த போராட்டத்தில் மத்திய அரசின் கவனத்தை ஈர்க்கும் விதமாக விவசாயிகள் தினமும் நூதன முறையில் போராட்டம் நடத்தி வருகின்றனர். கடைசியாக நேற்று பிரதமர் மோடி விவசாயிகளை சாட்டையால் அடிப்பது போன்ற போராட்டத்தை நடத்தியது குறிப்பிடத்தக்கது. விவசாயிகளின் போராட்டத்துக்கு இளைஞர்கள், மாணவர்கள் என பல்வேறு தரப்பினரும் ஆதரவு தெரிவித்து வருகின்றனர். இன்று சட்டையை கிழித்துக் கொண்டு போராட்டம் நடத்தினர். இந்நிலையில், மத்திய மந்திரி பொன்.ராதாகிருஷ்ணன் விவசாயிகளை சந்தித்து பேச்சுவார்த்தைமேலும் படிக்க…


நாடு திரும்பினார் ரணில்.!

உத்தியோகபூர்வ விஜயம் மேற்கொண்டு வியட்நாமுக்கு சென்ற பிரதமர் ரணில் உள்ளிட்ட குழுவினர் இன்று அதிகாலை 1.55 அளவில் நாட்டை வந்தடைந்ததாக கட்டுநாயக்க விமான நிலையத் எமது செய்தியாளர் தெரிவித்தார். ஜப்பானுக்கான விஜயத்தை மேற்கொண்ட பிரதமர் ரணில் விக்ரமசிங்க கடந்த ஞாயிற்றுக்கிழமை வியட்நாமுக்கு பயணித்தார். இதேவேளை, மீதொட்டமுல்லை அனர்த்தம் தொடர்பான விஷேட கலந்துரையாடல் ஒன்று, இன்று ஜனாதிபதி மற்றும் பிரதமர் தலைமையில் இடம்பெறவுள்ளது.


அதிமுகவில் இருந்து நேற்றே ஒதுங்கிவிட்டேன்… பகிரங்கமாக அறிவித்தார் டிடிவி தினகரன்!

அதிமுகவில் இருந்து நேற்றே ஒதுங்கிவிட்டதாக டிடிவி தினகரன் தெரிவித்துள்ளார். அதிமுகவில் இருந்து விலக்கி வைத்ததில் வருத்தம் இல்லை என்றும் டிடிவி தினகரன் கூறியுள்ளார். சென்னை அடையாறில் உள்ள தனது இல்லத்தில் டிடிவி தினகரன் இன்று செய்தியாளர்களிடம் பேசினார். அப்போது ஆட்சி, கட்சி பலவீனமாக நான் காரணமாக இருக்கமாட்டேன் என அவர் கூறினார். ஏதோ ஒரு பயத்தில் அமைச்சர்கள் திடீர் முடிவெடுத்துள்ளதாகவும் டிடிவி.தினகரன் கூறினார். அமைச்சர்களுக்கு ஏற்பட்ட பயத்துக்கு என்ன காரணம் என்று தெரியவில்லை என்றும் அவர் தெரிவித்தார்.


டென்னிஸ் தரவரிசையில் செரீனா மீண்டும் ‘நம்பர் ஒன்’

புதிய தரவரிசையில் 2-வது இடத்தில் உள்ள அமெரிக்க ஜாம்பவான் செரீனா வில்லியம்ஸ் முதலிடத்திற்கு முன்னேறுகிறார். இது குறித்த விரிவான செய்தியை பார்க்கலாம். சர்வதேச டென்னிஸ் தரவரிசையில் பெண்கள் ஒற்றையர் பிரிவில் ஜெர்மனி வீராங்கனை ஏஞ்சலிக் கெர்பர் தற்போது முதலிடம் வகிக்கிறார். இந்த நிலையில் வருகிற 24-ந்தேதி வெளியாகும் புதிய தரவரிசையில் 2-வது இடத்தில் உள்ள அமெரிக்க ஜாம்பவான் செரீனா வில்லியம்ஸ் முதலிடத்திற்கு முன்னேறுகிறார். தரவரிசை கணக்கீட்டில் கடந்த ஆண்டு ஜெர்மனியின் ஸ்டட்ஹர்ட் நகரில் நடந்த போர்சே டென்னிஸ் போட்டியின் முடிவு நீக்கப்படுவதன் மூலம் செரீனாவுக்கு மீண்டும் ‘நம்பர் ஒன்’ ஜாக்பாட் அடித்துள்ளது. ஏஞ்சலிக் கெர்பர், ஸ்டட்ஹர்ட் டென்னிசில் நடப்பு சாம்பியன் ஆவார். இந்த ஆண்டுக்கான ஸ்டட்ஹர்ட் டென்னிஸ் போட்டி 24-ந்தேதி முதல் 30-ந்தேதி வரை நடக்கிறது. இதில் அரைஇறுதிக்கு கெர்பர் முன்னேறினால், மறுபடியும் முதலிடத்தை தட்டிப்பறிக்கலாம்.


