Main Menu

அல்ஜீரியாவில் அரசியல் மாற்றத்தை வலியுறுத்தி பிரான்சில் போராட்டம்

அல்ஜீரிய ஜனாதிபதியின் பதவி விலகலை வலியுறுத்தியும், நாட்டில் அரசியல் மாற்றத்தை கோரியும் பிரான்சில் பாரிய போராட்டமொன்று முன்னெடுக்கப்பட்டுள்ளது.

பிரான்சில் வசிக்கும் அல்ஜீரிய பிரஜைகளினால் நேற்று (ஞாயிற்றுக்கிழமை) இப்போராட்டம் நடத்தப்பட்டிருந்தது. இப்போராட்டத்தில் சுமார் 2 ஆயிரத்திற்கும் அதிகமானோர் கலந்துக் கொண்டனர்.

அல்ஜீரியாவிலுள்ள தமது சொந்தங்களுக்கு ஆதரவை வெளிகாட்டும் வகையில் வாரந்தோறும் போராடவுள்ளதாக ஆர்ப்பாட்டக்காரர்கள் தெரிவித்துள்ளனர்.

அல்ஜீரிய ஜனாதிபதி அப்தெலசிசின் பதவி விலகலை வலியுறுத்தி, அல்ஜீரிய மக்கள் கடந்த ஆறு மாதங்களாக போராடி வருகின்றனர்.

இந்நிலையில், அல்ஜீரிய ஜனாதிபதியை நாட்டின் தலைமைக்கு தகுதியற்றவர் என பிரகடனப்படுத்துமாறு அரசியலமைப்பு சபையை வலியுறுத்தி அல்ஜீரிய இராணுவமும் ஆர்ப்பாட்டத்தில் குதித்துள்ளமை குறிப்பிடத்தக்கது.