Main Menu

இரண்டு பிரித்தானிய தன்னார்வலர்கள் ரஷ்ய இராணுவத்தால் சிறைபிடிப்பு

உக்ரைனில் மனிதாபிமான உதவிகளை வழங்கும் இரண்டு பிரித்தானிய தன்னார்வலர்கள், ரஷ்ய இராணுவத்தால் சிறை பிடிக்கப்பட்டதாக உதவி அமைப்பு ஒன்று தெரிவித்துள்ளது.

கடந்த திங்கட்கிழமை தெற்கு உக்ரைனில் உள்ள ஒரு சோதனைச் சாவடியில் பால் யூரே மற்றும் டிலான் ஹீலி ஆகிய இருவரும் தடுத்து வைக்கப்பட்டதாக இலாப நோக்கற்ற பிரசிடியம் வலையமைப்பு கூறியது.

வெளியுறவு அலுவலகம், அவசரமாக கூடுதல் தகவல்களைத் தேடும் என்று கூறப்படுகிறது.

யூரேயின் தாயார், அவருக்கு டைப்- 1 நீரிழிவு நோய் இருப்பதால், அவருக்கு இன்சுலின் தேவைப்படுவதால், அவரது நலனில் மிகவும் கவலையாக இருப்பதாகக் கூறினார்.

இதனிடையே, ரஷ்ய ராணுவத்திடம் சரணடைந்ததாகக் கூறும் நபர் ஒருவரின் கணொளியை ரஷ்யா வெளியிட்டுள்ளது.

இராணுவ உருமறைப்பு சீருடை அணிந்திருக்கும் நபர், பிளைமவுத்தில் இருந்து ஆண்ட்ரூ ஹில் என்று அழைக்கப்பட்டதாகவும், அவருக்கு குழந்தைகள் மற்றும் ஒரு துணை இருப்பதாகவும் கூறினார்.

அந்த காணொளியில், கையில் வார்ப்பு அணிந்த நிலையில் இருக்கும் நபர், கட்டாயப்படுத்தி பேசுகிறாரா என்பது தெளிவாக இல்லை.