மான்ட்கார்லோ டென்னிஸ்: ஜோகோவிச் போராடி வெற்றி

மொனாக்கோவில் நடந்து வரும் மான்ட்கார்லோ மாஸ்டர்ஸ் சர்வதேச டென்னிஸ் போட்டியில் நோவக் ஜோகோவிச் பிரான்சின் ஜிலெஸ் சிமோனை தோற்கடித்து 3-வது சுற்றுக்கு முன்னேறினார். பிரெஞ்ச் ஓபனுக்கு முன்னோட்டமாக மான்ட்கார்லோ மாஸ்டர்ஸ் சர்வதேச டென்னிஸ் போட்டி மொனாக்கோவில் நடந்து வருகிறது. இது களிமண் தரையில் நடக்கும் போட்டியாகும். இதில் பங்கேற்றுள்ள 2-ம் நிலை வீரரும், முன்னாள் சாம்பியனுமான நோவக் ஜோகோவிச் (செர்பியா) நேரடியாக 2-வது சுற்றில் பிரான்சின் ஜிலெஸ் சிமோனை நேற்று எதிர்கொண்டார். 2 மணி 31 நிமிடங்கள் நீடித்த விறுவிறுப்பான இந்த மோதலில் ஜோகோவிச் 6-3, 3-6, 7-5 என்ற செட் கணக்கில் போராடி வெற்றி பெற்று 3-வது சுற்றை எட்டினார். மற்றொரு ஆட்டத்தில் தரவரிசையில் 56-வது இடம் வகிக்கும் பிரான்சின் அட்ரியன் மானரினோ 6-7 (3), 6-2, 6-3 என்ற செட் கணக்கில் தரவரிசையில் 10-வதுமேலும் படிக்க…


அமெரிக்காவில் 3 பேர் சுட்டுக்கொலை: இனவெறியில் ஆப்பிரிக்கர் தாக்குதல்

அமெரிக்காவில் இனவெறியில் 3 பேரை ஆப்பரிக்கர் சுட்டுக் கொன்றார். கடந்த வாரம் இப்பகுதியில் நெடுஞ்சாலை ஓட்டலில் துப்பாக்கி சூடு நடந்தது. அதில் முக்கிய குற்றவாளியும் இவர்தான். அமெரிக்காவில் கலிபோர்னியாவில் உள்ள பிரெஸ்னோவை சேர்ந்தவர் கோரி அலி முகமது (39). இவரை ‘பிளாக் ஷீசஸ்’ என்றம் அழைப்பார்கள். இவர் அமெரிக்க வாழ் ஆப்பரிக்கர் ஆவார். நேற்று காலை 10.45 மணியளவில் பிரெஸ்னோவில் கத்தோலிக்க அறக்கட்டளை தலைமை அலுவலகம் அருகே நின்று கொண்டிருந்தார். கையில் காலிபர்ரக கைத் துப்பாக்கி வைத்திருந்தார். பின்னர் அங்கு நிறுத்தப்பட்டிருந்த தனியார் நிறுவன வாகனங்கள் மீது சரமாரியாக துப்பாக்கியால் சுட்டார் சுமார்16 ரவுண்டுகள் துப்பாக்கி சூடு நடத்தினார். அதில் 3 பேர் துப்பாக்கி குண்டகள் பாய்ந்து அதே இடத்தில் ரத்த வெள்ளத்தில் பிணமாயினர். ஒருவர் படுகாயம் அடைந்தார். அவர் ஆஸ்பத்திரியில் அனுமதிக்கப்பட்டுள்ளார். துப்பாக்கி சூடு நடந்தததால்மேலும் படிக்க…


முன்னாள் சூடான் போராளிகளால் பணயக்கைதிகளாக பிடிக்கப்பட்ட ஐ.நா. ஊழியர்கள் 16 பேரும் விடுதலை

சூடானைச் சேர்ந்த முன்னாள் போராளிகளால் பணயக்கைதிகளாக பிடிக்கப்பட்ட ஐ.நா. ஊழியர்கள் 16 பேரும் விடுதலை செய்யப்பட்டனர். சூடானைச் சேர்ந்த முன்னாள் போராளிகளால் பணயக் கைதிகளாக பிடிக்கப்பட்ட ஐ.நா. ஊழியர்கள் 16 பேரும் விடுவிக்கப்பட்டதாக ஐக்கிய நாடுகள் சபை தகவல் தெரிவித்துள்ளது. சூடானைச் சேர்ந்த முன்னாள் போராளிகள் ஐ.நா. ஊழியர்கள் 16 பேரை நேற்று பணயக்கைதிகளாக பிடித்து வைத்திருந்தனர். அதில் கடத்தப்பட்டுள்ள 16 பேரும் காங்கோ கிழக்கு ஜனநாயக குடியரசுக்கு சொந்தமான அகதிகள் முகாமில் பணயக் கைதிகளாக தங்க வைக்கப்பட்டனர்.  ஃகோமாவில் உள்ள மொனஸ்கோ மிஷன் முகாமில் இருந்து 16 பேரையும் ஆயுதமில்லாத முன்னாள் போராளிகள் கடத்திச் சென்றதாக கிடைத்த தகவலை அடுத்து, அவர்களை விடுவிக்கக் கோரி ஐ.நா நடத்தப்பட்ட பேச்சுவார்தையை அடுத்து ஊழியர்கள் 16 பேரையும் போராளிகள் விடுதலை செய்தனர்.


