தமிழ்நாட்டில் சென்னை அருகே பயணிகள் விரைவு ரயில் தடம் புரண்டது குறித்து உயர்நிலைக் குழு விசாரணைக்கு உத்தரவிடப்பட்டுள்ளது.

நேற்றிரவு (11 அக்டோபர்) எட்டரை மணியளவில் கவரப்பேட்டை நிலையத்தில் விபத்து நடந்தது.

நின்று கொண்டிருந்த சரக்கு ரயில் மீது மைசூர் – தர்பங்கா பாகமதி விரைவு ரயில் மோதியது.

அதன் 13 பெட்டிகள் தடம் புரண்டன.

2 பெட்டிகளில் தீப்பிடித்தது.

19 பயணிகள் காயமடைந்தனர்.

விரைவு ரயிலில் இருந்த பயணிகள் இன்று அதிகாலை வேறொரு சிறப்பு ரயிலில் உரிய இடங்களுக்கு அனுப்பப்பட்டனர்.

ரயில் தடத்தைச் சீரமைக்கும் பணிகள் தொடர்கின்றன.

விபத்துக்கான காரணத்தைக் கண்டறிய விசாரணைக் குழு அமைக்கப்பட்டுள்ளது.