TRT தமிழ் ஒலியின் 22 வது பிறந்தநாள் வாழ்த்துக்கவி

மங்கலம் பொங்க

மனங்கள் நிறைய

தைத்திங்கள் பதினான்கு

தொண்ணூற்றி ஏழில்

வந்து உதித்தாய்

ஆண்டுகள் இருபத்தியிரண்டும்

தாண்டியதே விரைவாய்

ஆனாலும் தொடர்ந்து

பயணிக்கிறேன் உன்னோடு நானும் !

 

தாய்மண்ணை விட்டு

புலம் பெயர்ந்து வந்தபோது

உற்ற தோழியாய்

உறவாடி மகிழ்ந்தவளே

காற்றலையூடாய் தமிழ்மணத்தை

மாற்றான் தேசத்தில்

தவழவிட்ட தமிழ் ஒலித்தாயே

வாழ்த்துகிறோம் உன்னை

வாழ்க பல்லாண்டு !

 

அள்ள அள்ளக் குறையாத

அட்சய பாத்திரம் நீ

அறிவுப் பசிக்கு விருந்து தந்து

ஆழுமைகளை வளர்த்தவள் நீ

ஆற்றல்களை ஊக்குவித்து

ஆர்வத்தை ஊட்டியவள் நீ

அள்ளிச் சொரிகின்றோம்

அன்போடு வாழ்த்துக்களை

வாழ்க பல்லாண்டு !

 

இதயத்து ஒலி நீ

இமயத்து நிழல் நீ

உதயத்து ஆதவன் நீ

உண்மையின் நிதர்சனம் நீ

எட்டுத் திக்கும் மெட்டுப் போட்டு

எம்மைக் கட்டிப் போட்டவள் நீ

வாழ்த்துகிறோம் வாழ்க பல்லாண்டு !

 

தெள்ளு தமிழோடு

தெம்மாங்கு சுவையோடு

சமூகப் பணியோடு

அரசியல் ஆய்வோடு

அறிவுத் திறனோடு

எண்ணற்ற நிகழ்வாய் வலம் வருவாயே

ஏற்றமுடன் வாழ்த்துகின்றோம்

வாழ்க பல்லாண்டு !

 

உன்னால் தமிழ் வாழும்

தமிழ் மூச்சாய் நாம் வாழ்வோம்

வாழியவே பல்லாண்டு – நீ

வாழியவே பல்லாண்டு !

வாழ்த்துக்கவி (14,01,2019)

கவியாக்கம்……..ரஜனி அன்ரன் (B.A)






© 2015: TRT Tamil Olli, All Rights Reserved
error: நீங்கள் பிரதி செய்வது தடை செய்யப்பட்டுள்ளது !