பிரான்ஸ் நாட்டில் தீவிரவாத தாக்குதல் சதி முறியடிப்பு: 2 பேர் கைது

பிரான்ஸ் நாட்டில் வரும் 23-ந் தேதி அதிபர் தேர்தல் நடக்க உள்ளது. இந்த நிலையில், அங்கு தீவிரவாத தாக்குதல் சதி ஒன்று முறியடிக்கப்பட்டுள்ளது. அதில் ஈடுபட்டிருந்த 2 வாலிபர்கள் கைது செய்யப்பட்டனர். அவர்கள் தீவிரவாத செயல்களை செய்வதற்காக மூளைச்சலவை செய்யப்பட்டவர்கள் என தகவல்கள் கூறுகின்றன. அவர்கள் கைது செய்யப்பட்டதைத் தொடர்ந்து மார்செய் நகரில் போலீஸ் அதிகாரிகளால் நடத்தப்பட்ட சோதனையில் துப்பாக்கிகள், வெடிகுண்டுகள் தயாரிக்க பயன்படுகிற பொருட்கள் கைப்பற்றப்பட்டன. கைது செய்யப்பட்டுள்ள 2 வாலிபர்களிடம் தீவிர விசாரணை நடத்தப்படுகிறது.


எகிப்து: ஐ.எஸ். தீவிரவாதிகளின் துப்பாக்கிச் சூட்டில் போலீஸ்காரர் பலி

எகிப்து நாட்டின் கிழக்கில் உள்ள தெற்கு சினாய் பிரதேசத்தில் சோதனைச் சாவடி அருகே ஐ.எஸ். தீவிரவாதிகள் நடத்திய கண்மூடித்தனமான துப்பாக்கிச் சூட்டில் போலீஸ்காரர் ஒருவர் உயிரிழந்தார். எகிப்து நாட்டின் கிழக்கில் உள்ள தெற்கு சினாய் பிரதேசத்தில் பிரசித்தி பெற்ற புனித கேத்தரின் தேவாலயம் அமைந்துள்ளது. இந்த தேவாலயத்துக்கு அருகாமையில் உள்ள சோதனைச் சாவடியில் நேற்று போலீசார் வழக்கம்போல் வாகன தணிக்கையில் ஈடுபட்டிருந்தனர். அப்போது, அங்கு வந்த ஐ.எஸ். தீவிரவாதிகள் போலீசாரை நோக்கி கண்மூடித்தனமாக துப்பாக்கிகளால் சுட்டனர். போலீசாரும் அதிரடியான எதிர்தாக்குதல் நடத்தினர். இருதரப்பினருக்கும் இடையில் நடந்த இந்த துப்பாக்கிச் சண்டையில் போலீஸ்காரர் ஒருவர் பரிதாபமாக உயிரிழந்தார். பொதுமக்களில் மூன்று பேர் படுகாயம் அடைந்தனர். போலீசாரின் துப்பாக்கிச் சூட்டில் காயமடைந்த ஐ.எஸ். தீவிரவாதிகள் உடனடியாக ஒரு வாகனத்தில் ஏறி சம்பவ இடத்தில் இருந்து தப்பிச் சென்றதாக எகிப்து ஊடகங்கள்மேலும் படிக்க…


அமெரிக்க முன்னாள் அதிபர் ஜார்ஜ் ஹெச்.டபிள்யூ. புஷ் ஆஸ்பத்திரியில் அனுமதி

பராக் ஒபாமாவுக்கு முன்னர் அமெரிக்காவை ஆண்ட முன்னாள் அதிபர் ஜார்ஜ் டபிள்யூ. புஷ்ஷின் தந்தையும் அந்நாட்டின் மற்றொரு அதிபருமான ஜார்ஜ் ஹெச்.டபிள்யூ. புஷ்(92) கடுமையான உடல்நலக் குறைவால் ஆஸ்பத்திரியில் அனுமதிக்கப்பட்டுள்ளார். அமெரிக்காவின் அதிபராக கடந்த 1989 முதல் 1992-ம் ஆண்டுவரை பொறுப்பு வகித்தவர், ஜார்ஜ் ஹெச்.டபிள்யூ. புஷ். இவரது மகனான  ஜார்ஜ் டபிள்யூ. புஷ், அந்நாட்டின் அதிபராக 2001 முதல் 2008-ம் ஆண்டுவரை இருமுறை அந்நாட்டின் அதிபராக பதவி வகித்துள்ளார். இந்நிலையில், வயோதிகம் சார்ந்த காரணங்களால் வீட்டில் ஓய்வெடுத்துவந்த ஜார்ஜ் ஹெச்.டபிள்யூ. புஷ்(92) கடுமையான உடல்நலக் குறைவால் ஆஸ்பத்திரியில் அனுமதிக்கப்பட்டுள்ளார். நிமோனியா எனப்படும் கபவாதம் சார்ந்த பிரச்சனைகளால் பாதிக்கப்பட்டிருந்த அவர் ஹூஸ்டன் நகரில் உள்ள மெத்தடிஸ்ட் மருத்துவமனையில் கடந்த வெள்ளிக்கிழமை அனுமதிக்கப்பட்டதாக அமெரிக்க ஊடகங்கள் தெரிவித்துள்ளன. இதுதொடர்பாக, ஊடகங்களுக்கு தகவல் அளித்துள்ள இவரது செயலாளர், லேசான கபவாதம்மேலும் படிக்க…


வெளிநாட்டினருக்கான H1B பணி விசாவுக்கு கட்டுப்பாடு: அதிரடி உத்தரவில் கையொப்பமிட்டார், டிரம்ப்

அமெரிக்காவில் பணியாற்ற வெளிநாட்டினருக்கான H1B பணி விசா வழங்கும் புதிய கட்டுப்பாட்டுக்கான அதிரடி உத்தரவில் அமெரிக்க அதிபர் டொனால்ட் டிரம்ப் கையொப்பமிட்டுள்ளார். அமெரிக்காவுக்கு வேலைதேடி செல்லும் இந்தியர்கள் உள்ளிட்ட வெளிநாட்டினருக்கான H1B பணி விசா வழங்க கட்டுப்பாடு விதிக்கும் அதிரடி உத்தரவில் அமெரிக்க அதிபர் டொனால்ட் டிரம்ப் கையொப்பமிட்டார். இதையடுத்து இந்த உத்தரவு இன்றுமுதல் நடைமுறைக்கு வந்தது. அமெரிக்க அதிபர் பதவிக்கு கடந்த நடைபெற்ற தேர்தல் பிரசாரத்தின்போது குடியரசு கட்சி வேட்பாளராக போட்டியிட்ட டொனால்ட் டிரம்ப், H1B விசா என்ற நடைமுறையின் மூலம் வெளிநாட்டினர் அனைவருக்கும் அமெரிக்காவில் எளிதாக வேலை கிடைக்கும் வாய்ப்பை பறிக்கும் வகையில் இனி தகுதி உள்ளவருக்கு மட்டுமே இத்தகைய விசாக்கள் வழங்கப்படும் என அறிவித்திருந்தார். அமெரிக்காவில், தொழில்நுட்பம் உள்ளிட்ட பல்வேறு துறைகளில் உள்ள பொறியாளர்கள் பலரும் வெளிநாட்டவர்களே. முக்கியமாக, இந்தியர்கள் அந்தப் பணிகளில்மேலும் படிக்க…


உத்தரபிரதேச போலீஸ் நிலையத்தில் பெண் சுட்டுக்கொலை

உத்தரபிரதேச போலீஸ் நிலையத்தில் பாதுகாப்புக்கு தஞ்சம் அடைந்த பெண் சுட்டுக்கொலை செய்யப்பட்ட சம்பவம் பெரும் சர்ச்சையை ஏற்படுத்தி உள்ளது. உத்தரபிரதேச மாநிலம் மெயின்புரி என்ற இடத்தை சேர்ந்த அனிஷா என்ற பெண்ணுக்கும், இன்னொரு தரப்புக்கும் இடையே நில தகராறு இருந்து வந்தது. எதிர் தரப்பினர் அனிஷாவை தாக்குவதற்கு வந்தனர். எனவே, உயிருக்கு பயந்த அவர் அங்கிருந்து தப்பி ஓடி ஆக்ரா சவுக்கி கேட் போலீஸ் நிலையத்தில் தஞ்சம் அடைந்தார். ஆனால், அந்த போலீஸ் நிலையத்தில் குறைவான போலீஸ்காரர்களே இருந்தனர். ஆனால், அனிஷாவை விரட்டி வந்தவர்களில் பெரிய கும்பலே இருந்தது. அவர்களை போலீசாரால் கட்டுப்படுத்த முடியவில்லை. போலீஸ் நிலையத்துக்குள்ளேயே புகுந்து அனிஷாவை தாக்கினார்கள். மேலும் அனிஷாவை நோக்கி துப்பாக்கியால் சுட்டனர். இதில், படுகாயம் அடைந்த அவரை ஆஸ்பத்திரிக்கு கொண்டு சென்றனர். அங்கு சிகிச்சை பலன் இன்றி உயிரிழந்தார். இதுமேலும் படிக்க…


அனைத்து எம்.எல்.ஏ.க்களும் என்னிடம் உள்ளனர்: டிடிவி. தினகரன்

கட்சியில் எனக்கு எந்த எதிர்ப்பும் இல்லை. அனைத்து எம்.எல்.ஏ.க்களும் என்னிடம் தான் உள்ளனர். விரைவில் நல்ல முடிவு எடுக்கப்படும் என்று டி.டி.வி தினகரன் கூறினார்.  டி.டி.வி. தினகரன் இன்று காலை 9.30 மணிக்கு பெசன்ட் நகர் இல்லத்தில் இருந்து கோர்ட்டில் ஆஜர் ஆவதற்காக புறப்பட்டார். அப்போது அவரிடம் நிருபர்கள் சரமாரி கேள்விகள் கேட்டனர். அதற்கு பதில் அளிக்கையில் டி.டி.வி தினகரன் கூறியதாவது:- கட்சியில் எனக்கு எந்த எதிர்ப்பும் இல்லை. அனைத்து எம்.எல்.ஏ.க்களும் என்னிடம் தான் உள்ளனர். விரைவில் நல்ல முடிவு எடுக்கப்படும். என் பலத்தை யாருக்கும் நிரூபிக்க வேண்டியது இல்லை. கட்சி, ஆட்சி நலனுக்கு உகந்த முடிவை எடுக்க எனக்கு தெரியும். இவ்வாறு அவர் கூறினார். அ.தி.மு.க.வின் குழப்பத்துக்கு பா.ஜனதா தான் காரணமா என்று நிருபர்கள் கேட்டதற்கு, இது பற்றி அவர்களிடம் தான் கேட்க வேண்டும் என்றார்.


டெல்லி போலீசார் கைது செய்ய தீவிரம்: தினகரன் தேடப்படும் நபராக அறிவிப்பு?

டெல்லி போலீசார் கோர்ட்டில் சிறப்பு அனுமதி பெற்று டி.டி.வி.தினகரனை தேடப்படும் நபராக அறிவித்துள்ளனர். இதற்கான அறிவிப்பை போலீசார் நேற்று வெளியிட்டனர். விமானம் மூலம் அவர் வெளிநாட்டுக்கு சென்று விடக்கூடாது என்பதற்காக உஷார்படுத்தப்பட்டுள்ளது. அ.இ.அ.தி.மு.க. துணை பொதுச் செயலாளர் டி.டி.வி. தினகரன் இரட்டை இலை சின்னத்தை பெறுவதற்காக ரூ.50 கோடி பேரம் பேசியதாக குற்றச்சாட்டு எழுந்துள்ளது. இது தொடர்பாக டெல்லியில் நேற்று முன்தினம் இடைத்தரகர் சுகாஷ் என்ற சுகேஷ் சந்திரசேகர் கைது செய்யப்பட்டார். அவரிடமிருந்து ரூ.1.30 கோடி பணம் பறிமுதல் செய்யப்பட்டது. 2 கார்களும் கைப்பற்றப்பட்டன. சுகேசிடம் டெல்லி குற்றப்பிரிவு போலீசார் விசாரணை நடத்தியபோது இரட்டை இலை சின்னம் பெறுவதற்காக ரூ.50 கோடி பேரம் பேசிய டி.டி.வி.தினகரன் முதல் கட்டமாக ரூ.10 கோடியை ஹவாலா மூலம் கொச்சியில் இருந்து டெல்லிக்கு அனுப்பி வைத்ததாக வாக்குமூலம் கொடுத்தான். இதையடுத்து அவனதுமேலும் படிக்க…


தினகரன் குடும்பத்தினர் தாமாகவே விலகுவர்: தம்பிதுரை பேட்டி

ஆட்சியையும், கட்சியையும் காப்பாற்றும் பொறுப்பு சசிகலா, தினகரனுக்கு உள்ளது. தினகரன் குடும்பத்தினர் தாமாகவே விலகுவர் என்று பாராளுமன்ற துணை சபாநாயகர் தம்பி துரை கூறினார். பாராளுமன்ற துணை சபாநாயகர் தம்பி துரை டெல்லியில் நிருபர்களுக்கு பேட்டி அளித்தார். அவர் கூறியதாவது:- கட்சியின் நலன் சார்ந்தே முடிவுகள் எடுக்கப்படுகிறது. அமைச்சர் ஜெயக்குமாரின் கருத்து வரவேற்கத்தக்கது. கட்சியில் அனைவரும் ஒற்றுமையுடன் இருக்க வேண்டும் என்பதே தொண்டர்களின் விருப்பம். தினகரன் தலையீடு இருக்க கூடாது என்று பலரும் கூறி உள்ளனர். ஆட்சியையும், கட்சியையும் காப்பாற்றும் பொறுப்பு சசிகலா, தினகரனுக்கு உள்ளது. தொண்டர்களின் உணர்வுகளுக்கு மதிப்பளிப்பது அவசியம். தினகரன் குடும்பத்தினர் தாமாகவே விலகுவர். யாரையும் ஒதுக்கி வைப்பதை பிரச்சினையாக எடுத்து கொள்ளக்கூடாது. அனைவரும் ஒன்றுபட்டு கட்சியை வழிநடத்த வேண்டும். இவ்வாறு அவர் கூறினார். முன்னாள் அமைச்சரும் பெருந்துறை தொகுதி எம்.எல்.ஏ.வுமான தோப்பு வெங்கடாச்சலம்மேலும் படிக்க…


ரஷியாவுக்கு சுற்றுலா வரும் இந்தியர்கள் உள்ளிட்ட 17 நாட்டினருக்கு ‘விசா’ தேவையில்லை: பிரதமர் மெத்வதேவ்

ரஷியாவுக்கு சுற்றுலா வரும் இந்தியர்கள் மற்றும் 17 நாட்டினருக்கு ‘விசா’ தேவையில்லை என பிரதமர் டிமிட்ரி மெத்வதேவ் அறிவித்துள்ளார். ரஷியாவில் சுற்றுலா மற்றும் வர்த்தகத்தை மேம்படுத்த அந்த அரசு அதிரடி நடவடிக்கை மேற்கொண்டுள்ளது. அதன்படி சுற்றுலா வரும் வெளிநாட்டினரை ‘விசா’ இன்றி அனுமதி வழங்க முடிவு செய்யப்பட்டது. இது குறித்து அதிபர் விளாடிமிர் புதின், பிரதமர் டிமிட்ரி மெத்வதேவ் ஆகியோர் தீவிர ஆலோசனை நடத்தினர். அதன் பின்னர் இந்தியா மற்றும் 17 தூர கிழக்கு நாடுகளை சேர்ந்தவர்கள் சுற்றுலா மற்றும் வர்த்தகத்துக்காக வரும் போது அவர்களுக்கு ‘விசா’ அனுமதி தேவை இல்லை. என முடிவு மேற்கொள்ளப்பட்டது. இதற்கான ஒப்புதலை பிரதமர் மெத்வதேவ் நேற்று வழங்கினார். மேலும், அதற்கான உத்தரவையும் பிற்ப்பித்தார்.


அ.தி.மு.க. மீண்டும் விஸ்வரூபம் எடுக்கும்: நாஞ்சில் சம்பத்

சசிகலா குடும்பத்தை ஒதுக்க முடியாது. டி.டி.வி. தினகரன் தலைமையில் அ.தி.மு.க. மீண்டும் விஸ்வரூபம் எடுக்கும் என நாஞ்சில் சம்பத் தெரிவித்தார். அ.தி.மு.க (அம்மா) கட்சியின் செய்தி தொடர்பாளர் நாஞ்சில் சம்பத் நிருபர்களிடம் கூறியதாவது:- திராவிட இயக்கத்தின் ஆட்சி தமிழ்நாட்டில் இருக்க கூடாது என பா.ஜனதா அரசு கருதுகிறது. அதற்கான நடவடிக்கையில் தற்போது ஈடுபட்டுள்ளது. போர்க்குணம் நிறைந்தவராக டி.டி.வி. தினகரன் திகழ்கிறார். அ.தி.மு.க.வுக்கு வசீகரமான தலைமை கிடைத்துள்ளது. அதை சீர்குலைக்க சின்னா பின்னமாக்க திட்டமிட்டு பா.ஜனதா செயல்படுகிறது. தினகரனை ஒதுக்க சதிவேலை நடக்கிறது. அதற்காக தேர்தல் ஆணையம், வருமான வரித்துறை ஆகிய அதிகார மையங்களை பா.ஜனதா பயன்படுத்துகிறது. திராவிட இயக்கம் வலுவாக உள்ள தமிழ்நாட்டில் மதவாத சக்திகள் காலூன்ற முடியாது. அ.தி.மு.க.வில் இருந்து சசிகலா குடும்பத்தை ஒதுக்கி வைக்க வேண்டும் என அமைச்சர்கள் தெரிவித்துள்ளனர். அது ஒரு போதும்மேலும் படிக்க…


மண்ணின் மைந்தன் லெப் .கேணல் கிறேசி – 26ம் ஆண்டு நினைவு நாள்

தமிழீழ விடுதலைப் போராட்ட வரலாறு என்றும் தமிழீழ இனத்தின் வீரம் ,௨றுதி , துணிவை பறைசாற்றி நிற்கின்றது, அந்த வகையில் அதில் பங்கு கொண்டு தம்மை அர்ப்பணித்த மான மறவர்களையும் தம்முயிரை ஈய்ந்த வீரப்புதல்வர்களையும் நம் தமிழினம் வரலாற்று சக்கரத்தில் என்றும் மறக்க முடியாத பதிவாக பதித்துள்ளது, எனவே விடுதலை நோக்கிய வெற்றிப் பயணத்தில் பயணித்த மறவர்களின் வரிசையில் எம் மனங்களில் என்றும் அழிக்கப்படமுடியாத போர்வீரனாக திகழ்ந்தவர் தான் லெப் .கேணல் கிறேசி அண்ணா அவர்கள். அவரின் விடுதலைப் பயணத்தில் உரம் மிக்க உறுதிமிக்க போராளிகளை வளர்த்த பெருமைக்குரியவர் கிறேசி அண்ணா அவர்கள். இந்த போர்வீரர் இம்மண்ணில் மருதம், முல்லை ,பாலை , நெய்தல் ,குறிஞ்சி ௭னப்படுகின்ற ஐவகை நிலங்களில் ஒன்றான மருத நிலத்தில் வந்து பிறந்தவர்தான் கிறேசி அண்ணா அவர்கள்.ம௫த நிலத்தில் வளம் நிறைந்த பூமிதான்மேலும் படிக்க…


தியாக தீபம் அன்னை பூபதி நினைவு வணக்க நாள்

நாட்டுப்பற்றாளர் தியாக தீபம் அன்னை பூபதியின் நினைவு வணக்க நாள் இன்றாகும். தமிழீழத்தில் அமைதிப்படை என்ற போர்வையில் பாரதம் புரிந்திட்ட அடக்குமுறைக்கு எதிராக 19.03.1988 இருந்து 19.03.1988 வரையிலான சாகும்வரை உண்ணாவிரதப் போராட்டம் (அகிம்சை வழியில்) தொடர்ந்து உயிர் நீத்த நாட்டுப்பற்றாளர் தியாக தீபம் அன்னை பூபதி அவர்களின் 29ம் ஆண்டு நினைவு வணக்க நாள் இன்றாகும். தமிழீழத்திற்கு அமைதிப் படையின் போர்வையில் வந்த இந்தியப் படைகள் நாளும் தன் அடக்குமுறைகளை கட்டவிழ்த்து, எத்தனையோ கொடுமைகளை விளைவித்தது. எம் தேசத்தின் உரிமைக்காக குரல் கொடுப்போரை பாரதம் அன்றும் இன்றும் ஏளனமாகவே பார்த்தது அது எத்தனையோ உயிர்களையும் பறித்தது. உலகிற்கு அகிம்சையை போதித்த நாடு என்று கூறிக்கொண்டு அடாவடித்தனமான செயல்களில் ஈடுபட்ட இந்திய அரசுக்கு எதிராகவும் அதன் அமைதி காக்கும் படைக்கு எதிராக உண்ணா நோன்பிருந்து உயிர் தியாகம்மேலும் படிக்க…


ஜீ. எஸ். பி. வரிச்சலுகை விவகாரம் : இலங்கைக்கு இன்று பெல்ஜியத்தில் பலப்பரீட்சை

ஐரோப்­பிய ஒன்­றி­யத்தின் ஜீ.எஸ்.பி   வரிச் சலு­கையை இலங்கை  மீண்டும் பெற்­றுக்­கொள்­வது தொடர்­பான முக்­கி­ய­மான கூட்­டத்­தொடர் இன்று பெல்­ஜியம் – பிரசெல்ஸ் நகரில் ஆரம்­ப­மா­கின்­றது. இதன் போது இலங்­கைக்கு விஜயம் மேற்­கொண்­டி­ருந்த ஐரோப்­பிய ஒன்­றி­யத்தின் உயர் மட்ட குழுவின் மதிப்­பீட்டு அறிக்கை பரி­சீ­ல­னைக்கு எடுத்­துக்­கொள்­ளப்­ப­ட­வுள்­ளது. மனித உரி­மைகள் உள்­ளிட்ட பல்­வேறு விட­யங்கள் கார­ண­மாக நீக்­கப்­பட்ட  ஜீ.எஸ்.பி. வரிச் சலுகை மீண்டும் மே மாதத்தில் இருந்து கிடைப்­ப­தற்­கான வாய்ப்­புகள்  உள்­ள­தாக அர­சாங்கம் நம்­பிக்கை வெளி­யிட்­டுள்­ளது. ஜீ.எஸ்.பி வரிச்சலு­கையை மீண்டும் இலங்­கைக்கு வழங்­கு­வது தொடர்பில் மதிப்­பீடு செய்­வ­தற்கு ஐரோப்­பிய ஒன்­றி­யத்தின் உயர் மட்ட தொழில்­நுட்ப மதிப்­பீட்டு குழு கடந்த இரு வாரங்­க­ளுக்கு முன்னர் இலங்­கைக்கு விஜயம் மேற்­கொண்­டது. இந்த குழு­வி­னரால் இலங்கை தொடர்பில் தயா­ரிக்­கப்­பட்ட  அறிக்கை இன்று  புதன் கிழமை பெல்­ஜியம் – பிரசெல்ஸ் நகரில் இடம்­பெ­று­கின்ற ஐரோப்­பிய ஒன்­றி­யத்தின்மேலும் படிக்க…


இயேசு கிறீஸ்துவை இறை தூதனாக ஏற்றுப் பணிந்து வருபவன் நான்- திரிவுபடுத்தப்பட்ட செய்திக்கு வருத்தம்!

கிறீஸ்தவ மக்களின் மனங்களை உண்மையில் புண்படுத்தி விட்டதென்றால் அதற்காக நான் மனவருத்தம் அடைகின்றேன். ஆனால் மன வருத்தம் அடைய வேண்டிய விதத்தில் எதுவும் சொல்லப்படவில்லை என்பதே என் வாதம். என வடமாகாண முதலமைச்சர் சி.வி.விக்னேஸ்வரன் குறிப்பிட்டு உள்ளார். முதலமைச்சரால் ஊடகங்களுக்கு அனுப்பி வைக்கப்பட்டு உள்ள அறிக்கையில் குறிப்பிடப்பட்டு உள்ளது. அந்த அறிக்கையில் மேலும் குறிப்பிடப்பட்டு உள்ளதாவது, நான் ஒரு பத்திரிகைக்குக் கொடுத்த செவ்வி சம்பந்தமாகச் சில தவறான கருத்துக்கள் எழுந்துள்ளன. நான் இயேசு கிறிஸ்து நாதரை அவமதிக்கும் விதத்தில் கருத்துக்கள் தெரிவித்ததாகக் கூறப்படுகின்றது. முதலில் இணையத் தளத்தில் வந்த செய்தியை யாரும் பார்த்தார்களானால் அதில் வரும் கடைசி சட்டம் (frame) மாற்றி அமைக்கப்பட்டுள்ளது என்பது தெரிய வரும். செவ்வி எடுத்தவர் முதல் சட்டங்களில் பேசியவாறு கடைசி சட்டத்தில் பேசவில்லை. அவர் தெளிவாகப் பேச முடியாதவர். மிகவும் பதிவானமேலும் படிக்க…


தமிழர்கள் கடத்தல் தொடர்பில் முன்னாள் பிரதிப்பொலிஸ்மா அதிபரிடம் விசாரிக்க நீதிமன்றம் அனுமதி!

கொழும்பு, கொட்டாஞ்சேனை பகுதியில், வெள்ளை வானில் தமிழர்கள் இருவர் கடத்தப்பட்டுக் காணாமல் ஆக்கப்பட்ட சம்பவம் தொடர்பில், முன்னாள் பிரதிப் பொலிஸ்மா அதிபர் அநுர சேனநாயக்கவிடம் விசாரணை மேற்கொள்ள, கொழும்பு நீதவான் நீதிமன்றம் மீண்டும் அனுமதியளித்தது. இந்த வழக்கு, கொழும்பு பிரதான நீதவான் நீதிமன்ற மேலதிக நீதவான் ஜெயராம் ட்ரொஸ்கி முன்னிலையில் நேற்று( 18) விசாரணைக்கு எடுத்துக்கொள்ளப்பட்டது. மன்றில் ஆஜராகியிருந்த குற்றப்புலனாய்வுப் பிரிவினர், (சீ.ஐ.டி) அநுர சேனநாயக்கவிடம் விசாரணை மேற்கொள்ள ஏற்கெனவே அனுமதியளிக்கப்பட்ட போதும், விசாரணை நடத்தப்படாததால் மீண்டும் அனுமதிக்குமாறு கோரிநின்றனர். அக்கோரிக்கைக்கே அனுமதியளிக்கப்பட்டது. 2009ஆம் ஆண்டு நவம்பர் மாதமளவில், பக்கரிசாமி லோகநாதன், இரத்தினசாமி பரமானந்தன் ஆகிய இருவரும், வானொன்றில் கடத்தப்பட்டு காணாமல் ஆக்கப்பட்டனர். அந்தக் கடத்தல்; சம்பவத்துடன் தொடர்புடைய வான், வெலிசறை கடற்படை முகாமுக்குப் பின் பகுதியில் இருந்தாக குற்றப்புலனாய்வுப் பிரிவினரின் விசாரணைகளில் தெரியவந்தது. அத்துடன், கொழும்புமேலும் படிக்க…


இலங்கையின் தொழிலாளர் உரிமைகள் தொடர்பில் ஐ.ரோ ஒன்றியத்தின் குழு விமர்சனம்!

ஜி.எஸ்.பி. பிளஸ் வரிச் சலுகைக்கான, இலங்கையின் விண்ணப்பம் தொடர்பில் தீர்மானம் ஒன்றை எடுப்பதற்கு முன்னர், இலங்கையின் தொழிலாளர் உரிமைகள் தொடர்பில் ஐரோப்பிய ஒன்றியத்தின் உண்மையறியும் குழுவொன்று விசனங்களை தெரிவித்துள்ளது. சுதந்திர வர்த்தக வலயத்தினுள் தொழிலாளர் உரிமைகள் மீறப்படுதல், பாலியல் தொல்லை, தொழிற்சங்கத் தலைவர்களை வேலை நீக்கம் செய்தல், தொழிற்சங்கங்களுக்குத் தொல்லை கொடுத்தல் உட்பட தொழிலாளர் உரிமை மீறல்களுக்கு முகம் கொடுக்கும் ஊழியர்களை, ​ஐரோப்பிய ஒன்றியத் தூதுக்குழு சந்தித்துள்ளது என சுதந்திர வர்த்தக வலயங்கள் மற்றும் பொதுச் சேவைகள் ஊழியர் சங்கம் கூறியது. ஐரோப்பிய நாடாளுமன்ற உறுப்பினர் ஆன் மேரி மற்றும் லோலா கல்டென்றி உட்பட உண்மையறியும் குழுவினர் மனித மற்றும் தொழிலாளர் உரிமைகள் தொடர்பில் இலங்கையின் முன்னேற்றம் குறித்து மதிப்பிட வந்தனர். தொழிலாளர்களை, அவர்களது தொழிற்சங்களின் அடிப்படை உரிமைகளை உறுதி செய்வது அரசாங்கத்தின் கடமையென ஆன் மேரிமேலும் படிக்க…


“எல்லாப் பிரச்சனைகளுக்கும் யாழ்ப்பாண மக்கள் என்னிடமே வருகிறார்கள்” – வடமாகாண ஆளுநர் கவலை!

யாழ்ப்பாண மக்கள் எல்லா பிரச்சினைகளுக்கும் என்னிடமே வருகின்றார்கள். நான் அமைச்சரும் அல்ல, அரசியல்வாதியும் அல்ல. ஒரு ஆளுநர் என வடமாகாண ஆளுநர் றெஜினோல்ட் குரே தெரிவித்துள்ளார். வடமாகாண ஆளுநர் அலுவலகத்தில் நேற்று நடைபெற்ற பத்திரிகையாளர் சந்திப்பில் கலந்து கொண்ட ஆளுநரிடம் பட்டதாரிகளின் வேலைவாய்ப்பு தொடர்பாக கேட்டபோதே இதனைத் தெரிவித்துள்ளார். பட்டதாரிகளுக்கு வேலை கொடுப்பது மாகாண சபையினதும், மத்திய அரசாங்கத்தினதும் கடமையாகும். எனக்கு அந்த கடமை இல்லை. முன்னர் இவ்வாறான பிரச்சினை தொடர்பாக நான் அறிந்திருக்கவில்லை. தொண்டர்கள் தமக்கான நிரந்தர நியமனத்தை கோருவதையே அறிந்திருக்கின்றேன். இப்போது 1 மாத காலமாகவே பட்டதாரிகள் தமது நியமனம் தொடர்பாக போராட்டம் நடத்துவதை அறிந்திருக்கிறேன். மேலும் வடமாகாணசபை அவை தலைவர் சீ.வி.கே.சிவஞானம் மற்றும் உறுப்பினர்கள், நாடாளுமன்ற உறுப்பினர்கள் இது தொடர்பான என்னோடு பேசினார்கள். இதனடிப்படையில் பட்டதாரிகளுடைய எண்ணிக்கையை எடுக்கும்படி உத்தியோகஸ்த்தர்களுக்கு கூறி அந்தமேலும் படிக்க…


© 2015: TRT Tamil Olli, All Rights Reserved
error: நீங்கள் பிரதி செய்வது தடை செய்யப்பட்டுள்ளது !